New Indian-Chennai News + more

Admin · Guru

வின்சென்ட் செல்வக்குமார், சாது சுந்தர் செல்வராஜ், மோகன் சி லாசரஸ் காம லீலைகள், சர்ச் வரும் பெ�

Admin · Guru

RE: வின்சென்ட் செல்வக்குமார், சாது சுந்தர் செல்வராஜ், மோகன் சி லாசரஸ் காம லீலைகள், சர்ச் வரும் ப�

Admin · Guru

TVயில் நேர்காணல்:

கேள்வி: சத்தியம் TVயில் சகோ.வின்சென்ட் செல்வகுமார், சகோ.மோகன் சி. லாசரஸ், சகோ.சாதுசுந்தர் செல்வராஜ் ஆகியவர்களின் பாலியல் குற்றச்சாட்டு குறித்து நேர்காணல் நிகழ்ச்சி (ஒரு Fake) ஒரு ஏமாற்று நிகழ்ச்சி என்கிறார்களே?.

பதில்: அது உண்மைதான் என்றே பலர் கருதுகிறார்கள். அந்த நேர்காணல் நிகழ்ச்சி திட்டமிட்டு செய்யப்பட்ட ஏற்பாடு ஆகும்.

முதலாவது சத்தியம் TVயின் முதலாளிகள் என்று அறியப்படுவர்களில் ஒருவர் மோகன் சி.லாசரஸ் என்பது எல்லாராலும் பேசப்படுவது என்பதை அறிவீர்கள். அப்படியிருக்கும்போது அவர்களைப்பற்றி நக்கீரன் என்ற வாரப்பத்திரிக்கையில் வெளிவந்த பாலியல் குற்றச்சாட்டுக்கு அவசர அவசரமாக விளக்கம் கொடுக்க வேண்டியது மிக அவசியம் என்று அந்த குறிப்பிட்ட மூன்றுபேர்கள் கருதினார்கள். கிறிஸ்தவ மக்களிடையே ஏற்பட்ட பெரிய அதிர்ச்சி அலைகளால் அவர்களின் ஊழியமே படுத்துவிடும் நிலைக்கு தள்ளப்பட்டது. அதை சரிப்படுத்த தங்களை நிரபராதிகள் என்று மக்களுக்கு காட்ட வேறு எந்த மீடியாக்களும், TV நிலையங்களும் முன்வராத நிலையில் இனி தங்களின் சொந்த TVயின் மூலம்தான் செய்திகளை அறிவிக்கவேண்டும் என்ற நிலை உண்டானது.

ஆகவே தங்களுக்கு சாதகமான கேள்விகள்கேட்கும் நபர்களை தயார்ப்படுத்தி பல்வேறு இடங்களிலிருந்து தொலைபேசி வழியாக கேள்விகேட்க ஏற்பாடு செய்தார்கள். இவர்கள் மூன்று பேர்களின் ஊழல்களைப்பற்றி விவரம் அறிந்தவர்கள் அந்த நேர்காணல் நிகழ்ச்சியில் வெளிப்படையாக கேள்விகேட்டபோது பலருக்கு சத்தியம் டிவியின் தொலைபேசி லைன் கிடைக்காதபடி திட்டமிட்டு தடுத்தார்களே! நிகழ்ச்சி நடந்து கொண்டிருக்கும்போது பலர் என்னோடும் தொடர்புக்கொண்டார்கள் நிகழ்ச்சியை சீக்கிரம் டிவியில் பாருங்கள். அவர்களிடம் நாங்கள் என்ன கேள்விகேட்பது என்றார்கள். உங்களுக்கு எது சந்தேகம் என்று தோன்றுகிறதோ அதை கேளுங்கள் என்றேன். அவர்கள் கேள்விகேட்க பலமுறை முயன்றார்கள் அவர்களுக்கும் லைன் கிடைக்காதபடி செய்துவிட்டனர். அந்த நேர்காணல் நிகழ்ச்சியே ஒரு நாடகம் அதை அவர்களே அரங்கேற்றம் செய்த நிகழ்ச்சியாகும். இதில் நான் ஆலோசனை கூறி என்ன பிரயோஜனம்!. அப்படியே நான் ஆலோசனை கூறினாலும் அது மேடையேறாதே!.

நக்கீரன் அலுவலகத்திலிருந்தும் சத்தியம் டிவி நேர்காணலில் கேள்விகள் கேட்க சிலர் மூலமும் ஏற்பாடு செய்யப்பட்டது என்று கேள்விப்பட்டேன். அவர்களுக்கும் தொலைபேசி லைன் கிடைக்காதபடி பொதுமக்கள் கேட்கும் கேள்விகள் வடிகட்டப்பட்டதாகவும் அறிந்தேன். அந்த மூவரணியை புகழ்த்தும் தொலைபேசி செய்திகளே TVயில் நேர்காணலில் கேட்க செய்தார்கள்.

நல்லவேளை TV நேர்காணல் நிகழ்ச்சியில் மேடையில் வக்கீல் ஒருவர் அமர்த்தி வைக்கப்பட்டிருந்தார். அவரும் அவர்களால் ஏற்பாடு செய்யப்பட்டவர்தான். என்ன கேள்விகள் கேட்கவேண்டும் என்று ஏற்கனவே அவரை ஆயத்தப்படுத்திதான் அவர் அழைக்கப்பட்டு வந்து உட்கார்ந்திருந்தார் என்று எண்ணுகிறேன். அவர்கள் எற்கனவே ஏற்பாடு செய்த கேள்விகளோடு அந்த ஊழியர்களின் திட்டத்தில் இல்லாத சிக்கலான சில கேள்விகளை அந்த வக்கீல் கேட்டுவிட்டார் என்றுதான் எண்ணுகிறேன். அவர் கேட்ட கேள்விகளுக்குத்தான் இவர்கள் மாயமாலத்தை பொறுக்க முடியாமல்தான் அவரே சுயமாக அந்த கேள்விகளை கேட்டுவிட்டார். அதில்தான் இவர்கள் பதில்கூற இயலாமல் திக்குமுக்காடிவிட்டார்கள். அவர்களின் பதற்றத்தை வெளியரங்கமாக மக்கள் கண்டார்கள். அன்று அந்த மூன்று பேர்களின் முகங்களும் பேய் அறைந்ததைபோல் காணப்பட்டதை மக்கள் கவனிக்க தவறவில்லை. இப்படி அந்த வக்கீல் தங்கள் திட்டத்தில் இல்லாத கேள்விகள்கேட்டு தங்கள் மூவரையும் சிக்கலில் மாட்டிவிடுவார் என்று அவர்கள் சற்றும் எதிர்ப்பார்க்கவில்லை!.

சத்தியம் சத்தியமாகவே அறிவிக்கப்படும் என்ற அந்த சத்தியம் TV நிகழ்ச்சிமூலம் இந்த மூவரணியின் சாயம் வெளுத்துவிட்டது. இனி சத்தியம் TVயில் இப்படிப்பட்ட கிறிஸ்தவ நேர்காணல் நிகழ்ச்சியை நடத்த மோகன் சி.லாசரஸ்சுடன் அதன் இயக்குனர்களும் இனி அனுமதிக்க மாட்டார்கள் என்று நம்பலாம். இவர்கள் மூவரும் அன்று அந்த நேர்காணல் நிகழ்ச்சியில் முன்னுக்குபின் முரணாக பேசியதை பொதுமக்கள் TVயில் கண்டார்கள். அதனால் இவர்கள் மனநிலை மிகவும் பாதிக்கப்பட்டது. ஆகவே கடைசியாக அந்த சத்தியம் TVயில் தங்கள் நிலையைமட்டும் கூறி விளக்க முயன்றார்கள். ஆனால் அதுவும் இயலவில்லை. ஆகவே தங்கள் ஏஞ்சல் TV மூலமாக தன்னிலை விளக்கத்தை அறிவித்தார்கள். அதில் சத்தியம் TVயில் பேசியதை அப்படியே தலைகீழாக மாற்றி பேசினார்கள். ஆனால் இவர்கள் கொடுத்த விளக்கம் மக்கள் மத்தியில் எடுபடவில்லை.

