உலகப் பொதுநூலா?

காலனி ஆதிக்க நச்சு சிந்தனையின் வழியில் எழுந்த பல நாவினாப் புலவர்கள் மற்றும் தமிழ் மரபை இழிவு செய்த ஈ.வெ.ராமசாமியார் வழி திராவிடியார் இயக்கப் புலவர்களும் மதமாற்ற சக்திகளோடு இணைந்து திருகுறளின் ஆணிவேர் கொள்கைகளை மறைத்து மதம் இல்லாத பொது நூல் எனப் பரப்புகிறது. 

நாம் திராவிடியார் புலவர்கள் உரை படித்தாலே போதும் - திருக்குறள் அவர்களுக்கு ஏற்பு இல்லை, வள்ளுவர் கூறாத பொருளை குறளின் மேல் திணித்து மாற்றுவதில் இருந்தே திருக்குறள் தமிழ் மரபை ஏற்காத திராவிடியாருக்கு ஏற்பு இல்லை. திருக்குறள் கூறும் கொல்லாமை, புலால் மறுத்தல் பல அன்னிய மதங்களிற்கு சிறிதும் ஏற்பு இல்லை. கள் உண்ணாமை என்கையில் கிறிஸ்துவ பைபிள் கதை நாயகன் மதுவை எடுத்து என் ரத்தம் எனப் பகிர்ந்ததும் அது இன்றும் எல்லா சர்ச் நடைமுறையில் உள்ளதைக் காணலாம். தமிழக அரசே மது விற்பது வள்ளுவத்திற்கு மாறானதே திராவிடியார் என்பது உறுதி ஆகும்.

திருவள்ளுவர் உலகைப் படைத்த இறைவனை உருவ வழிபாட்டினை ஏற்றும், இறைவனோடு இயற்கை போற்றும் மரபும் அன்னிய மதங்களால் ஏற்க இயலாதவை, தமிழர் மரபிற்கு மாறான நாத்திகம், உலகாயுதமும் வள்ளுவத்தை ஏற்பதில்லை; எனவே பொது நூல் என்பது பொருந்தாது.

திருக்குறள் சங்கப் பலகையில் பாடப் பட்டதாக உள்ள கதை  அசரீரி இயற்றியதான திருவள்ளுவமாலைப் பாடலில் உள்ளத் தொன்மைக் கதை.

திருக்குறளில் உள்ள பல சொல் தொடர்கள் சங்க இலக்கியத்தை, தொல்காப்பியத்தைத் தழுவி உள்ளது, ஆனால் இதை எதிர்மறையாக வள்ளுவத்தின் வரிகளை சங்க இலக்கியப் புலவர் தழுவியதாகச் சில புலவர்கல் பொமுவிற்கு வள்ளுவத்தை கொண்டு செறதை இன்று ஆராய்ச்சியாளர் ஏற்பது இல்லை.

திருவள்ளுவர் காலம் குறிக்க மிக முக்கிய கருது கோள்கள் மொழியியல் - யாப்பு  வளர்ச்சி மற்றும் திருக்குறளை எடுத்து பயன்படுத்திய பிற்கால இலக்கியங்களும்.

திருக்குறள் சங்க இலக்கியங்களில் பிற்காலம் சார்ந்த பரிபாடல் கலித்தொகைக்கு பின்னர் எழுந்தது, சிலப்பதிகாரம், மணிமேகலைக்கு முந்தையது என்பதில் கருத்து ஒற்றுமை உள்ளது.

சங்க இலக்கிய காலம் எது? 

சங்க இலக்கியத்தின் காலம் குறிப்பதில் நமக்கு தொல்லியல் சான்றுகள் மிகவும் உதவிகரமானது.

கரூர் அருகே புகலூர் ஆறுநாட்டு மலைக் கல்வெட்டு மூன்று சேர மன்னர்கள் பெயர் கூறுகிறது. இக்கல்வெட்டின் காலத்தை பொஆ.200ஐ ஒட்டியது என 2ம் உலக தமிழ்மாநாட்டில் தரப்பட்ட ஆய்வுக் கட்டுரை தெளிவாக உரைக்கிறது. இந்த சேர அரசர்கள் காலத்திற்கு பின்பு வாழ்ந்தவர் தான் சேரன் செங்குட்டுவன் (பொஆ188 ௨43), பதிற்றுப் பத்து 5ம் பத்து பாட்டு நாயகர். இவருகுப் பின்பு 10 தலைமுறை சேர மன்னர் ஆட்சி செய்ததை பாட்டுத்தொகை நூல்கள் கூறுகின்றன.  2௪ம் நூற்றாண்டை சேர்ந்த சேர மன்னர்கள் பெயர் தமிழ் பிராமியில்  தாங்கி வெளியிட்ட 4 காசுகள் இருப்பொறை, இரும்பொறை, மாக்கொதை மற்றும் குட்டுவன் கோதை காசுகள்.  சேர மன்னர்கள் பொஆ 5ம் நூற்றாண்டு வரை ஆட்சி செய்ய, மூவேந்தர் காலம் தாண்டி சிற்றரசர்கள் கடையேழு வள்ளல்கள் ஆட்சியை பாட்டுத்தொகை கூறுவதால் சங்க காலம் என்பது பொமு. 50 முதல் பொஆ.550 வரை எனக் கொள்ளலாம். புறநானூறு கடைசியாகத் தொகுக்கப் பட்டது.

