ரூ 5 கோடி சாதனங்கள் பறிமுதல்... எஸ்சிவி மீது புகார்!

தயாநிதி மாறன்....prg..

’நான் ஒரு ராசி இல்லாத ராஜா’ என்ற இந்த பாட்டுக்கு சொந்தக்காரர் வேறு யாருமில்லை. தமிழ்நாட்டைச் சேர்ந்த மத்திய முன்னாள் அமைச்சர் தயாநிதி மாறன்தான்.

அவர் ராசியில்லாதவரா.... ராசியானவரா என்பதை பார்க்கும் முன்பு, தயாநிதியின் இந்த நிலைக்கு காரணம் யார்?

ஒரு தாத்தா... உடனே... அந்த தாத்தா கலைஞர் கருணாநிதி என்று நினைக்காதீர்கள்.

தாத்தா என்றால், வயதானவர். அவர் தாதாவும் கூட... தாதா என்றதும் ஏதோ பேட்டை வஸ்தாது... பிஸ்தா என்று நினைக்காதீர்கள்.

தாதா என்றால் தொழில்துறையில் தாதா என்று அழைக்கப்படுவர். இன்னுமா தெரியவில்லை.

அவர் பெயர் ரத்தன் டாட்டா. கிட்டத்தட்ட தயாநிதி மாறனின் வயதை வைத்து பார்த்தால் ரத்தன் டாட்டா தாத்தா போன்றவர். அந்த டாட்டாவை போட்டு பார்த்து, இன்று டப்பா டான்ஸாடிக் கொண்டிருக்கிறார் தயாநிதி.

தயாநிதியை சொல்லி குற்றமில்லை. அவருக்கு அந்த இடத்தை கொடுத்த கலைஞரைத்தான் குற்றம் சாட்ட வேண்டும். டாட்டாவை எதிர்க்க
வேண்டிய நிர்ப்பந்தம் என்ன? அவருக்கும் இவருக்கும் பரம்பரை பகையா? அல்லது பாகம் பிரிக்கும் பங்காளிச் சண்டையா?அல்லது தயாநிதியை சந்தித்து, தொலைத்தொடர்புத்துறையில் இருந்து ரவுடி மாமூல் தரும்படி டாட்டா கேட்டாரா?

டாட்டா யார்? பரம்பரை பணக்காரன். அதுவும் மூன்று நான்கு தலைமுறைகளாக பணத்தை பார்த்துக் கொண்டிருப்பவர்கள். கிட்டத்தட்ட 70 வருடங்களுக்கு மேல் தொழில் துறையில் டாட்டா குடும்பம் ஈடுபட்டு வருகிறது. தயாநிதி மட்டுமல்ல.... இந்தியாவில் 1950க்கு மேல் பிறந்த எல்லாருடைய தந்தையும், தன் மகனை பார்த்து.... நீ கேட்டதெல்லாம் வாங்கித்தர நீ ஒன்னும் டாட்டா-பிர்லா குடும்பத்தில் பிறக்கலை’ என்ற டயலாக்கை கேட்டிருப்பார்கள். அப்படிப்பட்ட பேமிலி அது.

பத்தாயிரம் கோடி ரூபாயை தொழில் மூலம் சேர்க்க, அந்த நிறுவனம் எத்தனை ஆண்டுகள் பாடுபட்டது.... டி.வி.எஸ். குழுமம் இன்று இத்தனை கோடிகள் கொண்ட நிறுவனமாக மாறியது எப்படி? மலையாள மனோரமா பத்திரிகையின் வளர்ச்சி எப்படி? சென்னை சில்க்ஸ் குழுமத்தின் எப்படி இத்தனை வளர்ச்சி கண்டது. அடையாறு ஆனந்தபவன் ஓட்டல் கிளைகள் இன்று 70க்கு மேல் போய்க் கொண்டிருக்கிறதே எப்படி? இதெல்லாம் ஒரு நாளில் அல்லது ஒரு வருடத்தில் நடந்த சாகசமா? இந்த குழுமங்கள் எல்லாமே குறைந்து முப்பது வருடங்களாக தொழிலில் இறங்கி மேலே வந்தவை?

10 ஆயிரம் கோடி ரூபாய் நிறுவனம் என்ற பெயரை பெற டாட்டா குடும்பத்தின் உழைப்பு என்ன? அவர்கள் எல்லாம் எம்.எல்.ஏ.வும்.... எம்.பி.யுமாகி அமைச்சர்களாக வலம் வந்து பணத்தை லவட்டிக் கொண்டவர்களா?

பத்து வருடங்களில் கலாநிதியும் தயாநிதியும், இந்தியாவின் பணக்காரர் பட்டியலில் 20 முதல் 30க்குள் வரும் அளவுக்கு எப்படி முடிந்தது? அந்த வேகம் தான் 70 வருடங்களுக்கு மேல் இந்தியாவில் தொழில் துறையில் தாதாவாக இருக்கும் டாட்டா குடும்பத்துடன் மோத வைத்தது?

 

அதுவும் டி.டி.எச். என்ற தொழில்நுட்பம் மூலம் டிவி சேனல்களை காட்டும் தொழிலில்

தமிழ்நாட்டில் டாட்டாவின் நிறுவனம் கால் பதிக்கக் கூடாது.... அப்படி கால் பதித்தால், அதில் பங்கு வேண்டும் என்று மிரட்டுவதற்கு தயாநிதிக்கு என்ன துணிச்சல்?

டாட்டாவை தயாநிதி மிரட்டினார் என்று செய்தி வந்த போதே கருணாநிதி என்ன செய்திருக்க வேண்டும். பேராண்டி....உனக்கு அனுபவம்

பத்தாது. நானே இங்க இருக்கற தொழிலதிபர்களை மிரட்டினது கிடையாது என்று அறிவுரை கூறி தயாநிதியை தலையில் தட்டி

வைத்திருந்தால்... இந்த அவமானம் வந்திருக்குமா?

தயாநிதி யார்? முரசொலி மாறனின் மகன். முரசொலி மாறன் யார்? கருணாநிதியின் அக்காள் மகன். முரசொலி மாறனுக்கு முகவரி யார் கருணாநிதி. முரசொலி மாறனின் வளர்ச்சிக்கு காரணம் யார் கருணாநிதி. முரசொலி மாறன், மத்தியில் அமைச்சராக இருந்ததற்கு காரணம் யார் கருணாநிதி.

முரசொலி மாறனின் மகன் கலாநிதி சன் டிவி என்ற தொழிலை தொடங்க காரணம் யார் கருணாநிதி. அதற்கு வங்கியில் இருந்து 6 கோடி ரூபாய் கடனுதவி வாங்கிக் கொடுத்தது யார் கருணாநிதி. அதையும் எப்படி வாங்கிக் கொடுத்தார் தி.மு.க.வின் சொத்துக்களை வங்கியில் கேரண்டி கொடுத்து?

இப்படி வளர்ந்த மாறனின் மகன்கள், தாத்தாவின் மார் மீதே முட்டினார்களே? பேரன்கள் மீது தாத்தா வைத்த பாசம் மோசமாகிவிட்டதே. பதிலுக்கு அவர்கள் காட்டிய பாசமும் விசுவாசமும் என்ன? குடும்பத்தில் யார் பெரியவர் என்ற மோதலில் ஸ்டாலினையும் அழகிரியையும் மோதவிட்டு வேடிக்கை பார்த்தவர்கள் தானே இந்த பேரன்கள்?

கருணாநிதியின் பாசம் கண்ணை மறைத்தது. கடைசியில் பாசத்தால்... இன்று கட்சியே மறையத் தொடங்கிவிட்டதே?

கருணாநிதியின் சுயநலத்தால் கட்சியும் இன்று கலகலத்துவிட்டது. குடும்பமும் பொல பொலவென உதிர்கிறது.

சரி... அது போகட்டும். தயாநிதிக்கும் மத்திய அமைச்சர் பதவிக்கும் ஏன் ராசி இல்லை.