ஜாமக்காரன்: இந்த நிகழ்ச்சிக்கு பிறகு சகோ.சாதுசுந்தர் செல்வராஜ் குறித்து பழைய பல விஷயங்களும் வெளி வரத்தொடங்கின. தனியார் TV சேனல் ஒன்றின் உரிமையை இவர்கள் ஏமாற்றி ஏஞ்சல் TVக்காக அந்த உரிமையை மாற்றி எடுத்து, அதன்பிறகுதான் ஏஞ்சல் TV தொடங்கினார்கள் என்ற இரகசியம் கொஞ்சகொஞ்சமாக ஜாமக்காரன் அலுவலகத்துக்கு செய்திகளாக வர ஆரம்பித்தது. சென்னை தாமரைபாக்கத்தில் உள்ள சகோ.ஜேம்ஸ் என்பவரிடம் விசாரித்தால் மேலும் பல விஷயங்கள் அறியலாம் என்று சிலரால் கூறப்பட்டது. அப்படியே சகோ.அகஸ்டின் பெங்களுரில் டிவி சேனல் நடத்துகிறவர் இவரிடம் விசாரித்தாலும் விவரம் அறியலாம் என்று அறியப்படுகிறது. நான் இவர்களில் யாரையும் சந்தித்ததும் இல்லை. தொடர்புகொண்டதும் இல்லை. ஏஞ்சல் டிவி நபர்களால் ஏமாற்றப்பட்ட நபர் இப்போதும் மனநொந்து வாழ்கிறார். தாங்கள் பணம்கட்டி டிவி நடத்தும் உரிமைபெற்ற TV சேனலை திருட்டுத்தனமாக (ஏஞ்சல் டிவி) தூதன் TV எடுத்ததை சைபர் பிராஞ்ச் போலீஸ்மூலம் கண்டுபிடிக்கப்பட்டது. இதைக்குறித்து போலீஸ் அதிகாரிகளிடம் புகார் அளித்த நபரிடம் ஏஞ்சல் டிவி ஆட்கள்மேல் நடவடிக்கை எடுக்கவா? என்று கேட்டார்கள். பாவம் அந்த நல்ல மனிதர் கிறிஸ்துவின் நாமம் தூஷிக்கப்படவேண்டாம் என்பதற்காக இவர்கள்மீது போலீஸ் எடுக்க இருந்த நடவடிக்கைகளை தடைசெய்தார் என்று கேள்விப்பட்டேன். அப்படி அவர் அன்று பெருந்தன்மையுடன் விட்டுக்கொடுத்திராமல் போயிருந்தால் சாதுசுந்தர் செல்வராஜ் அப்போதே கம்பி எண்ணிக் கொண்டிருந்திருப்பார் என்று கூறுகிறார்கள். ஒருவரை அழித்து முன்னேறுவது என்பதை அரசியல் தலைவர்களினிடையே நான் கண்டிருக்கிறேன். ஆனால் கிறிஸ்துவின் பெயரை கூறி ஊழியம் செய்யும் இந்த ஊழியர்கள் இப்படிப்பட்ட கொடுமையான திருட்டு வேலை செய்து அந்த ஏழை மனிதனை ஏமாற்றி TV சேனல் உரிமையை தனதாக்கிக்கொண்ட சம்பவம் கேவலமானது. இதில் ஆண்டவர் நாமம் எப்படி மகிமைப்படும். அதனால்தான் தூதன் TVயில் தெய்வ பயம் இல்லாமல் வேதத்துக்கு முராணான, கிறிஸ்துவுக்கு பிரியமில்லாத நிகழ்ச்சிகளும், பொய் தீர்க்கதரிசனங்களும், வாலிபப் பெண்களின் கூத்தாட்டமும் கரைபுரண்டு காணப்படுகிறது. ஆவியானவரும் இவர்களைவிட்டு விலகிப்போனார். பரிசுத்த ஆவியானவருக்கு பதில் பிசாசின் 5 தலைநாகமும், நிர்வாண பெண்களின் ஆவிகளும்தான் இப்போது இவர்கள் முன் நிற்கிறது. அதன்பின் மேலும் பல சம்பவங்கள் அரங்கேறின. அவைகளை பிறகு கவனிப்போம்.

ஒருநாள் திடீரென தூதன் TV சேனல் நிறுத்தப்படுவதாக அறிவிக்கப்பட்டு, கர்த்தர் தன்னை மறுபடியும் திபெத்துக்கு போக சொன்னதாக அறிவித்து, சோக பின்னனியுடன் ஏஞ்சல் டிவி ஊழியர்கள் அனைவரும் கண்ணீர்மல்க ஒவ்வொருவராக வணக்கம் கூறி விடைப்பெற்றார்களே. அதன் காரணம் என்ன? அதன்பின் யாரிடம் என்ன பேச்சு வார்த்தை நடந்ததோ தெரியவில்லை. ஏஞ்சல் டிவியில் வேலை செய்த பலரை பணம் கொடுக்காமல் வேலையைவிட்டு நீக்க செய்வதற்காக இவர்கள் பேசிவைத்த தந்திரமாக இருக்குமோ என்கிறார்கள். இவர்கள் யாவரும் நல்ல நடிகர்கள் என்று விளங்குகிறது. சில நாட்களில் மறுபடியும் அதே உரிமையை புதுபித்து ஒரு பெண் ஆளுமையின்கீழ் மறுபடியும் தூதன் TV நடத்த தொடங்கினார்கள். இவர்கள் ஆராதிக்கும் கடைசிகால தேவன் நிமிடத்துக்கு நிமிடம் இவர்களின் நாடகத்தின் திரைசீலையை மாற்றுகிறதை மக்கள் தெளிவாக அறியமுடிகிறது. இவர்களின் கடைசிகால தேவனே எருசலேமில் கொல்லப்படும் இரண்டுபேர் மரணத்தை ஏஞ்சல் TV மூலமாக காட்ட கடைசிவரை இவர்களை வாழவைப்பதாக இவர்கள் தேவன் வாக்கு கொடுத்திருக்கிறார் என்று நம்பலாம். நம் ஜீவனுள்ள தெய்வம் கடைசியில் அந்திகிறிஸ்துவை பாதாளத்தில் தள்ளி அழிக்கும்போது அவனோடு ஒரு பெரும்கூட்டமே அழிக்கப்படும். அதில் ஏஞ்சல் TVயும் அதன் தொடர்புடையவர்கள் அத்தனைபேரும் காணப்படுவார்கள்.

ஏஞ்சல் டிவியின் ஆரம்பகால சரித்திரத்தையும் பலர் இவர்களால் ஏமாற்றப்பட்டதையும் சேல்வேஷன் டிவி நடத்திய சகோ.ஜேம்ஸ் என்ற நல்ல ஊழியர் பாதிக்கப்பட்டதும் திரு.ஜான் முத்தையா என்ற முதலாளி அவர்களிடமும் இன்னும் இரண்டு முக்கிய நபர்களிடமும் விசாரித்தால் முழுவிவரம் கிடைக்கும் என்று பலர் கூற கேட்டேன். அதன் மேல்விவரங்களை குறித்தோ குறிப்பிட்ட நபர்களைக்குறித்தோ நான் ஒன்றும் அறியேன்.

இவர்கள் இப்போது புதிதாக ஒன்றைக்கூறுகிறார்கள். நெருப்பில்லாமல் புகைகிறது என்றார்கள். ஆனால் இவர்கள் விஷயத்தில் நெருப்பும் உண்டு, புகையும் உண்டு என்பது காதில் கேட்ட பல செய்திகள் மூலம் நம்ப வேண்டியுள்ளது.