தஞ்சாவூர் தமிழ் பல்கலைக் கழக 5 நூல் தமிழ் மொழியியல் ஆய்வு - 21 நூலக்ள் பத்துப்பாட்டு, எட்டுத்தொகை, திருக்குறள், சிலப்பதிகாரம் மற்றும் மணிமேகலை முழுவதையும் ஆராய்ந்து புள்ளியியல் அடிப்படையில் ஆதராங்களோடு கூறியதே-எட்டுத் தொகை நூல்களில் பரிபாடல், கலித்தொகை மற்றும் திருமுருகாற்றுப்படை மொழிநிலை, யாப்பு வளர்ச்சி, புதிய சொற்கள் அடிப்படையில் இதற்கு பின்பு எழுந்தவை.

பரிபாடல் 11ம் பாடலில் உள்ள வானியல் குறிப்புகள்  ஆய்வு செய்த எல்.டி.சாமிக்கண்ணு பிள்ளை (இன்றும் கல்வெட்டுகளீல் உள்ள காலம் குறிக்க இவர் நூலையே பயன்படுத்துகிறது)  தன் Panchang And Horoscope நூலில் பொஆ.634ம் ஆண்டு ஜுன்௧7 நாளினைக் குறிக்கிறது என நிரூபித்தார்.  

# 367 ஔவையார்
நாகத்து அன்ன பாகு ஆர் மண்டிலம்
தமவே ஆயினும் தம்மொடு செல்லா
வேற்றோர் ஆயினும் நோற்றோர்க்கு ஒழியும்
ஏற்ற பார்ப்பார்க்கு ஈர்ம் கை நிறைய
பூவும் பொன்னும் புனல் பட சொரிந்து		5
பாசிழை மகளிர் பொலம் கலத்து ஏந்திய
நார் அறி தேறல் மாந்தி மகிழ் சிறந்து
இரவலர்க்கு அரும் கலம் அருகாது வீசி
வாழ்தல் வேண்டும் இவண் வரைந்த வைகல்
வாழ செய்த நல்வினை அல்லது			10
ஆழும்_காலை புணை பிறிது இல்லை
ஒன்று புரிந்து அடங்கிய இருபிறப்பாளர்
முத்தீ புரைய காண்_தக இருந்த
கொற்ற வெண்குடை கொடி தேர் வேந்திர்
யான் அறி அளவையோ இதுவே வானத்து		15
வயங்கி தோன்றும் மீனினும் இம்மென
பரந்து இயங்கும் மா மழை உறையினும்
உயர்ந்து மேந்தோன்றி பொலிக நும் நாளே

# 367 ஔவையார்
நாகலோகத்தைப் போன்ற வளமான பகுதிகளையுடைய நாடு
தம்முடையதாகவே இருந்தாலும், இறக்கும்பொழுது அது அவர்களுடனே செல்வதில்லை;
அது அவனுக்குப் பின்னர் வரும் வேற்று நாட்டவராயினும், வலிமையுடையோர்க்குப் போய்ச் சேரும்;
பொருளை வேண்டி இரந்த பார்ப்பனர்களுக்கு, அவர்களின் ஈரக்கை நிறைய
பூவும் பொன்னும் நீர்வார்த்துக் கொடுத்து,
நல்ல அணிகலன்களை அணிந்த மகளிர் பொற்கலங்களில் கொண்டுவந்து கொடுக்கும்,
நாரால் வடிகட்டப்பட்ட கள்ளின் தெளிவை அருந்திக் களித்து,
இரவலர்க்கு அரிய அணிகலன்களைக் குறையாது கொடுத்து,
இவ்வுலகில் நீங்கள் வாழ்வதற்காக வரையறுக்கப்பட்ட நாட்கள் முழுதும் வாழவேண்டும்;
நீங்கள் வாழும்பொழுது இவ்வுலகில் செய்த நல்வினைகளைத் தவிர,
நீங்கள் இறக்கும்பொழுது உங்களுக்குத் துணையாக வருவது வேறொன்றுமில்லை.
வீடுபேறு ஒன்றையே விரும்பிப், புலன்களை அடக்கிய அந்தணர்கள் வளர்க்கும்
முத்தீயைப் போல காண்பதற்கினிமையாய் வீற்றிருக்கும்
வெண்கொற்றக் குடையையும், கொடிகட்டிய தேரையும் உடைய மூவேந்தர்களே!
நான் அறிந்த அளவில் முடிவாகத் தெரிந்தது இதுவேயாகும்; வானத்தில்
ஒளிர்ந்து தோன்றும் விண்மீன்களையும் இம்மென்ற ஒலியுடன்
பெய்யும் பெரிய மழைத்துளிகளையும் விட