ராசி என்றால், ஏதோ ஜோதிட ரீதியாக சொல்லும் அர்த்தம் இல்லை. ராசி என்பது, அதற்கான பக்குவம் வரவில்லை என்பதுதான் அதன்
உண்மையான கருத்து.
 

ஒரு தொழில் செய்ய வேண்டும். அதை தெரிந்து செய்ய வேண்டும். அதில் இருக்கும் கஷ்ட நஷ்டங்களை நெளிவு சுளிவுகளை அனுபவிக்க வேண்டும். அப்போதுதான், அத்தொழிலில் இருக்கும் நன்மை தீமைகள் தெரிய முடியும்.

இதெல்லாம் எதுவுமே அறிந்துக் கொள்ளாமல், தங்கள் குடும்ப அதிகாரத்தின் மூலம் தொழில் நடத்தி வந்தவர் தயாநிதி!

முதலில் அவர் நடத்திய தொழில் என்ன? எச்.எப்.ஓ. என்ற டிஸ்கொத்தே டான்ஸ் தொழிலை, அருணா இன் ஓட்டலில் ஒரு தளத்தை வாடகைக்கு எடுத்து நடத்தி வந்தார். டிஸ்கொத்தே டான்ஸூக்கு வரும் கூட்டம் யார்? காசு கொழுத்தக் குடும்பமும், கட்டப்பஞ்சாய்த்து செய்து, அதில் வரும் காசை அடாவடியாக செலவழிக்கும் கும்பலும் தான் டிஸ்கொத்தேவுக்கு வரும்.

அந்த கும்பலை டான்ஸ் ஆடும் போது அடக்கி ஆள பவுன்சர்கள் என்ற தடியர்கள் கூட்டத்தை கையில் வைத்துக் கொள்ள வேண்டும். அப்படி பத்துக்கும் மேற்பட்ட பவுன்சர்களை வைத்துக் கொண்டு தொழில் செய்துக் கொண்டிருந்தார். அதாவது பத்து அடியாட்களை வைத்து தொழில் நடத்தும் எண்ணம் படைத்தவருக்கு, என்ன மனோபாவம் இருக்கும் என்பதை நீங்களே புரிந்துக் கொள்ளுங்கள். அவர் எந்தத் தொழில் தொடங்கினாலும், அடியாட்களை வைத்து அடக்கியாள வேண்டும் என்ற மனநிலைக்கு தள்ளப்பட்டிருப்பார் என்பது சொல்லித் தெரியவேண்டியதில்லை.

பின்னர், சுமங்கலி கேபிள் விஷன் என்ற தொழிலில், கேபிள் டிவி ஆபரேட்டர்களை ஒருங்கிணைக்கும் பணியில் அமர்ந்தார். அங்கேயும் உருட்டல், மிரட்டல் பணிகளே பரிணாமித்தது.

இந்த நேரத்தில் தான், அவரது தந்தையின் மரணத்துக்குப் பிறகு, அவருக்கு மத்திய அமைச்சராக்கும் யோகம் அடித்தது. அடிப்படையில், தயாநிதிக்கு அந்தப் பதவியை தக்க வைத்துக் கொண்டு, 50 வருடம் அரசியல் நடத்த வேண்டும் என்ற எண்ணம் இருந்திருந்தால்................. எப்படி நடந்திருப்பார்?

சிவசங்கரனை மிரட்டி அவரது கம்பெனியை விற்க வைத்திருக்கமாட்டார்?

பின்னர் அவரையே கைது செய்து சிறையில் அடைக்க துடித்திருக்க மாட்டார்?

கேபிள் டிவி தொழிலில் வந்த சிட்டி கேபிள், ஹாத்வே குழுமங்களின் கேபிள்களை அறுக்கும்படி உத்தரவிட்டிருக்கமாட்டார்?

டாட்டாவை எதிர்த்திருக்கமாட்டார்?

அழகிரியுடன் மோதியிருக்க மாட்டார்?

தாத்தா கருணாநிதியை எதிர்த்து பேட்டி கொடுத்திருக்கமாட்டார்?

-இப்படி எத்தனையோ மாட்டார்........ என்று வாசகங்கள் வரும்.

முதலில், 2004ம் ஆண்டில் 36 வயதில் அவருக்கு மத்திய அமைச்சர் பதவி கிடைத்த போது, அவருக்கு இருந்த பக்குவம் போதாது. வயது... பணம்.... அதிகாரம்... இதெல்லாம் அவரை ஆட்டிப்படைத்துவிட்டது. 2004ம் ஆண்டு பதவிக்கு வந்த அவர், 2007ம் ஆண்டு பதவியை இழந்தார். அடுத்து எப்படியோ, குடும்பம் ஒன்று சேர்ந்து 2009ம் ஆண்டு மீண்டும் மத்திய அமைச்சரவையில் சேர்ந்தார். 2011ம் ஆண்டு பதவி போனது.

முதல் முறை மூன்று வருடங்களும், இரண்டாவது முறை இரண்டு வருடங்களுமே அவரால் மத்திய அமைச்சராக முடிந்தது.

ஸ்பெக்டரம் ஊழல் விவகாரத்தில் ராசாவை சிக்க வைக்க செக் வைத்தவரே தயாநிதி தான் என்ற குற்றச்சாட்டுகள் தி.மு.க.வினராலே வைக்கப்படுகிறது. அதே பூதம் தன்னையே தாக்கும் என்ற எண்ணம் அவருக்கு வந்திருந்தால்.... இன்று இந்த நிலை வந்திருக்குமா?

அதாவது இங்கே மீண்டும் ஒரு முறை பழைய பாடலை நினைவு கூற வேண்டியிருக்கிறது.

“நான் ஒரு ராசியில்லா ராஜா” என்ற பாடல் அல்ல அது.

தி.மு.க.வின் தலைவர் கருணாநிதியின் குடும்ப நிழலில் வளர்ந்ததால், கஷ்ட நஷ்டங்களையும் அறியாமல் உச்சாணிக்கொம்பில் ஏறி நின்றவர் தயாநிதி. இந்த உயரத்தை அடைய டி.ஆர்.பாலு, பழனிமாணிக்கம் ஆகியோர் கடந்து வந்த பாதை என்ன என்பதை ஒரு நாள் அவர் சிந்தித்துப் பார்த்திருந்தால்.... 

இதோ அந்த பாடல்... 

ஆற்றங்கரையின் மரமும்.. 

அரசறிய வீற்றிருந்தார் வாழ்வும்... 

விழுமன்றோ! 

 

Read more: http://truetamilans.blogspot.com/#ixzz1U1o1EJ59

கமலக்கண்ணன், ஏ.சி.குமரவேல், சன் டி.வி. கலாநிதி மாறன் ஆகியோர் தன்னை மிரட்டி கேபிள் டி.வி.யை எழுதி வாங்கிவிட்டனர்’

சுதந்திர இந்தியா தனது வரலாற்றில் ஏராளமான கார்ப்பரேட் மோதல்களைக் கண்டிருக்கிறது. ஸ்பெக்ட்ரம் ஊழல் என்ற முகமூடியுடன் நடக்கும் கார்ப்பரேட்-அரசியல் மோதலுக்கு அவை எதுவுமே நிகரல்ல. சுமார் 20 ஆண்டு காலம் நுஸ்லி வாடியாவுக்கும் தீருபாய் அம்பானிக்கும் நிகழ்ந்த யுத்தம்கூட 2ஜி அலைவரிசை ஊழல் விவகாரத்தின் பின்னணியில் சிறியதாகத் தெரிகிறது. இரண்டு நபர்களிடையிலான பிசினஸ் மோதலாகத் தொடங்கி, ராஜீவ் காந்தி - வி.பி.சிங் இடையிலான மோதலாக, அரசியலுக்குள்ளும் அம்பானி - வாடியா மோதல் நுழைந்தது. ரத்தன் டாடா, அனில் அம்பானி, பார்தி மிட்டல், ஷாகித் பல்வா முதலிய கார்ப்பரேட்களில் தொடங்கி, கருணாநிதி குடும்பத்தினர், ஆ.இராசா, ஷரத்பவார் முதலிய அரசியல்வாதிகள் என 2ஜி ஊழல் போரில் ஏராளமான வி.வி.ஐ.பி.க்கள் முக்கிய பாத் திரமேற்றிருந்தார்கள். தயாநிதிமாறன், கலாநிதி மாறன், ஸ்டெர்லிங் சிவசங்கரன், ஏர்செல் அனந்தகிருஷ்ணன் போன்ற கார்ப்பரேட்களும் அரசியல்வாதிகளும் புதிதாக இணைந்திருப்பது மூலம் ஸ்பெக்ட்ரம் ஊழல் குருட்சேத்திரம் உக்கிரமான நிலையை எட்டியிருக்கிறது.