சமீபத்தில் நாலுமாவடி அலுவலகத்திலிருந்து குற்றச்சாட்டுடன் வெளியேற்றப்பட்ட சகோ.மோகன் சி.லாசரஸ்ஸின் முழு நம்பிக்கைக்கு பாத்திரமான நபர்கள் இருவர் நாலுமாவடி அலுவலகத்திலிருந்து வெளியேற்றப்பட்டு மனம்நொந்து இருக்கிறார்கள். இவர்கள் மோகன்.சி.லாசரஸ் பற்றிய திடுக்கிடும் செய்திகளின் பல ஆதாரங்களுடன் அவர்களைவிட்டு வெளியே வந்தும் அவைகளை வெளியிட மனதில்லாமல் மனவேதனையுடன் மனதில் புழுங்கிகொண்டிருக்கிறதாக அறிந்தேன். அவர்கள் அந்த தகவல்களையும், புகைப்படங்களையும் தவறானவர்களிடம் கொடுத்து அவைகளை வெளிப்படுத்திவிடகூடாதே என்று ஜெபிக்கிறேன்.

நாலுமாவடி என்ற வெள்ளை துணியில் ஒரு கருப்பு புள்ளி இதற்கெல்லாம் காரணம் மோகன் சி.லாசரஸ் பொதுகூட்டத்தில் ஜெபத்தில் கூறிய பொய் வெளிப்பாடுகளாகும். ஜெபத்தில் பொய் வந்தாலே மற்ற எதையும் யாராலும் நம்பமுடியாதுபோகும். பொய் கூறி ஊழியம் செய்தால் இவர்கள் எத்தனை உயரத்துக்குபோனாலும் ஒருநாள் இவர்கள் நம்பிய பொய்க்கு பிதாவானவன் இவர்களுக்கு உதவாமல் இவர்களையே கீழே அதளபாதாளத்துக்கு இறக்கிவிடுவான். ஆனால் கர்த்தரையும் அவர் வசனத்தையும் நம்பினவன் ஒருநாளும் வெட்கப்பட்டு போனதில்லை.

Admin · Guru

ஏஞ்சல் TV - சத்தியம் TV நேர்காணல் - நான் ரெடி.

கேள்வி: தாங்களை TV சேனல்களில் நேர்காணல் நிகழ்ச்சிகளில் கலந்துக் கொள்ளவும், மக்கள் கேட்கும் கேள்விகளுக்கு நேரிடையாக பதில் அளிக்கவும் நாங்கள் ஏற்பாடு செய்தால் நீங்கள் வருவீர்களா?.

பதில்: நீங்கள் கடிதத்தில் குறிப்பிட்ட அந்த இரண்டு TVயிலும் நேர்காணல் சம்பாஷைனைக்கு நீங்கள் என்னை அழைத்தால் நிச்சயமாக வருவேன். இதற்குமுன் இப்படிப்பட்ட நிகழ்ச்சியில் கலந்துக்கொள்ளும் எண்ணம் எனக்கு இல்லாதிருந்தது.

சத்தியம் TVயிலும் - ஏஞ்சல் TVயிலும் இந்த மும்மூர்த்திகளின் சம்பாஷனைகளை கண்டபோது நானும் இவர்கள்முன் அமர்ந்து சம்பாஷனையில் பங்குகொண்டு பேசவேண்டும் என்ற எண்ணம் உண்டானது. அந்த நிகழ்ச்சியில் முதலில் அவர்களையே கேள்விகேட்க சொல்லி நான் பதில் அளிக்கவேண்டும் என்று எண்ணுகிறேன். எல்லார் கையிலும் திறந்த வேதபுத்தகம் கண்டிப்பாக இருக்கவேண்டும். அப்படியே பாலியல் குற்றச்சாட்டின் சமயம் அவர்கள் ஏற்பாடு செய்த அந்த சத்தியம் TV நேர்காணலில் அவர்களிடம் கேட்ட அதே கேள்விகளையே மறுபடியும் கேட்க செய்யவேண்டும். அதன்பின் நானும் சில கேள்விகளை அவர்களிடம் கேட்கவேண்டும். அதற்கு அவர்கள் பதில் அளித்தால் மிகவும் நன்றாக இருக்கும். அப்போது நான் சில ஆதாரங்களையும் கையில் கொண்டுவருவேன். அதைக்குறித்தும் நான் கேள்விகள் கேட்கவேண்டும். அந்த நிகழ்ச்சி மட்டும் நடந்தால் நிச்சயம் அந்த நிகழ்ச்சியே அவர்களின் ஆவிக்குரிய நிலையை அவர்களுக்கு உணரவைக்கும். அதன்மூலம் அனைத்து கிறிஸ்தவர்களும் தங்களை திருத்திக்கொள்ளவும் கிறிஸ்தவர்களுக்கு விழிப்புணர்வு உண்டாகவும் அந்த நிகழ்ச்சி வழி உண்டாக்கும்.

2012 ஆகஸ்ட் ஜாமக்காரனில் நான் இவர்களைப்பற்றி எழுதியதை வாசித்தபின் பல வாசகர்களும், இவர்களின் உறவினர்களும், இவர்களின் நண்பர்களும் இவர்களைப்பற்றியே எனக்கு பல புதிய தகவல்களை சேகரித்து அனுப்பியுள்ளார்கள். அவைகளைப்பற்றியும் புகைப்படங்களோடு கூடிய சில விஷயங்களைப்பற்றியும் அந்த நேர்காணல் நிகழ்ச்சியில் அவர்கள் ஒவ்வொருவரிடமும் கேள்விகள் கேட்கவேண்டும்!.

அதோடு சகோ.சாதுசுந்தர் செல்வராஜ் அவர்கள் இமயமலை சென்ற விவரம், நேபாள் சென்ற விவரம் அங்கு தங்கிய கிறிஸ்தவ நண்பர்களின் விவரம் ஏஞ்சல் TV வானலை உரிமை இவர்களுக்கு எப்படி கிடைத்தது. நியாயமான முறையிலா? இவர் TV சேனல் தொடங்கிய ஆரம்பகால முயற்சியின்போது யார் யார்? பாதிக்கப்பட்டார்கள் என்பதெல்லாம் அங்கு பகிர்ந்துக்கொள்ளப்படும்.

இவர்கள் சகோ.ஜான் ரபீந்திரநாத் (பாளையங்கோட்டை) இயேசு வருகிறார் தோட்டத்துக்கு வருவதற்குமுன் இவர்களின் நிலை என்னவாக இருந்தது. சகோ.ரபீந்திரநாத் அவர்களிடம் வந்தபின் இவர்கள் நிலை என்னவானது என்பதையும் இவர் தோல் வியாதியால் பாதிக்கப்பட்டபோது அங்குள்ளவர்களால் கொடுமைப்படுத்தப்பட்டதாக இவர் கூறி அழுத சம்பவங்களின் பின்னணி அவர் கொடுமைப்படுத்தப்பட காரணம் என்ன?. இவைகளுக்கும் விடை கிடைக்கும். இவர் (சாதுசுந்தர் செல்வராஜ்) தாடி வளர்த்த ஆரம்ப காரணம் என்ன? தாடியில் இரண்டு பக்கமும் வெள்ளை கலர் சாயம் பூசுவது ஏன்? அந்த ஆரம்பகாலத்துக்குப்பின் உள்ள சம்பவங்கள் என்ன? எத்தனைமுறை இவர் இமயமலை சென்றார். இமயமலையில் அடிக்கடி தங்கும் இடம் எது?. இதுவரை சாதுசுந்தர் செல்வராஜ் இமயமலையில் ஒருவரையாவது கிறிஸ்துவுக்கு நேராக வழி நடத்தியிருக்கிறாரா? இவர் காண்பிக்கும் புகைப்படத்தில் உள்ள நபர் இயேசுவை ஏற்றுக் கொண்டவர் அல்லவே!. அப்படியிருக்க அவர்களையெல்லாம் ஏன் புகைப்படம் பிடித்து காட்ட வேண்டும்?.