ஸ்பெக்ட்ரம் ஊழலும் அதன் அம்பலமும் அது தொடர்பான விசாரணையும் ஒரு சாதாரண ஊழல் விவகாரம் சார்ந்தது அல்ல என்ற எளிய உண்மையை விளக்கிப் புரிய வைக்க மிகுந்த பிரயத்தனம் எடுத்துக்கொள்ள வேண்டியிருக்கிறது என்பது ஒரு சுவாரசியமான முரண்நகைதான். கிளப்பிவிட்ட சூத்ரதாரிகளான மாறன் சகோதரர்களுக்கு எதிராகவே ஸ்பெக்ட்ரம் ஊழல் விவகாரம் திரும்பும் சமயம் இது. பாட்டிலில் அடைக்க முடியாத ஒரு பூதத்தை திறந்துவிட்டிருக்கிறோம் என்று 'கேடி பிரதர்ஸ்' என செல்லமாக அறியப்படும் கார்ப்பரேட் - அரசியல் அதிபர்கள் காலம் கெட்ட பிறகு வருந்தக்கூடும். பிசினஸ் போட்டியில் தொடங்கி, அரசியல் அரங்கிற்கு மாறிய இது வரையிலான கார்ப்பரேட் மோதல்களுக்கு மாறாக ஸ்பெக்ட்ரம் விவகாரத்தில், 21ஆம் நூற்றாண்டிற்கே உரிய வகையில் ஒவ்வொரு அங்கத்திலும் அரசியலும் கார்ப்பரேட் மோதலும் பிரிக்க முடியாதபடி பிணைந்திருக்கிறது. தங்களின் குடும்பத் தொழில் செழிக்க உதவிய தொலைதொடர்புத் துறை தங்கள் பிடியிலிருந்து பறி போனதற்குப் பழிவாங்குவதற்காகத்தான் மாறன்கள் இந்த ஊழலை அம்பலமாக்கினார்களா? டாடாவின் டி.டி.ஹெச். நிறுவனத்தில் பங்குகள் கேட்டு மாறன்கள் மிரட்டியதாக கூறப்பட்ட நிலையில், தயாநிதி மாறன் அமைச்சராக இருந்தபோது நடந்த 2ஜி ஒதுக்கீட்டின் முறைகேடுகள் குறித்த சமீபத்திய அம்பலங்களின் பின்னணியில் டாடாக்கள் இருக் கிறார்களா?

ராசாவின் தலையை வாங்க அனைவரும் துடித்துக்கொண்டிருந்த ஒரு கால கட்டத்தில் 2001 முதல் நிகழ்ந்த அத்தனை அலைவரிசை ஒதுக்கீடுகளையும் ஆய்வு செய்யும்படி புதிய தொலை தொடர்பு அமைச்சர் கபில்சிபல் உத்தரவிட்டபோதே மாறன்களும் குற்ற வளையத்தில் வருவது தவிர்க்க முடியாததாகிவிட்டது. ஆனால் சன் டி.வி. நெட்வொர்க்கின் பின்னணியில் மிகப் பெரிய பிசினஸ் சாம் ராஜ்யத்தையும் தந்தை முரசொலி மாறன் காலத்திலிருந்தே அரசியல் ஆதரவையும் சேகரித்து வைத்திருந்த ஒரு குடும்பத்தை, தி.மு.க.வைத் தனது அரணாகப் பயன்படுத்திய மாறன் சகோதரர்களை அவ்வளவு எளிதாக வீழ்த்த முடியாதே! அதனால், கபில்சிபல் நியமித்த நீதிபதி ஷிவ்ராஜ் பாட்டீல் ஒரு நபர் கமிஷன் தயாநிதி மாறனின் தவறுகளை அக்குவேறாக அம்பலப்படுத்தியும் சுமார் இரண்டு ஆண்டுகளாக சி.பி.ஐ. அந்தக் கோப்புகளின் மீது தூங்கிக்கொண்டிருந்தது. சட்டம் தனது கடமையைச் செய்ய, தி.மு.க. தலைவர் மு.கருணாநிதியின் மகள் கனிமொழி சிறைக்குச் செல்ல வேண்டியிருந்தது. மாறன் குடும்பத்தை தி.மு.க. கைகழுவ நினைத்த ஒரு அரசியல் திருப்புமுனை கால கட்டத்தில்தான் நீதியும் நியாயமும் கண்விழித்துக்கொள்ளும் சௌகரியத்தைப் பெறுகின்றன. மாறன் குடும்பத்தினர் தன்னை எவ்வாறு ஏர்செல்லை விற்கும்படி நிர்பந்தித்தனர் என்பதை சி.பி.ஐ.யிடம் சாட்சியமாகக் கொடுக்க திடீரென ஸ்டெர்லிங் சிவசங்கரனுக்குத் தைரியம் வந்தது. ஏர்செல்லை வாங்கிய அனந்தகிருஷ்ணன் கலைஞர் டி.வி.யைப் போலவே புத்தம் புதிதாகத் தொடங்கப்பட்ட சன் டி.டி.ஹெச். நிறுவனத்திற்கு அதன் பிரதிபலனாகத்தான் 800 கோடி ரூபாய் முதலீடு தந்தார் என்றவாதம் முன்வைக்கப்பட்டது. ஏர் செல் தனது கட்டுப்பாட்டில் இருந்தபோதே வழங்கப்பட்டிருக்க வேண்டிய 14 அலைவரிசை உரிமங்களை, அது கைமாறிய பிறகு வழங்கியதற்கான லஞ்சம்தான் இது என்பது சிவசங்கரனின் வாதம். நீதிபதி ஷிவ் ராஜ் பாட்டீல் கமிட்டி அறிக்கையும் இத்தகைய ஒரு பார்வையை முன்வைத்திருப்பதால், தயாநிதிமாறனை விசாரிக்க பிரதமர் மன் மோகன் சிங் அனுமதி கொடுத்திருக்கிறார் என்ற தகவல் ஆச்சரியமளிக்கவில்லை. தயாநிதி மாறன் பதவி விலக நேரும், அவர் மட்டுமின்றி அவரின் சகோதரரும் கார்ப்பரேட் அதிபருமான கலாநிதியும் கம்பி எண்ண வேண்டியிருக்கலாம் என்ற பேச்சுக்களும் ஒரு நாள் உண்மையாகலாம்.

ஸ்பெக்ட்ரம் விசாரணை எதுவரை பாயும், எது வரை பாயாது என்பது முற்றிலும் சட்டத்திற்குட்பட்டது அல்ல என்பது அனைவருக்கும் தெரிந்த உண்மைதான். ஆ.ராசாவின் 2ஜி அலைவரிசை ஊழலில் நேரடி தொடர்பு இருந்தாலும் ரத்தன் டாடாவும் அனில் அம்பானியும் இதுவரை கைது செய்யப்படவில்லை. மற்றவர்களிடம் கடுமை காட்டி வரும் நீதித்துறை ரத்தன் டாடாவையும் அனில் அம்பானியையும் வழக்கில் சேர்க்க வேண்டும் என்ற மனுவைத் தள்ளுபடி செய்திருக்கிறது. அவர்கள் அளவுக்குப் பெரிய தொழிலதிபர் அல்லாத ஷாகித் பல்வா மட்டும் கம்பிகளின் பின்னால் ஜாமீன் இல்லாமல் தொடர்கிறார். அதனால் கலா நிதி மாறனின் உயரம் விசாரணைக்கு உட்படுத்தும் அளவில் இருக்குமா, இல்லையா என்பது கணிப்புகளுக்கு அப்பாற்பட்டது. ஆனால் தங்களின் அகந்தையாலும் அடாவடித்தனங்களினாலும் மாறன் குடும்பத்தினர் சம்பாதித்திருக்கும் எதிரிகளின் எண்ணிக்கை தராசை அவர்களுக்கு எதிராகத் திருப்பக்கூடும்.