இவர் அடிக்கடி இமயமலைக்கு போய் தங்கும் நபர்களின் குடும்பம் பல வருடத்துக்குமுன் பாப்திஸ்து சபை மிஷனரிகளால் கிறிஸ்தவர்களாக மாறியவர்களாகும். சாதுசெல்வராஜ் மூலமாக இயேசுவை ஏற்றுக்கொண்டவர்கள் யார்? இதன் விவரங்களையெல்லாம் அந்த நிகழ்ச்சியில் கேட்டு பகிர்ந்துக்கொள்ளப்படும். இவைகள் வாக்குவாதம் செய்ய அல்ல!. மேலும் இவரைப்பற்றிய அமெரிக்க செய்திகள் - போன்ற பல விஷயங்கள் யாவற்றிற்கும் இவரிடமிருந்து நேர்காணல் மூலம் பதில் பெற்றால் ஏஞ்சல் TVயை இவர் மூன்றாவது முறையாக நிறுத்திவிட்டு TV ஊழியர்களின் சோகமுகத்தை மறுபடியும் Angel TVயில் காட்டி அதோடு சாதுசுந்தர் செல்வராஜ் அவர்கள் ஏஞ்சல் டிவி பலம் கடைசியாக நேயர்களுக்கு வணக்கம் கூற வேண்டியிருக்கும்.

நேர்காணலுக்கு முக்கியமான கண்டிஷன்! (நிபந்தனை)

யார் TV நேர்காணலுக்கு என்னை அழைத்தாலும் என் கேள்வி - என் பதில் அதோடு அதில் சம்பந்தப்பட்டவர்களின் பதில்கள் யாவும் எடிட் செய்யக்கூடாது. என்னையே அவமானப்படுத்தும் கேள்விகளை அவர்கள் கேட்டாலும் அதையும் (எடிட்) நீக்ககூடாது. அப்படியே முழுவதுமாக அதை மக்கள் காணச்செய்யவேண்டும். பதிவு செய்யப்பட்ட அதன் காப்பி சம்பாஷனையில் கலந்துக்கொண்ட எல்லாருக்கும் கொடுக்கவேண்டும். அதை அப்படியே அவரவர்கள் பத்திரிக்கையில் வெளியிட TV நடத்துபவர்கள் அனுமதிக்கவேண்டும். நான் ரெடி!.

உச்சக்கட்ட பொய்:

ஏஞ்சல் TVயின் முதலாளி சாதுசுந்தர் செல்வராஜ் அவர்களின் சமீபத்திய உச்சக்கட்ட பொய் என்னவென்றால் இவர் இமயமலையில் ஒரு இடத்துக்குபோய் திரும்பும்போது மாலை 7 மணி மாலைநேரம் ஆகிவிட்டது. இருள் சூழ ஆரம்பித்தது. திரும்பி சேரவேண்டிய இடம் சென்றடைவதற்குள் சூரிய வெளிச்சம் மறைந்துவிடும். பிறகு எங்கும் ஒரே இருள் வழி கண்டுபிடிக்கமுடியாது. இந்த சூழ்நிலையில் சாதுசுந்தர் செல்வராஜ் இயேசுவிடம் ஜெபித்தாராம். இன்னும் 1½ மணி நேரத்துக்கு எனக்கு சூரிய வெளிச்சம் வேண்டும் என்று கேட்டுக்கொண்டாராம். கர்த்தர் உடனே அதன்படி செய்ய சூரியனை அங்கும் இங்கும் அசையாமல் நிற்கச்செய்தாராம். தான் தங்கும் இடம் சென்றடைந்தபின்தான் சூரியன் மெதுவாக மறைந்ததாம். இது ஒரு சரித்திர சம்பவம் என்று TVயில், தன் பிரசங்கத்தில் அறிவித்துள்ளார். தான் ஒரு யோசுவா, எசேக்கியேல் என்ற நினைப்பில் அப்படி கூறினாரா? அதை கேட்கும் நாமெல்லாம் மடையர்கள் என்று ஒரேயடியாக இவர் தீர்மானித்துவிட்டாரா? என்று அறியேன். வேதத்தில் பழைய ஏற்பாட்டு காலத்தில் சூரியன் நிறுத்தப்பட்டதற்கு இப்போதும் உலக சரித்திரத்தில் விஞ்ஞானிகள் கணக்கின் ஆதாரம் உண்டு. உலக கணக்கில் சில நாழிகைகள் வித்தியாசப்படுவதை சரித்திர விஞ்ஞான ஆராய்ச்சியாளர்கள் அறிவித்திருக்கிறார்கள். இந்த ஆதாரங்களை அநேக வருடத்துக்கு முன்பே Dr.ஜஸ்டின் பிரபாகர் அவர்கள் தன் செய்தியில் சுட்டிக்காட்டியிருக்கிறார். அதற்கு சரித்திர சான்றுகள் அடங்கிய பல ஆங்கில புத்தகங்கள் சாட்சி.

சகோ.சாதுசுந்தர் செல்வராஜ் விஷயத்தில் இவருக்காக சூரியன் நின்ற விஷயம், நாசா விஞ்ஞானிகள், இந்திய விஞ்ஞானிகள் அறிந்திருக்கவேண்டுமே!. இரவும், பகலும் கண்காணிக்கும் நவீன கருவிகளில் பதிவாகியிருக்க வேண்டுமே? ஆதாரம் உண்டா?.

இது ஜமக்காளத்தில் வடிகட்டின பொய் அல்லவா? இதற்கு சாதுசுந்தர் செல்வராஜ் தன் ஏஞ்சல் TVயில் ஆமாம் சாமி நிகழ்ச்சியிலாவது கண்டிப்பாக பதில் அளிக்கவேண்டுமே! செய்வாரா?. இதை செய்யவில்லையென்றால் இனி இவர் இமயமலையைப்பற்றியோ, திபெத்தைப்பற்றியோ பேசக்கூடாது என்று கேட்டுக்கொள்வோமா?.

சுமார் 100 ஆண்டுகள் கடந்த துண்டு இப்போது எங்கே? பதில் தேவை!

சாது சுந்தர் செல்வராஜ் மேலும் கூறிய மெகா பொய் 11.9.2012 ஏஞ்சல் TVயில் கூறியதாவது மதியம் ஒருநாள் இயேசு என்னை பரலோகத்துக்கு அழைத்து சென்றார். முழங்கால் படியிடு என்றார். நானும் முழங்கால் படியிட்டேன். உடனே மடித்த காவி கலர் சால்வையை என்மேல் போர்த்தினார். இது என்ன தெரியுமா?. இதுதான் என் தாசன் சாதுசுந்தர்சிங் தன்மேல் போட்டு எப்போதும் உபயோகித்த துண்டு ஆகும். இதை நான் யாருக்கும் கொடுக்கவில்லை. (பரலோகத்திலேயே அந்த பழைய துண்டை இயேசு பாதுகாத்து வைத்திருந்திருக்கிறார் போலும்). இனி இது உனக்கு என்று கூறி என்மேல் போர்த்தினார். இனிமேல் சாதுசுந்தர்சிங்கின் ஊழியத்தை உன்னிடம் ஒப்படைக்கிறேன். இனி அவர் ஊழியத்தை நீதான் தொடர்ந்து செய்யவேண்டும் என்றார். உடனே சாதுசுந்தர் சிங்கின் அபிஷேகம் என்மேல் இறங்கியது என்றார். (உடனே அதை பார்த்த சிலர் எனக்கு போன் செய்தனர். சாதுசுந்தர்சிங்கின் ஊழியத்தை தொடர்ந்து செய்யும்படி கர்த்தரால் கட்டளை பெற்ற இவர் இப்போது கண்ணம்மாவை அழைத்துக்கொண்டு சென்னை வீதியில் பாடிக்கொண்டு இருக்கிறார் ஏன்? இப்போது சாதுசுந்தர்சிங்கின் அந்த துண்டு எங்கே? அதை சாதுசெல்வராஜ் தன் டிவியிலாவது காட்டித்தான் ஆகவேண்டும்).

மோகன் சி.லாசரஸ் சொன்ன ஏமாற்று சம்பவம்:

மேலே சாதுசுந்தர் செல்வராஜ் கூறிய யோசுவாவின் சரித்திர அனுபவம்போலவும் நூற்றாண்டு கால துண்டுபோலவும் கதைகளை அவர் கூட்டணியில் உள்ள அவர் நண்பர் சகோ.மோகன் சி.லாசரஸ் கூறி அவர்களும் கூற தொடங்கிவிட்டார். எசேக்கியேல் காலத்து சம்பவம் ஒன்றை கூறுகிறார். (இயேசு விடுவிக்கிறார் பத்திரிக்கை 2012 செப்டம்பர் பக்கம் 12).

ஆந்திரா சகோ.ஏசன்னா அவர்கள் 2012 ஆகஸ்ட் மாதம் மரித்துப்போனார். ஜாமக்காரன் தன் ஆழ்ந்த இரங்கலைத் தெரிவித்துக்கொள்கிறது.

சகோ.ஏசன்னா அவர்களைப்பற்றி சகோ.மோகன் சி.லாசரஸ் கூறும்போது . . . சகோ.ஏசன்னா அவர்கள் வியாதி படுக்கையில் இருந்தபோது ஜெபிக்க சென்றேன். அப்போது நான் சொன்னேன். இந்த வியாதி மரணத்துக்கு ஏதுவான வியாதியாகும், ஆகவே அவர் மரித்துப்போவார் என்று கூறினேன். அவர் மரணத்துக்கு 6 மாதங்களுக்குமுன்பே ஏசன்னா மரிப்பதை கர்த்தர் என்னிடம் சொன்னார் என்று கூறினார். ஆனால் இந்த விவரத்தை இவர் ஜெபிக்கும்போது ஏசன்னாவிடம் கூறினரோ! இல்லையோ! என்பதை இவர் இங்கு குறிப்பிடவில்லை. ஆனால் எப்படி ஜெபித்திருப்பார் என்று நாம் யூகிக்கமுடியுமே! கர்த்தாவே இந்த ஊழியனை சுகப்படுத்தும் என்றுதானே ஜெபித்திருக்கவேண்டும். தன் வழக்கம்போல் நீர் அப்படி சுகப்படுத்தினதற்காக உம்மை துதிக்கிறேன் என்றுதானே கூறியிருப்பார். அது பொய் ஜெபம் அல்லவா. உண்மையில் ஏசன்னா மரிப்பார் என்று கர்த்தர் இவருக்கு அறிவித்திருந்தால் இவர் எப்படி ஜெபித்திருக்க வேண்டும்? கர்த்தாவே இவர் ஆத்துமாவை உம்மிடம் ஒப்படைக்கிறேன் என்றல்லவா ஜெபித்திருக்கவேண்டும்!. தனக்கும் தேவனுக்கும் நெருக்கம் அதிகம் ஒவ்வொருவரின் மரணத்தை குறித்தும் கர்த்தர் எனக்கு அறிவிப்பார் என்றல்லவா இவர் எழுதிய சாட்சிமூலம் அர்த்தமாகிறது. இன்னொரு பொய்யை பாருங்கள். ஒருநாள் ஏசன்னா கூறினாராம். நான் 6 மாதங்களுக்கு முன்பே கர்த்தரிடம் கேட்டுக்கொண்டேன். நான் மரிப்பதாகயிருந்தால் எனக்கு 6 மாத தவணை வேண்டும் இப்போது நான் சாகக்கூடாது என்று கேட்டேன் என்று ஏசன்னா கூறியதான் மோகன் சி.லாசரஸ் கூறுகிறார். அதன்படியே கர்த்தரும் சரியாக 6 மாதங்கள் முடியும் குறிப்பிட்ட அதே நாளில் சகோ.ஏசன்னா அவர்கள் மரித்தார் என்று குறிப்பிட்டிருக்கிறார். இதை நான் விமர்சிக்க இதை எழுதவில்லை. இன்னும் கவனியுங்கள். மோகன் சி.லாசரஸ் இந்த நிகழ்ச்சியை கூறுவதின்மூலம் தன் வாசகர்களுக்கு என்ன சொல்ல விரும்புகிறார். இவர் சுகமாகமாட்டார் என்பதை கர்த்தர் எனக்கு பல நாட்களுக்குமுன்பே சொல்லிவிட்டார். ஆனால் எசேக்கியேல் காலத்தில் நடந்ததைப்போல இப்போதும் எங்கள் ஊழியத்திலும் நடக்கும் என்பதற்காக ஏசன்னா ஜெபித்ததைப்போல யாருக்கும் தெரியாத ஒரு இரகசிய விவரத்தையும் அறிவித்து, அந்த இரகசியத்தையும் கர்த்தர் எனக்கு இரகசியமாக தெரிவித்துவிட்டார். சாவார் என்று நான் கூறியும் ஏன் அவர் இன்னும் சாகவில்லை தன் தீர்க்கதரிசனம் பொய்யாகிவிடுமே? அப்போதுதான் எசேக்கியேல் சம்பவம் சகோதரனுக்கு ஞாபகத்துக்கு வந்தது. உடனே அந்த நிகழ்ச்சியை இவ்வண்ணமாக திசை திருப்பிவிட்டாhர். 6 மாத தவணை ஏசன்னா கேட்டுக்கொண்டதால் அன்று நான் சாவார் என்று கூறியும், அவர் சாகவில்லை என்று இப்போது வாசகர்களுக்கு அறிவிக்கிறார். இதன்மூலம் ஒருவரின் சாவை வைத்து எத்தனையாக கர்த்தர் அளவு தன்னை உயர்த்தி காண்பிக்கிறார் என்பதை கவனியுங்கள்.

ஏஞ்சல் TV சாதுசுந்தர் செல்வராஜ் அவர்களும், நாலுமாவடி மோகன்.சி.லாசரஸ் அவர்களும் கூறிய இந்த இரண்டு சம்பவங்களும் ஒன்றுபோலவே பழைய ஏற்பாட்டு சம்பவமாக அமைந்துள்ளதே! எப்படி? சாதுசுந்தர் செல்வராஜ் கூறிய சூரியனைப்பற்றி கூறிய இமயமலை சம்பவம் அன்று யோசுவாவுக்கு கொடுத்த உலக அதிசய விசேஷ சம்பவமாகும். அடுத்தது மோகன் சி.லாசரஸ் கூறியது எசேக்கியல் ராஜாவுக்கு ஆயுள் நீட்டிக்கொடுத்த சரித்திர பிரசித்தப்பெற்ற அற்புத சம்பவம் ஆகும். பழைய ஏற்பாட்டுகாலத்தில் விசுவாசிகள் மரிக்க எப்போதும் ஆயத்தமாக இருக்க வேண்டும் என்ற உபதேசம் இல்லாத காலம். ஆனால் புதிய ஏற்பாட்டு சபை விசுவாசிகள் கிறிஸ்துவின் ஊழியர்கள் பிரசங்கிக்கும்போது விசுவாசிகள் எந்த நிமிடமும் மரிக்க ஆயத்தமாக இருக்க வேண்டும். அப்படியே வருகையில் எடுத்துக்கொள்ளப்படுவதற்கும் ஒவ்வொரு நிமிஷமும் ஆயத்தமாக இருக்கவேண்டும் என்றுதானே போதிக்கிறார்கள். ஆனால் இவ்வளவு பெரிய ஊழியர் மரிக்க 6 மாத டைம் கேட்கிறார்? மற்ற கருத்துக்களை இதைவாசிக்கும் உங்கள் யுகத்துக்குவிடுகிறேன். நவீன ஊழியர்களிடம் எப்படியெல்லாம் கட்டுகதைகளின் உதாரணம் கரைபுரண்டு ஓடுகிறது! பாருங்கள்.

ஏமாற்று ஊழியம்

மற்றொரு ஏமாற்று ஊழியத்தை கவனியுங்கள்: 28.7.2012 சனிக்கிழமை அன்று டிவியில் சென்னை சாதுபால் சாலமோன் ஜெபிக்கும்போது இயேசுவே இந்த கூட்டத்தில் இன்னும் யார் வியாதியில் இங்கிருக்கிறார்கள்? காட்டும்! என்று இயேசுவையே இவர் மிரட்டுகிறார். தான்தான் ஒவ்வொருவரையும் சுகப்படுத்துவதுபோல இது காணப்படுகிறதல்லவா! அதனால்தான் இவர் தன் ஜெபநேரத்தில் இயேசுவே இன்னும் வியாதியுள்ளவர் யார்? காட்டும்! காட்டும்! என்று கத்துகிறார். இதெல்லாம் என்ன பயங்கர ஊழியம். மேலும் இவர் நிறைய பெயர்களைகூறி அவர்களையும் சுகப்படுத்தும் என்று இயேசுவையே மிரட்டுகிறார். என்ன இது?