நுஸ்லி வாடியாவுக்கும் திருபாய் அம்பானிக்கும் இடையிலான மோதலை, பாரம்பரிய பணக்காரருக்கும் புதுப் பணக்காரருக்கும் இடையிலான மோதலாகப் பார்ப்ப துண்டு. நேர்மையான வழிகளில் பிசினஸ் செய்யும் வாடியாவின் வழிமுறைக்கும் அத்தனை தில்லு முல்லுகள் மூலம் பிசினஸ் சாம் ராஜ்யத்தை விரிவாக்கும் அம்பானியின் வழிமுறைக்குமான மோதலாகவும் பார்க்கப்படுவதுண்டு. ஸ்பெக்ட்ரம் விவகாரத்தின் பின்னணியில் நிகழும் கார்ப்பரேட்-அரசியல் மோதல் அவ்வளவு தெளிவான வரையறைகள் கொண்டது அல்ல. அரசையும் சட்டத்தையும் தனக்கு சாதகமாக வளைத்து, அத்தனை துஷ்பிரயோகங்களிலும் ஈடுபட்டு பிசினஸ் செய்ய வேண்டிய யுகம் அம்பானியின் வரவுடன் தொடங்கிவிட்டதை உணர்ந்த நுஸ்லி வாடியாவின் தந்தை தனது அத்தனை சொத்துக்களையும் விற்றுவிட்டு ஸ்விட்சர்லாந்தில் செட்டிலாகிவிடத் துடித்தார். அதை ஏற்க மறுத்து, தந்தையுடன் மோதி தனது சொத்துரிமையைப் பெற்று, அம்பானியின் சாம தான பேததண்ட சாம்ராஜ்யத்திற்கு எதிராக நீண்ட தர்ம யுத்தத்தை நடத்தினார் வாடியா. 21 ஆம் நூற்றாண்டில் கிளம்பியிருக்கும் ஸ்பெக்ட்ரம் விவகாரம் துரோகமும் வஞ்சமும் நிறைந்த மகாபாரத யுத்தம் போல நிகழ்கிறது. ஆனால் இந்த நவீன மகாபாரத குருட்சேத்திரத்தில் இரு புறமும் கௌரவர்களே நிற்கிறார்கள்.

அம்பானிகளைப் போல சாமதான பேத தண்டங்களைப் புரியும் மாறன் குடும்பத்தினரின் முன்பு ரத்தன் டாடாவும் தனது மதிப்பீடுகளை இழந்து நிற்கிறார். நேர்மையான, பொறுப்பான பிசினஸ் வழி முறைகளின் முன்னுதாரணமாகத் தன்னைக் கூறிக்கொள்ளும் இந்தியப் பொருளாதாரத்தின் உந்து சக்தியான டாடா குழுமம், மாறன்களைத் தோற்கடிப்பதற்காக ஆ.ராசாவின் ஊழல் கூட்டாளியாகத் தன்னை மாற்றிக்கொண்டது. டாடா-ராசா கூட்டணியை அம்பலப்படுத்தியதில் முக்கிய பங்கேற்ற மாறன் குடும்பத்தினர் இப்போது பதிலடியை எதிர்கொள்கிறார்கள். கண்ணாடி வீட்டிலிருந்துகொண்டு கல்லெறியக்கூடாது என்ற பழ மொழியின் வாழும் உதாரணமாக அவர்கள் மாறுகிறார்கள்.

ஆ. ராசாவும் கனிமொழியும் இவ்வளவு முட்டாள்தனமாகவா ஊழல் செய்வார்கள் என்ற ஆச்சரியத்திற்கு நடுவில், மாறன் சகோதரர்கள் இவ்வளவு ஆணவத்துடனா ஊழல் செய்வார்கள் என்று நினைக்கத் தோன்றுகிறது. தயாநிதி மாறன் தொலைதொடர்பு அமைச்சரானவுடன் சென்னையிலுள்ள அவரது அதிகாரபூர்வ இல்லத்திற்கு கொடுக்கப்பட்ட 323 பி.எஸ்.என்.எல். தொலைபேசி இணைப்புகள் அவரது அண்ணன் கலாநிதிக்குச் சொந்தமான சன் டி.வி.யின் அலுவலகத்துடன் இணைக்கப்பட்டதாக கூறப்படுகிறது. அமைச்சரின் அதிகார பூர்வ பயன்பாட்டிற்கு மட்டுமே உபயோகிக்க வேண்டிய இந்த இணைப்புகள், சன் டி.வி..யின் ஒளி பரப்பிற்குப் பயன்படுத்தப்பட்டதாக குற்றம்சாட்டப்படுகிறது. இதன் மூலம் அரசுக்கு 440 கோடி ரூபாய் நஷ்டம் ஏற்பட்டிருப்பதாக கூறப்படுகிறது. சில வருடங்கள் முன்பு கிளம்பி பிசுபிசுத்த இந்தக் குற்றச் சாட்டுகள் இன்று மீண்டும் கிளம்பி மாறன்களின் கழுத்தை இறுக்குகிறது.

கனிமொழி சிறை சென்ற பிறகே மாறன்கள் வலையில் சிக்குகிறார்கள் என்பதால் இதில் சி.ஐ.டி. காலனி சக்திகளின் பங்கு இருக்கிறது என நம்பப்படுகிறது. சிவசங்கரன் சி.ஐ.டி. காலனிக்கு நெருக்க மானவராகவே அறியப்படுகிறார். ஒரு காலத்தில் முரசொலி மாறனுக்கு மிகவும் நெருக்கமானவராக இருந்த அவரையே மாறனின் புதல் வர்கள் பதம் பார்த்தார்கள். சிவசங்கரனை ஒரு வழக்கில் சிக்க வைத்து, சிறையில் தள்ள 'கேடி பிரதர்ஸ்' முயன்றதாக கூறப்படுகிறது. சிவசங்கரன் நாட்டை விட்டு ஓடி தப்பித்த நிலையில், அவரின் வயதான பெற்றோரைக் கம்பிக்குப் பின்னால் நிறுத்தி பிளாக்மெயில் செய்ய திட்டம் தீட்டியதாகவும் கூறப்படுகிறது. இந்த விரோதத்தால் உந்தித் தள்ளப்படும் சிவசங்கரன் மட்டுமே மாறன் சகோதரர்களை சிறையில் தள்ளப் போதுமானது அல்ல. நுஸ்லி வாடியா தனது தந்தையுடனான சண்டையில் வெற்றி பெற ஜே.ஆர்.டி. டாடாவின் ஆசீர்வாதத்தைப் பெற்றிருந்தார். அதே போல மாறன் சகோதரர்களால் பாதிக்கப்பட்ட ரத்தன் டாடா, ஸீ டி.வி. குழுமத்தின் சதீஸ் சந்திரா முதலிய சக்திகள் தங்களின் செல்வாக்கையெல்லாம் சி.ஐ.டி. காலனியின் இந்த முயற்சிக்குப் பின்னால் ஒன்று திரட்டினால்தான் ஜெகஜ்ஜால கில்லாடிகளான கேடி சகோதரர்கள் வசமாக சிக்குவார்கள். தி.மு.க.வும் அதன் தொண்டர்களும்கூட மாறன்களுக்கு எதிராகத் திரும்புவதால் சிவசங்கரனைத் தங்களின் பிரம்மாஸ்திரமாக சி.ஐ.டி. காலனி பயன்படுத்துகிறது. தங்களின் சிறைவாசத்திற்கு முழு காரணம் என சி.ஐ.டி. காலனி நம்பும் மாறன்களையும் தங்கள் வரிசையில் திகாரில் அடைக்கும்வரை அவர்கள் ஓயப் போவதில்லை. எனினும் எஸ் டெல் என்ற நிறுவனம் மூலம் மறைமுகமாக 2ஜி அலைவரிசை ஒதுக்கீடு பெற்ற சிவ சங்கரனுக்கு எதிராகவும் ஸ்பெக்ட் ரம் ஊழல் குற்றச்சாட்டுகள் உள்ள நிலையில், அவரின் வாக்குமூலம் மட்டுமே மாறன்களை வீழ்த்தப் போவதில்லை. மாறாக, மாறன்களுக்கு எதிரான சாட்சியங்களாக ராசா ஏற்பாடு செய்திருப்பதாகக் கூறப்படும் தொலைதொடர்பு அதி காரிகள்தான் கேடி பிரதர்ஸின் கதையை முடிக்கும் கடைசி ஆணி களாக இருக்கப் போகிறார்கள்.

இந்தப் பூனைக்கு மணி கட்டப்போவது யார் என்ற தலைப்பில் தெஹல்கா வெளியிட்ட கட்டுரை வரை தனக்கு எதிரான அத்தனை செய்திகளுக்கும் வக்கீல் நோட்டீல் அனுப்பி மிரட்ட முயன்ற மாறன்கள் இப்போது அந்தப் பழக்கத்தை முடித்துக்கொண்டிருக்கிறார்கள். விவகாரம் தலைக்கு மேல் போய்விட்டது என்பதால் தேங்காய் மூடி வக்கீல்களை விட்டுவிட்டு நிஜமான அதிகார மையங்களிடம் கெஞ்சிக் கொண்டிருக்கிறார்கள். மாறன்கள் ஸ்பெக்ட்ரம் ஊழலில் உள்ளே போகிறார்களோ இல்லையோ, அவர்களின் கேபிள் தொழில் ஏகாதிபத்யம் ஒழிக்கப்பட வேண்டும். அது ஒரு பெரிய சமூக சேவை. ஏனெனில் கேபிள் தொழில் வெறுமனே அவர்களின் பிசினஸ் வெற்றிக்கு மட்டுமே உதவவில்லை. மக்களுக்குச் சென்று சேர வேண்டிய உண்மையான செய்திகளை முடக்கும் மோசமான தணிக்கையாகவும் அது திகழ்கிறது. இந்தியா போன்ற ஜனநெருக்கடி மிகுந்த தேசத்தில் டி.டி.ஹெச்.சைவிட என்றென்றைக்கும் கேபிள் தொழில்தான் அதிக லாபகரமாகவும் அதிக வீச்சு கொண்டதாகவும் இருக்கப்போகிறது. இதை துருப்புச் சீட்டாகப் பயன்படுத்திக்கொண்டு தனது எதிரி சேனல்கள் எதுவும் தமிழகத்தில் காலூன்ற விடாமல் மாறன்கள் தடுத்தி நிறுத்தி வருகிறார்கள். மாறன்களின் கேபிள் ஆதிக்கம், அரசியல் செல்வாக்கு, சூழ்ச்சித் திறனைக் கண்டு தேசிய, சர்வதேச அளவிலான ஊடக நிறுவனங்கள் அஞ்சுவதால் தமிழ்ச் சந்தையில் களமிறங்குவதற்குத் தயங்குகிறார்கள். தமிழ் டி.வி. ஊடகச் சூழல் ஜனநாயகமற்றதாகத் திகழ்வதற்கு இதுவும் ஒரு காரணம். ஆனால் ஒட்டுமொத்த கேபிள் தொழிலையும் அரசுடமையாக்குவது அதற்குத் தீர்வல்ல. ஏனெனில் ஒரு தனியார் நிறுவனத்தின் தணிக்கையைவிட ஒரு அரசு அமைப்பின் தணிக்கை மோசமானது. அரசு கேபிள் கார்ப்ப ரேஷன் மூலம் சன் குழுமத்தின் கேபிள் நிறுவன ஏகாதிபத்யம் உடைக்கப்பட்டாலே ஊடகச் சூழலில் ஜனநாயகம் தழைக்கத் துவங்கும்.

மோசடிகளின் மீது கட்டமைக்கப்படும் அம்பானிகளின் சாம்ராஜ்ஜியம் ஒரு நாள் ஒட்டுமொத்த இந்தியாவையும் விழுங்கப் போகிறது என்ற நுஸ்லி வாடியாவின் எச்சரிக்கையை 1980களில் யாராலும் புரிந்துகொள்ள முடியவில்லை. டாடா, பிர்லாவைப்போல அம்பானிகள் வளர்வார்கள் என அன்றைய தலைமுறை கார்ப்பரேட்கள் நம்பாததால் வாடியா உளறுகிறார் என நினைத்தார்கள். இன்று அதே வர்ணனை மாறன்களுக்குப் பொருந்தும். தங்கள் பிசினஸ் வெற்றிக்காக அத்தனை வஞ்சகங்களிலும் ஈடுபடக்கூடிய 21ஆம் நூற்றாண்டின் அம்பானிகளாகத் திகழும் மாறன்கள் தென்னிந்திய டி.வி. சந்தையை ஏற்கனவே தங்கள் மூர்க்கமான பிடியில் வைத்திருக்கிறார்கள். மலிவு விலை விமான சேவைத் தொழிலைக் கைப் பற்றும் அவர்களின் முயற்சிக்கு தற்காலிக தடை மட்டுமே ஏற்பட்டிருக்கிறது. 1980களில் ரிலையன்ஸ் நிறுவனம் ஜவுளித் தொழிலை வியாபித்தபோது, பிற்பாடு பல்வேறு துறைகளையும் அவர்கள் வளைத்துப் போடுவார்கள் என யாரும் கற்பனை செய்யவில்லை.

தனக்குச் சொந்தமான இந்தியன் எக்ஸ்பிரஸ் நாளிதழில் தன்னைவிட அம்பானிக்கு அதிக செல்வாக்கு இருப்பதாக அதன் உரிமையாளர் ராம்நாத் கோயங்கா ஆத்திரத்துடன் கூறியதுண்டு (ரிலையன்ஸுக்கு எதிராக வாடியாவுடன் கைகோர்க்கவும் அது ஒரு காரணமாக இருந்தது). அந்த அளவுக்கு ரிலையன்ஸின் செல்வாக்கு பாதாளம் வரை பாய்ந்தது. ஆனால் மாறன்களுக்கு இன்று நண்பர்களைவிட எதிரிகளே அதிகம். ரிலையன்ஸ் காசு கொடுத்து வாங்கியது போன்ற அரசியல் செல்வாக்கை, தி.மு.க.வின் பின்னணி மூலம் மாறன்கள் அனுபவித்தார்கள். தி.மு.க.வின் பின்னணி இல்லாத காலகட்டத்தில் மாறன்களின் எதிரிகள் ஒன்று சேர்வது அவர்களின் சாம்ராஜ்யத்திற்குப் பெரும் அச்சுறுத்தலாக மாறியிருக்கிறது. நுஸ்லி வாடியாவும் தீருபாய் அம்பானியும் ஒரு கட்டத்தில் சமரசமாகச் சென்றது போன்ற வரலாறு திரும்புமா? மாறன் சகோதரர்களில் ஒருவராவது சிறை செல்லாமல், துரோகமும் வஞ்சமும் நிறைந்த ஸ்பெக்ட்ரம் மகாபாரதப் போரில் சமரசம் துவங்காது என்பது உறுதி.

கழற்றிவிடப்பட்ட சக்சேனா!