ஆசீர்வாதம் TV ஆலன்பால் கூட்டத்தில் ஜெபிக்கும்போது பரிசுத்த ஆவியானவரே மூவ்மூவ் அதோ அந்த மூலையில் ஒருவர் இருக்கிறார் மூவ் என்று அவர்களை சுகமாக்கும்படி பரிசுத்த ஆவியானவரையே விரட்டுகிறார். இவர் காட்டும் இடத்திலுள்ள ஆட்களை ஆவியானவர் போய் சுகப்படுத்தவேண்டுமாம்? இது ஓவராக இல்லை? இவர்களெல்லாம் மனதில் கர்த்தரைப்பற்றி என்ன நினைத்துக்கொண்டிருக்கிறார்கள்?. இதை நேரில் பார்த்த எனக்குஆச்சரியம் ஏற்படவில்லை. கோபம்தான் வந்தது. இந்த நிகழ்ச்சிகள் டிவியில் மட்டும் காட்டப்படாமல்போயிருந்தால் உலக தமிழ் மக்களுக்கு இந்த ஊழியர்கள் செய்யும் இப்படிப்பட்ட தவறுகள் வெளி உலகுக்கு தெரிந்திருக்காது. இவர்கள் இயேசுவையும் ஆவியானவரையும் வேலைவாங்குவது யாருக்குமே தெரியாது போயிருந்திருக்கும்!. மேலே கூறியவைகள் யாரோ கூறியது அல்ல, நானே பார்த்தது EYE WITNESS ஆகும்.

விசுவாசிகளை ஏமாற்றும் பண ஊழிய திட்டம் - ஊழியம்

வியாபாரமாக தொடர்கிறது

கர்த்தர் சொன்னார் என்ற பெயரில் மேலே வாசித்த சில ஊழியர்களின் ஏமாற்றுகள் போலவே சென்னை ஊழியர்.ஆல்வின்தாமசும் ஆரம்பித்துள்ளார். சகோ.தினகரன் அவர்கள் முதன் முதல் தொடங்கிவைத்த ஊழிய ஏமாற்றுதிட்டங்கள். இந்தியாவில் இளம்பங்காளர் திட்டம் என்ற பெயரில் ஒருகுழந்தைக்கு அல்லது ஒருபிள்ளைக்கு 2000 செலுத்தினால் 25 வருட ஆசீர்வாதம், 25 வருட பாதுகாப்பு அந்த பிள்ளைகளுக்கு உண்டாகும் என்பதாகும். இந்த திட்டத்தை பெரியளவில் விளம்பரப்படுத்தினார்கள். தமிழ்நாட்டிலும், கேரளத்திலும் அதன்பின் இந்தியா, வெளிநாடுகளிலும் வாழும் பல குடும்பங்களும் தாங்கள் பெற்ற பிள்ளைகள் பெயரில் இளம்பங்காளர் திட்டத்தில் பணம் அனுப்பி ஏமார்ந்துபோனார்கள். அதை பின்பற்றி பல ஊழியர்கள் பணம்பெரும் இப்படிப்பட்ட பெரிய திட்டத்தை கர்த்தர் சொன்னார் என்ற பெயரில் ஜனங்களிடம் வசூலித்து ருசி கண்டார்கள்.

சகோ.ஆல்வின் தாமஸின் பங்காளர் திட்டம்

இப்போது சென்னை சகோ.ஆல்வின் தாமஸ் என்ற ஊழியரும் தன் ஆலயம் கட்ட இந்த குறுக்கு வழியில் விளம்பரப்படுத்தியுள்ளார். இந்த திட்டத்துக்கு பெயர் Freedom Vision Partner - பீரிடம் தரிசன பங்காளர் திட்டம் என்பதாகும். இது கர்த்தர் ஆசீர்வதிக்கும் உண்மை திட்டம் என்பதை ஜனங்கள் அறிய உடனே இதைக்குறித்து சாட்சி வெளியிட ஒரு விளம்பரம் தயாரானது.

ஒரு பெற்றோரின் சாட்சி: எங்கள் மகன் பிரேம்குமார் பீரிடம் தரிசன பங்காளராக இருக்கிறான். இதன்மூலம் நிறைய ஆசீர்வாதங்கள் கர்த்தர் எங்களுக்கு செய்துள்ளார். ஒரு வீடுகட்ட 45 லட்சம் என்று பில்டர்ஸ் கூறினார்கள். அதற்கு முன்பணமாக 4 லட்சம் கேட்டார்கள். கொடுத்தோம். ஆனால் அவர்களால் 5 வருடத்தில்கூட அந்த வீட்டை அவர்களால் கட்டிதரமுடியாது என்பதை நாங்கள் அறிந்து நாங்கள் கொடுத்த முன்பணம் 4 லட்சத்தை அவர்களிடம் திரும்பக்கேட்டோம். ஆனால் அவர்களோ 90000 பிடித்துக்கொண்டுதான் தருவோம் என்றார்கள் நாங்கள் சோர்ந்து போனோம். அப்போதுதான் பீரிடம் தரிசன பங்காளர் திட்டத்தில் ரூஹா எழுப்புதல் மையத்துக்கு காணிக்கை கொடுப்பதாக பொருத்தனை செய்தோம். என்ன ஆச்சரியம் உடனே நாங்கள் வீடுகட்ட கொடுத்த முன்பணம் முழுதொகையையும் உடனே எங்களுக்கு கிடைத்தது. அதில் 1,20000 (ஒரு லட்சத்து 20 ஆயிரத்தை) காணிக்கையாக பாஸ்டர்.ஆல்வின்தாமஸ் அவர்களிடம் கொடுத்து விட்டோம். பீரிடம் தரிசன பங்காளர் திட்டத்தில் என் மகன் பங்காளராக இருப்பதால் இது நாங்கள் பெற்ற நன்மையாகும் என்ற அர்த்தத்தில் மற்றவர்களும் இப்படிப்பட்ட பொருத்தனை செய்யவேண்டும் என்பதற்காக கொடுக்கப்பட்ட ஏமாற்று விளம்பரம் ஆகும்.

ஈமூ கோழி பண்ணையில் தங்கள் பங்கு தொகை செலுத்தினால் இரட்டிப்பு பணம் என்று ஆசைக்காட்டி மோசடி செய்த பல கோழி பண்ணை முதலாளிகள் இப்போதும் ஜெயிலில் இருக்கிறார்கள்!. இது பத்திரிக்கை செய்தி.

கவர்ச்சி திட்டம்:

மேலும் சகோ.ஆல்வின்தாமஸ் கட்டும் ஆலயத்துக்கு காணிக்கை கொடுப்பவர்கள் பெயர்கள் யாவும் அப்படியே இனிஷியலுடன் பரலோகத்தில் பொறிக்கப்படும் என்று விளம்பரப்படுத்தியுள்ளார்கள். இதுபோதாதா?. ஜனங்களை கவர வசனம் தெரியாத கிறிஸ்தவ விசுவாசிகளையும் பாவத்தைவிட முடியாதவர்களையும் இந்த திட்டம் கவர்ந்துவிட்டது. எப்படியோ என் பெயர் பரலோகத்தில் எழுதப்படும். அதுபோதும் என்று திருப்திப்படுவார்கள். சகோ.தினகரன் அன்று ஆரம்பித்து வைத்த பொய் பங்காளர் திட்டம் எப்படி பரவி வியாபிக்கிறது பார்த்தீர்களா?.