தொலைக்காட்சியின் பட நிறுவனத்தில் வேலை பார்த்து தற்போது சிறையில் இருக்கும் சக்சேனாவை முழுசாக நிறுவனம் கழற்றிவிட்டுவிட்டதாம். நிறுவனம் மீது இருந்த வழக்குகளை எல்லாம் சமாதானம் பேசி, வாபஸ் செய்ய வைத்து விட்டார்கள். ஆனால், சக்சேனா மீதான தனிப்பட்ட வழக்குகளில் எந்த வகையிலும் உதவி செய்யவில் லையாம். அதனால்தான் அவர் வெளியே வர முடியவில்லையாம். சக்சேனா இடத்துக்கு தினசரி நாளிதழில் கோவை பதிப்பில் பணியாற்றிய மூத்த படத் தயாரிப்பாளரின் மகனை தலைவராக நியமித்துவிட்டார்கள். அவரும் சுறுசுறுப்பாகப் பணியாற்ற ஆரம்பித்துவிட்டாராம். அவரும் படத் தயாரிப்பாளர்களுடன் தினமும் பேசி, நிறுவனத்தின் நிலையை எடுத்துச் சொல்லி வருகிறாராம். இதையடுத்து, பல புதிய படங்களின் ரைட்ஸை நிறுவனம் வாங்க ஆரம்பித்து இருக்கிறதாம். 

சன் பிக்சர்ஸ் சிஓஓவாக செம்பியன் நியமனம்

சன் பிக்சர்ஸ் சிஓஓ ஹன்ஸ்ராஜ் சக்சேனா பல்வேறு சட்டப் பிரச்சினைகளில் சிக்கித் தவித்து வரும் இந்த சூழலில், நிறுவனத்தை புதிய வேகத்துடன் நடத்த புதிய சிஓஓவாக செம்பியனை நியமித்துள்ளது சன் நிர்வாகம். பிரபல தயாரிப்பாளரும்புரட்சித் தலைவர் எம்ஜிஆருக்கு நெருக்கமானவருமான கோவை செழியனின் மகன் செம்பியன் சிவகுமார். சன் குழுமத்தின் மலையாள சேனல் சூர்யா டிவி, எஸ்சிவி மற்றும் சூரியன் எப்எம் ஆகியவற்றை நிர்வகித்து வந்தார். இப்போது, சன் பிக்சர்ஸ் நெருக்கடியான சூழலில் இருப்பதால், சக்சேனாவுக்கு பதிலாக அந்தப் பொறுப்பில் செம்பியனை நியமித்துள்ளது சன் நிர்வாகம். தனது நியமனம் குறித்து செம்பியன் கூறுகையில், "மீண்டும் பழைய உத்வேகத்தோடு களமிறங்குகிறோம். வருகின்ற நாட்களெல்லாம் சன் பிக்சர்ஸ் நிறுவனத்துக்கு சிறப்பான நாட்களாக அமையப் போகின்றன. இப்போது சன் பிக்சர்ஸ் வெளியிட்டுள்ள மங்காத்தா சூப்பர் ஹிட்டாகிவிட்டது. அடுத்து சூர்யாவின் ஏழாம் அறிவு படத்தை வெளியிடுகிறது சன் பிக்சர்ஸ். இன்னும் நிறைய பெரிய படங்கள் சன் வசம் வருகின்றன," என்றார்.

எந்திரன் மற்றும் நில அபகரிப்பால் ரூ 10 கோடி இழந்ததாக சக்தி சிதம்பரம் புகார்!

தயாநிதியை தப்பிக்க வைக்கும் சர்வதேசப் பின்னணி

           இந்தியாவையே  நடுநடுங்க வைத்தது 2ஜி விவகாரம். ஒரு லட்சத்து எழுபத்து ஆறாயிரம் கோடிக்கு எத்தனை சைபர் என்று மக்கள் கேட்கக்கூடிய அளவுக்கு மீடியாக்களில் இது பற்றி பரபரப்பாக விவாதிக்கப்பட்டது. 

தொலைத்தொடர்புத் துறை அமைச்சராக இருந்த ஆ.ராசாவின் கீழ் பணிபுரிந்த சில அதிகாரிகளை வளைத்து, அவர்கள் மூலமாக டிபார்ட்மெண்ட்டின் டாக்குமெண்ட்டுகளைக் கத்தை கத்தையாக எடுத்து அவற்றை ஜெராக்ஸ் போட்டு அ.தி.மு.க. பொதுச்செயலாளர் ஜெயலலிதா, மார்க்சிஸ்ட் கம்யூனிஸ்ட் கட்சியின் தேசியப் பொதுச்செயலாளர் பிரகாஷ்காரத், ராஜ்யசபா எம்.பி சீதாராம் யெச்சூரி, இந்திய கம்யூனிஸ்ட் கட்சியின் மாநிலச் செயலாளர் தா.பாண்டியன், பா.ஜ.க. தலைவர்கள் எனப் பலரிடமும் அதனைக் கொடுத்து தேசிய அளவிலும் மாநில அளவிலும் 2ஜி சர்ச்சை, சரமாரியாகக் கிளம்புவதற்குக் காரணகர்த்தாவாக இருந்தார்கள். 

சட்டமன்றத் தேர்தலில் தி.மு.க. கடும் தோல்வியடைந்து, பிரதான எதிர்க்கட்சி என்ற  தகுதியைக்கூடப் பெற முடியாமல் போனது. சென்னை போன்ற தி.மு.க.வின் முக்கியக் கோட்டைகள் சரிந்தன. இதற்கெல்லாம் 2ஜி விவகாரம்தான் காரணம் என்று தி.மு.க.வினரே வேதனையோடு பேசுவதை இப்போதும் கேட்க முடிகிறது. தன்னை எம்.பி.யாக்கி, மந்திரியாக்கிய கட்சிக்கு ஏற்பட்டுள்ள பெரும் சரிவு பற்றி துளியும் கவலைப்படாமல், தனக்கு வேண்டியவர்கள் மூலமாக சி.பி.ஐ. அலுவலகத்திற்கு தொடர்ந்து மொட்டை பெட்டிஷன்களை அனுப்பச் செய்தனர். தனக்கு வேண்டிய அதிகாரிகள் மூலமாக, தனக்குப் பிடிக்காத நபர்களை 2ஜி விவகாரத்தில் சிக்க வைக்கவேண்டும் என்ற நோக்கத்துடன் அவர்களைப் பற்றி இல்லாததும் பொல்லாததுமான செய்திகளைப் போட்டுக் கொடுத்தனர். அதன் விளைவாக, 2ஜியில் எந்த சம்பந்தமுமில்லாதவர்களின் வீடுகளில்  சி.பி.ஐ. சோதனை செய்தது. இதனால் குடும்பத்தினர் கடும் மன உளைச்சலுக்குள்ளாயினர். அவர்களின் நற்பெயர் சிதறடிக்கப்பட்டு, அவதூறுகள் பரப்பப்பட்டன.

2ஜி விவகாரத்தில், விசாரணை என்ற பெயரில் தாறுமாறாக ஓடிக்கொண்டிருந்த சி.பி.ஐ. ஒரு கட்டத்தில், மிகத்தெளிவாக ஒவ்வொரு ஆவணத்தையும் ஆராய்ந்து உண்மை எது, பொய் எது எனப் புரிந்துகொண்டது. அப்போதுதான்,  2ஜி விவகாரத்தின் சூத்திரதாரி யார் என்பது சி.பி.ஐ.க்குத் தெரியவந்தது என்கிறார்கள் டெல்லி வட்டாரத்தினர். இது பற்றி ஜூன் 04-07 மற்றும் ஜூன் 08-10 தேதியிட்ட இதழ்களில் நக்கீரன் தெளிவாகவும் விரிவாகவும் செய்திகளை வெளியிட்டிருந்தது. 

தயாநிதி மாறன் தகவல் தொழில்நுட்பத்துறையில் இருந்தபோது தொலைத் தொடர்புத்துறையில் வெளிநாட்டுக் கம்பெனிகள் மூலம் அன்னிய மூலதனம் 74% வரை உள்ளே வர அனு மதிக்கப்பட்டது. இந்த அனுமதியளிப்பதற்கான முடிவு எடுக்கப்பட்டதில்தான் விவகாரம் ஆரம்பிக்கிறது. அதுவரை, தமிழ்நாட்டில் மட்டும் சேவை அளித்து வந்த தொழிலதிபர்  சிவசங்கரனின் ஏர்செல் நிறுவனத்தை, தயாநிதிமாறன் அனுமதித்த வெளிநாட்டு மூலதன அனுமதி கொள்கையின் அடிப்படையில் மலேசியாவைச் சேர்ந்த மேக்சிஸ் கம்யூனிகேஷன் என்கிற கம்பெனி 74% ஏர்செல் பங்குகளை வாங்கியது. இந்த மேக்சிஸ் நிறுவனத்தின் உரிமையாளர் அனந்தகிருஷ்ணன். மேக்சிஸ் என்கிற வெளிநாட்டுக் கம்பெனியின் கைக்கு ஏர்செல் போனதும் அதுவரை இரண்டு வருடங்களாக தமிழகத்தில் இயங்குவதைப்போல இந்தியா முழுவதுமுள்ள 14 பகுதிகளில் சேவைகளை நடத்த ஏர்செல் நிறுவனம் விண்ணப்பித்திருந்த விண்ணப்பங்கள் திடீரென ஏற்றுக் கொள்ளப்பட்டு, அவற்றிற்கான லைசென்ஸ்கள் வழங்கப்பட்டன. 

அதாவது, ஏர்செல் நிறுவனத்தை மேக்சிஸ் அனந்தகிருஷ்ணனுக்குவிற்கும்படி மாறன் சகோதரர்களால் சிவசங்கரன் வலியுறுத்தப்பட்டார். அவர் அதற்கு மறுத்தபோது மிரட்டப்பட்டார். தயாநிதிமாறனுக்கு முன்பாக, பா.ஜ.க. அமைச்சரவையில் தகவல் தொடர்புத் துறை அமைச்சராக இருந்த அருண்ஷோரி, சிவசங்கரனின் ஏர்செல் (டிஷ்நெட்) நிறுவனத்திடமிருந்து 8 மண்டலங்களுக்கான விண்ணப்பங்களைப் பெற்றிருந்தார். அதில் 7   மண்டலங்களுக்கான எல் ஓ ஐ எனப்படும் லெட்டர் ஆஃப் இன்ட்ரஸ்ட் எனும் கடிதத்தைக் கொடுத்துவிட்டார். தேர்தல் நடைமுறைகள் அமலுக்கு வந்துவிட்டதால் மத்தியபிரதேச மாநிலத்திற்கான விண்ணப்பத்திற்கு மட்டும் கடிதம் மட்டும் நிறுத்தப் பட்டிருந்தது.

ஆட்சி மாற்றம் ஏற்பட்டு 2004-ல் தயாநிதி மாறன் அமைச்சரானதும் சிவசங்கரன் நிறுவனத்தின் விண்ணப்பங்கள் மீதான முடிவு நிறுத்திவைக்கப்பட்டு, அது சம்பந்தப்பட்ட ஃபைல்கள் தேவையின்றி அலைக்கழிக்கப்பட்டன. இந்தத் தருணத்தில்தான் சிவசங்கரனுக்கு மாறன் சகோதரர்களால் மிரட்டல்கள் வர, ஒரு கட்டத்தில் நெருக்கடியைத் தாங்கமுடியாமல் தனது நிறுவனத்தின் பெரும்பான்மையான பங்குகளை மலேசியாவின் மேக்சிஸ் நிறுவன அதிபர் அனந்தகிருஷ்ணனிடம் விற்றார் சிவசங்கரன். நிறுவனத்தின் பங்குகள் கைமாறியதும், அதுவரை அலைக் கழிக்கப்பட்டு வந்த ஃபைல்கள் உடனடியாக க்ளியராகி, இந்தியா முழுவதும் ஏர்செல் நிறுவனம் இயங்குவதற்கான லைசென்ஸ் வழங்கப்பட்டது.

2006-ஆம் ஆண்டு டிசம்பர் மாதம் இந்தியா முழுவதும் ஏர்செல் செல்போன் சேவை இயங்குவதற்கு அனுமதி வழங்கப்பட, அடுத்த 3 மாதத்திற்குள் அந்த நிறுவனம் மாறன் சகோதரர்களின் நிறுவனமான சன் டி.வியின் துணை நிறுவனமாகிய சன் டி.டி.ஹெச்  நிறுவனத்தில் 20% பங்குகளுக் கான 315.71 கோடி ரூபாயை முதலீடு செய்தது. 2008 பிப்ரவரி முதல் 2009 ஜனவரி வரையிலான காலகட்டத்தில் மீண்டும் சன் டி.டி.ஹெச் நிறுவனத்தில் மேலும் 233.30 கோடி ரூபாயை முதலீடு செய்தது. மீண்டும் 2009 டிசம்பரில் 50 கோடி ரூபாயை முதலீடு செய்தது. இதன் மூலம் சன் டி.டி.ஹெச் நிறுவனத்திற்கு, செல்போன் சேவை லைசென்ஸ் பெற்ற மேக்சிஸ் நிறுவனம் மூலமாக 599.01 கோடி ரூபாய் வந்துள்ளது.

மேக்சிஸ் நிறுவனத்தின் ஆஸ்ட்ரோ என்ற துணை நிறுவனம் மூலமாக சன் குழுமத்திற்கு சொந்தமான சவுத் ஏசியா எஃப்.எம் லிமிட்டெட் என்ற நிறுவனத்துக்கு 111.28 கோடி ரூபாயை முதலீடு செய்துள்ளது. ஆக, அனந்தகிருஷ்ணன் கைக்கு ஏர்செல் சென்றதும் அதற்கு லைசென்ஸ்கள் வழங்கப்பட, அதன் தொடர்ச்சியாக மேக்சிஸ் நிறுவனம் மூலம் மாறன் சகோதரர்களின் சன் குழுமத்திற்கு  வந்த முதலீடு 710 கோடி ரூபாயாகும். 

இந்த விவரங்களெல்லாம் சி.பி.ஐ. நடத்திய விசாரணைகளில் தெரியவந்ததுடன், தொழிலதிபர் சிவசங்கரனே சி.பி.ஐ.யிடம் நேரடியாக வாக்குமூலம் அளித்தார். அதில் மாறன் சகோதரர்களான கலாநிதி மாறனும் தயாநிதி மாறனும் தன்னை எப்படியெல்லாம் மிரட்டினார்கள் என்பதுடன், தமிழகத்திலேயே தலைகாட்ட முடியாதபடி நெருக்கடி கொடுத்து விரட்டியதையும் விரிவாகச் சொல்லியிருந்தார். 

2ஜி விவகாரத்தின் சூத்திரதாரியான தயாநிதி மாறன் மீதான பிடி இதன் மூலமாக இறுகத் தொடங்கியதையடுத்துதான் அவர் மத்திய மந்திரி பதவியை ராஜினாமா செய்ய வேண்டிய கட்டாயத்திற்கும் ஆளானார். 

தற்போது திடீர் திருப்பமாக, சிறப்பு நீதிமன்றத்தில் சி.பி.ஐ தரப்பு, "சிவசங்கரனுக்கு தயாநிதி மாறன் நெருக்கடி கொடுத்து ஏர்செல் பங்குகளை விற்கச் செய்தார் என்பதற்கு போதுமான ஆதாரங்கள் இல்லை. உரிமங்கள் வழங் கப்பட்டதில் எந்த சக்தியின் நிர்பந்தமும் இருப்பதாகத் தெரியவில்லை. தயாநிதி மாறன் தொடர்பான மற்ற விவரங்கள் பற்றி தொடர்ந்து விசாரித்து வருகிறோம்' என்று தெரிவித்தது. இது சிவசங்கரன் உள்பட பலரையும் அதிர்ச்சிக்குள்ளாக்கியது. 