மேலே பங்காளர் திட்டத்தில் பணம் கொடுத்த பங்குதாரர்கள் பெற்ற நன்மை கடிதம் வெளியிட்டார்கள். ஆனால் அதேசமயம் பீரிடம் தரிசன பங்காளர் திட்டத்தில் பணம்போட்ட பலர் அடைந்த நஷ்ட சாட்சிகள் எங்கே? அவைகள் வெளிவரவில்லையே!. வெளியிட தைரியம் உண்டா? (பத்திரிக்கை பெயர்: ரூஹா சுவாச காற்று 2012 செப்டம்பர் பக்கம் 27. சென்னை)

இப்படிப்பட்ட விளம்பர யுக்தியை கர்த்தர் சொல்லியிருப்பாரா என்று கொஞ்சம் மூளையை கசக்கி யோசித்துப்பாருங்கள்.

(ஆலயம் கட்டுவதற்கு நான் எதிராளியல்ல - ஆனால் கர்த்தர் சொன்னார் என்ற பெயரில் கூறப்படும் இப்படிப்பட்ட பொய் திட்டம் கவர்ச்சி திட்டம் சரியல்லவே).

Admin · Guru

ஏமாறாதே! ஏமாற்றாதே!!

அப்போஸ்தலர் நடபடிகள்

கேள்வி: அப்போஸ்தலர் நடபடிகள் என்ற தலைப்பில் கடந்த ஜாமக்காரனில் எழுதிய Rev.T.D.ஜெபக்குமார் அவர்கள் கட்டுரையை நன்றாகத்தான் எழுதியுள்ளார். ஆனால் 2012 ஆகஸ்ட் மாத ஜாமக்காரனில் 29ம் பக்கத்தில் கொரிந்துவில் பேசப்பட்ட அந்நியபாஷையோ மனிதர் புரியமுடியாத பாஷை, அதை பேசுகிறவனே அதன் கருத்தை அறியமுடியாத ஒரு பாஷையாகும். 1 கொரி 14:2,11,14 என்று அவர் எழுதியிருப்பது உங்கள் கருத்துக்கு மாறுப்பட்டது என்கிறேன்?. அது சற்று குழப்பமாக தெரியவில்லை!

பதில்: Rev.T.D.ஜெபக்குமார் அவர்களின் கருத்து சரிதான் என்று எண்ணுகிறேன். அந்த வசனத்தை படித்துப்பாருங்கள். அந்த இடத்தில் அந்நியபாஷை அன்றைய சபைக்கு, அதாவது வேத புத்தகம் எழுதப்படாத காலத்துக்கு முன் உள்ள புதிய ஏற்பாட்டுக்கு குறிப்பாக கொரிந்து சபைக்கு அது வரமாக செயல்பட்டதால் அதற்கு வியாக்கியானம் கொடுப்பவன் தேவைப்பட்டது என்று அவர் கூறியிருப்பது சரிதான். புதிய ஏற்பாட்டு சபைக்கு வேதம் எழுதப்படாததற்குமுன் உள்ள கொரிந்து சபையில் அந்நியபாஷை என்ற வரம் தேவைப்பட்டதாக நம்பலாம்.

சர்க்கரை வேண்டாம்

கேள்வி: பாஸ்டர்.சுந்தரம் அவர்களின் சாட்சி மிகவும் பிரயோஜனம் உள்ளதுதான். ஆனால் ஜெபிக்கப்போன வீட்டில் காபி கொண்டுவந்தபோது கர்த்தர் உனக்கு சர்க்கரை வேண்டாம் என்று பாஸ்டர்.சுந்தரம் கூறினாராம். கர்த்தர் பாஸ்டர்.சுந்தரம் அவர்களிடம் சர்க்கரை வேண்டாம் என்று சொன்னதாக கூறுவது சரியா? கர்த்தர் அப்படி பேசுவாரா? இது மிகையாக அல்லது ஏற்ககூடாத விஷயம் அல்லவா?

பதில்: இதே கருத்தை பலர் எழுதிவிட்டனர். அதை வெளியிடும்போதே அவரின் அந்த செயல் எனக்கு மிகையாகத்தான் தோன்றியது. அந்த கட்டுரையை அனுப்பியவர்கள் முழுவதும் வெளியிட கேட்டுக் கொண்டார்கள். ஆனாலும் அந்த குறிப்பிட்ட சம்பவத்தையும், வேறு சிலதையும் நான் நீக்கியிருக்க வேண்டும். சுட்டிக்காட்டிய யாவருக்கும் நன்றி.

மரித்தவர்கள் ஆலோசனை:

கேள்வி: மரித்தவர்கள் பூமியில் வந்து தங்களுக்கு பலமுறை ஆலோசனையும் கூறியிருக்கிறார்கள். எங்கள் ஊழியத்தில் செத்துப்போன பல பரிசுத்தவான்கள் அவ்வப்போது வந்து ஆலோசனை கூறுகிறார்கள் என்று சகோ.மோகன் சி.லாசரஸ், சகோ.சாது சுந்தர் செல்வராஜ், சகோ.வின்சென்ட் செல்வகுமார் ஆகியவர்கள் டிவியில் கூறியதை நீங்கள் தவறு என்று எப்படி கூறலாம்?. மரித்துப்போன எலியா, மோசே மறுரூபமலையில் இயேசுவோடும், பேதுருவோடும் பேசி ஆலோசனை கூறினார்களே?.

பதில்: மனிதன் ஒரே தரம் மரிப்பதும், பின்பு நியாய தீர்ப்பு அடைவதும் மனிதனுக்கு நியமிக்கப்பட்டிருக்கிறது என்பது கர்த்தரின் சட்டம். இதை மனிதன் மாற்ற முடியாது.

ஆனால் கர்த்தர் மாற்றலாம். சட்டம் இயற்றியவர் அந்த சட்டத்தை தன் பிரத்யேக காரியங்களுக்காக அவர் மாற்றுகிறார். உதாரணமாக, லாசரு, செத்துப்போன பெண் ஆகிய இவர்கள் யாவரும் செத்தபின் நியாய தீர்ப்புக்கு நிற்கவேண்டியவர்களாவர். ஆனால் நியாய தீர்ப்புக்கு முன்பாகவே இந்த உலகத்திலேயே அவர்களுக்கு மறுபடியும் உயிர்கொடுத்து எழும்ப வைத்து மீண்டும் இரண்டாம் முறை உலகத்தில் இயேசுகிறிஸ்து வாழவைத்தாரே!. தாம் என்ன செய்யபோகிறோம், எதற்காக செய்யபோகிறோம் என்பதை இயேசுகிறிஸ்து மட்டுமே அறிவார் என்று வேதம் கூறுகிறது. அதனால்தான் லாசரு சாகும்முன் வியாதி படுக்கையில் அவன் உயிரோடு இருக்கும்போதே அவன் மரிக்கப்போவதை இயேசுகிறிஸ்து அறிந்தும்விட்டார், அழைப்பு பெற்றும் அவனை உடனே சுகமாக்க போகாமல் அவன் சாகும்வரை காத்திருந்து அவன் மரித்தபின் அதன்பிறகு அவனை உயிரோடே எழுப்ப நான்காவது நாள் அவர் கல்லறைக்கு போகிறார். இதன் காரணத்தை சீஷர்கள் மட்டும் விளங்கிக்கொள்ளவேண்டி லாசருவின் இந்த வியாதி மரணத்துக்கு ஏதுவாயிராமல் தேவனுடைய மகிமை விளங்குவதற்கு ஏதுவாயிருக்கிறது. தேவனுடைய குமாரனும் அதில் மகிமைப்படுவார் என்றார்.