2ஜியின் உண்மை விவரங்கள் வெளியாகவேண்டும் என்பதில்  தீவிரமாக இருக்கும் சமூக நல ஆர்வலரும் பிரபல வழக்கறிஞருமான பிரசாந்த் பூஷண் செப்டம்பர் 6-ந் தேதியன்று உச்சநீதிமன்றத்தில் ஒரு மனுவைத் தாக்கல் செய்தார். அதில், "2ஜி அலைக்கற்றை ஒதுக்கீடு விவகாரத்தில் தயாநிதி மாறனின் பங்கை சி.பி.ஐ. முற்றிலும் கண்டுகொள்ளாமல் விட்டுள்ளது. இது தொடர்பான உண்மைகளையும் அது புறந்தள்ளியுள்ளது. தயாநிதி மாறன் மீதான புகார்களையும் அது தொடர்பான தகவல் களையும் சி.பி.ஐ. சரியாகவும் முறையாகவும் விசாரிக்கவில்லை'  என்று குறிப்பிட்டுள்ளார்.

மாறன் சகோதரர்களின் நெருக்கடிகள் பற்றி சி.பி.ஐ.யிடம் முழுமையாக வாக்குமூலம் அளித்தவர் தொழிலதிபர் சிவசங்கரன்.  அவரது  தரப்பில் இது பற்றி நக்கீரன் கேட்டபோது, ""கலாநிதியும் தயாநிதியும் எப்படியெப்படியெல்லாம் மிரட்டினார்கள் என்பதை சிவசங்கரன் விரிவாகவே சி.பி.ஐ.யிடம் சொல்லியிருந்தார். எல்லாவற்றையும் பதிவு செய்துகொண்டார்கள். அதோடு, அவருடைய 3 செயலாளர்களிடமும் இந்த மிரட்டல்கள் பற்றி சி.பி.ஐ. உறுதி செய்துகொண்டது. அவர்கள் தங்களையும் மாறன் சகோதரர்கள் மிரட்டியதை சி.பி.ஐ.யிடம் சொன்னார்கள். 

சி.பி.ஐ. வரை சிவசங்கரன் போனதால் பதறிப்போன மாறன் சகோதரர்கள் பல வழிகளிலும் சமாதான முயற்சிகளை மேற்கொண்டார்கள். வெளிநாடுகளுக்கு சென்ற சிவசங்கரனை அங்கேயும் மாறன் தரப்பு ஆட்கள் வந்து சந்தித்துப் பேசினார்கள். எந்த சமாதானத்துக்கும் சிவசங்கரன் உடன்படவில்லை. இப்படிப்பட்ட நிலையில், மிரட்டல் பற்றி கொடுத்த வாக்குமூலத்தையெல்லாம் சி.பி.ஐ. புறக்கணித்துவிட்டு, தயாநிதி மாறனுக்கு சாதகமாக கோர்ட்டில் தெரிவித்திருப்பது எப்படி என்பது எங்களுக்குப் புரியவில்லை. ஆச்சரியமாகவும் அதிர்ச்சியாகவும் இருக்கிறது'' என்கிறார்கள் ஓப்பனாகவே.

பாதிக்கப்பட்டவரே துணிச்சலாக வாக்குமூலம் கொடுத்தபிறகும், 2ஜி விவகாரம் திசைதிரும்புவது ஏன் என நாம் விசாரணையில் இறங்கியபோது, சர்வதேச அளவில் மாறன் சகோதரர்கள் காய் நகர்த்தியுள்ள விவரம் தெரியவருகிறது. மலேசியாவில் 1993ஆம் ஆண்டில் மேக்சிஸ் நிறுவனத்தைத் தொடங்கிய அனந்தகிருஷ்ணன் டெலிபோன், வயர்லெஸ், இன்டர்நெட் சர்வீஸ்களில் சக்கரவர்த்தியாக இருக்கிறார். 

6.37 பில்லியன் அளவுக்கு மலேசியக் கரன்சியில் பிசினஸ் டர்ன் ஓவர் நடந்து கொண்டிருக்கிறது. 3000 பேர் அவரிடம் வேலை பார்க்கிறார்கள். தனக்குப் போட்டியாக வரும் எந்த நிறுவனத்தையும் சமாளித்துவிடுவது அல்லது அவற்றை விலைக்கு வாங்கிவிடுவது என்பது இவரது வழக்கம். ஆசிய-பசிபிக் பகுதியில் மொபைல் ராஜாவாகத் திகழும் அனந்தகிருஷ்ணன் மீது மலேசிய அரசோ வெளி நாட்டு அரசுகளோ கை வைத்துவிட முடியாது என்கிற அளவுக்கு கார்ப்பரேட் சங்கிலி பாதுகாப்பு வளையத்தை உருவாக்கி யுள்ளது.

இதைப் புரிந்துகொண்ட மாறன் சகோதரர்கள், அனந்தகிருஷ்ணன் மூலமாகவே மலேசிய அரசைத் தொடர்புகொண்டு, மேக்சிஸ் நிறுவனத்திற்கு எதிராக இந்தியாவில் சி.பி.ஐ. காய் நகர்த்துகிறது. அந்த நிறுவனத்தின் செயல்பாடுகளை முடக்கினால், உங்கள் நாட்டின் பொருளாதாரம் பெரும் பாதிப்புக்குள்ளாகும் என்று தெரிவிக்க, நாட்டின் பொருளாதாரம் மீது அக்கறை கொண்ட மலேசிய அரசு, இந்திய அரசைத் தொடர்பு கொண்டுள்ளது. இதனைத் தொடர்ந்து கொடுக்கப்பட்ட அழுத்தங்களின் காரணமாகவே, 2ஜியில் தயாநிதியின் பங்கு பற்றி சி.பி.ஐ. ரிவர்ஸ் கியர் போட்டது என்கிறார்கள் டெல்லியில் உள்ள முக்கியப் புள்ளிகள்.

சமூகநல ஆர்வலர்கள், சட்ட வல்லுநர்கள் ஆகி யோர் ""சி.பி.ஐ.யின் நடவடிக்கையை விமர்சிக்கத் தொ டங்கியிருப்பதால், சி.பி.ஐ. வட்டாரம் கடந்த  செவ்வா யன்று, தயாநிதிமாறன் நிரபராதி என்று ஒருபோதும் நாங்கள் சொல்லவில்லை. அவருக்கு எதிரான ஆதா ரங்கள் இல்லாவிட்டாலும் அவர் மீதான வழக்கை இன் னும் கைவிட்டுவிடவில்லை எனத் தெரிவித்தது.  மீண் டும் பிடி இறுகும்'' என்கிறார்கள் சட்ட நிபுணர்கள்.

-காமராஜ்

 

சன் டீவியின் புது நாடகங்கள்

சக்சேனா, அய்யப்பன் கஸ்டடி சித்ரவதைகள்… கண்ணீர் காட்சிகள்…

சகோதரர்கள் இருவரிடமும் சுமார் ஐநூறு கேள்விகள் கேட்டதாக டெல்லி வட் டாரங்கள்

சி.பி.ஐ. குற்றப் பத்திரிகையிலும் குழப்பங்கள்!

போட்டு உடைக்கிறார் பிரணவ் சச்தேவாசுப்பிரமணியன் சுவாமிக்கு இணையாக 2ஜி ஸ்பெக்ட்ரம் ஊழல் விவகாரத்தில் உச்ச நீதிமன்றத்தில் போராடுகிறது பொது நலன் வழக்காடு மையம் என்ற அமைப்பு. சாந்தி பூஷண், அவர் மகன் பிரசாந்த் பூஷண் மற்றும் பிரணவ் சச்தேவா ஆகிய மூவர் இந்த மையத்தின் வழக்கறிஞர்கள். ஸ்பெக்ட்ரம் வழக்கு குறித்து எத்தனையோ வதந்திகள் பரவிக்கிடக்க… இன்றைய நிலவரம் அறிய பிரணவ் சச்தேவாவை சந்தித்தோம்!

சக்சேனாவின் துபாய் பினாமியும் கல்லூரித் தோழருமாக வலம் வந்தவர் 60 கோடி ரூபாயை அபேஸ் செய்தது