லாசரு வியாதிப்பட்ட சமயத்தில் இயேசு அங்கு இருந்திருந்தால் அல்லது சகோதரிகள் லாசரு வியாதிப்பட்டிருப்பதை இயேசுவுக்கு அறிவித்தவுடன் இயேசுகிறிஸ்து அங்கு உடனே போயிருந்தால் உடனே அவனை வியாதியிலிருந்து சுகப்படுத்தியிருப்பார். அதனால்தான் தன் சீஷரிடம் கூறும்போது நான் லாசரு வியாதிப்படுக்கையில் இருந்த இடத்திற்கு அவர்கள் கூப்பிட்டவுடன் போகாததால், அதாவது நான் அந்த இடத்தில் இல்லாமல்போனதால் நீங்கள் விசுவாசமுள்ளவர்களாகிறதற்கு ஏது உண்டென்று உங்கள் நிமித்தம் சந்தோஷப்படுகிறேன் என்றார். அதாவது மரித்தப்பின்போவதை சீஷர்கள் அறிந்ததாலும் உலகத்தில் யாரும் செய்யாத அற்புதத்தை தான் செய்யபோவதாலும் அதன் காரணமாக சீஷர்கள் தன்மேல் கூடுதல் விசுவாசம் கொள்ளவும், தான் யார்? என்பதை அவர்கள் அறிந்துக்கொள்ள லாசருவின் உயிர்த்தெழுதல் வழி உண்டாக்கும் என்று இயேசுகிறிஸ்து கூறுகிறார். யோ 11:4,5. ஆகவே சில முக்கியமான நோக்கத்துக்காக தான் இயற்றிய சட்டத்தை தானே மாற்றி தன்னை யார் என்று உலகத்துக்கு வெளிப்படுத்துகிறார்.

இது மனுஷர்களுக்கு பொருந்தாது. மறுரூபமலை சம்பவமும் அப்படித்தான், தன் சீஷர்கள் தன்னைக்குறித்து விளங்கிக்கொள்ள தன்னோடுகூட அந்த மறுரூபமலை சம்பவத்தை அவர்களுக்கு காண்பிக்க இயேசுகிறிஸ்து அவர்களை அழைத்து சென்றார். இயேசுகிறிஸ்து ஒருவருக்குமட்டும்தான் செத்துப்போனவர்களோடு பேசமுடியும். செத்துப்போன நாயினுர் வாலிபன் சம்பவத்தில்கூட அப்படித்தான் அந்த பிணத்திடம் சென்று எழுந்திரு என்று நான் உனக்கு கட்டளையிடுகிறேன் என்று மரணத்தின்மீது தனக்குள்ள அதிகாரத்தை விளங்கப்பண்ணினார். சிறு பெண்ணே எழுந்திரு என்று மரித்துப்போன பெண்ணோடும் அப்படியே பேசினார்.

இதைப்போலவே இன்னொரு சம்பவம் கவனிக்கவும், இந்த ஜென்ம பாவசரீரத்துடன் யாரும் பரலோகம் போகமுடியாது, போகக்கூடாது. இயேசுவின் இரத்தத்தால் மனிதனின் பாவம் கழுவப்படவேண்டும். அதன்பின்தான் பரலோகம் போகவேண்டும். ஆனால் இதே இயேசுகிறிஸ்து மரணத்துக்கும் - ஜீவனுக்கும் தெய்வமாக இருந்தபடியால் பழைய ஏற்பாட்டு காலத்தில் அன்று எலியாவையும், ஏனோக்கையும் அவர்களின் சொந்த சரீரத்தோடயே பரலோகத்துக்கு அழைத்துக்கொண்டார். அப்படி அழைத்தவர் சாதாரணமானவரல்ல, மனித பாவங்களை கழுவுகிறவராவார் என்பதையும் கவனத்தில் கொள்ளவேண்டும்.

ஆகவே சில பிரத்யேக காரணங்களுக்காக இயேசுகிறிஸ்து மரித்தவர்களோடு பேசுவதும், மரித்தவர்களை உயிரோடு எழுப்புவதும், இயேசுகிறிஸ்துவுக்கு மட்டுமே இயலும். ஆனால் பூமியில் உள்ள எந்த மனிதர்களுக்கும் மரித்தவர்களோடு அப்படி பேச முடியாது. மரித்தவர்களும் பூமியில் இறங்கிவந்து மனிதர்களுடன் அல்லது ஊழியர்களுடன் பேசமுடியாது. ஆனால் பிசாசு செத்துப்போனவர்கள் ரூபத்தில் மனிதர்களுடன் பேசமுடியும் என்பதையும் அறிந்துக்கொள்ள வேண்டும்.

அடிச்சுவடுகள்

கேள்வி: BYM ஸ்தாபகர் சகோ.R.ஸ்டான்லி அவர்களின் கட்டுரை அவரது அடிச்சுவடுகளைப் பின்பற்றுகிறேனா? என்ற தலைப்பில் நல்ல கேள்வியுடன் எழுதப்பட்ட அந்த கட்டுரை நாலுமாவடி மோகன் சி.லாசரஸ் அவர்களின் பத்திரிக்கையான இயேசு விடுவிக்கிறாரில் மட்டுமே வெளிவந்துள்ளது. BYMன் அதிகாரபூர்வ பத்திரிக்கையான Blessing பத்திரிக்கையில் அது வெளிவரவில்லையே ஏன்?

அதுமட்டுமல்ல, தமிழ்நாட்டில் வேறு எந்த பத்திரிக்கையிலும் அந்த கட்டுரை வெளிவரவில்லை? அதற்கு தனிப்பட்ட காரணம் ஏதாவது இருக்குமா?.

பதில்: நீங்கள் அந்த கட்டுரையை வாசித்தீர்களா? வாசித்திருந்தால் சகோ.ஸ்டான்லி எழுதிய பல ஆலோசனைகள் யாரையோ மனதில் வைத்து எழுதியதுபோல காணப்படுகிறது. மேலும் அந்த கட்டுரை சகோ.ஸ்டான்லியின் தன்னிலை விளக்கமாகவும் தெரிகிறது. மேலும் BYM ஆசீர்வாதம் பத்திரிக்கையிலும் மற்ற யாருடைய பத்திரிக்கையிலும் அந்த கட்டுரை வெளிவரவில்லை என்பது ஆச்சரியமே?. வழக்கமாக அவர் எழுதும் கட்டுரைகள் துண்டுபிரதி வழியாகவும் வெளியிடப்படும். ஆனால் அந்த கட்டுரை மட்டும் அதுபோல வெளியிடப்படாதது ஏன்? என்று விளங்கவில்லை. மற்ற விவரங்களை நீங்களே கேட்டு விசாரித்துக்கொள்ளுங்களேன்.

அரவாணிகளைப்பற்றி

கேள்வி: 2012 செப்டம்பர் Blessing பத்திரிக்கையில் பக்கம் 5ல் திருநங்கையர்களைப்பற்றி (அரவாணிகளை) எழுதப்பட்டதை வாசித்தீர்களா? உங்கள் கருத்துக்கு அது முரணாக இருக்கிறதே?.

பதில்: கேள்விகேட்கிற நீங்கள் யார்? உங்கள் கேள்வியின் நோக்கமென்ன? அந்த கட்டுரையில் ஒரு தவறும் இல்லையே!. இவர்கள் விஷயத்தில் எனக்கென்று கொள்கையோ திட்டமோயில்லையே!. அந்த கட்டுரையில் அரவாணிகளுக்கு மிக நல்ல ஏற்பாடுகளை செய்துகொண்டிருக்கிறார்கள் என்று காணப்படுகிறதே!. ஒரே ஒரு வித்தியாசம் அந்த கட்டுரையில் எத்தியோப்பியா மந்திரியை அரவாணி அல்லது திருநங்கையாக சித்தரித்தது சரியில்லை. அவர்தான் எத்தியோப்பியாவின் முதல் மிஷனரி இயேசுகிறிஸ்துவை இரட்சகராக ஏற்றுக் கொண்டவர் என்று எழுதியிருப்பதுவரை மிகச்சரியான கருத்தாகும். இதற்கு மாற்று கருத்து இல்லை. ஆனால் எத்தியோப்பியா மந்திரி அரவாணியில்லை என்பதை அறியவேண்டும். மனந்திரும்புதல் எல்லாருக்கும் உரியது.

ஆனால் குறிப்பிட்ட எத்தியோப்பியா மந்திரி பெண்தன்மை உள்ள அரவாணியல்ல என்பதை கட்டுரை எழுதியவர் குறிப்பிடவில்லை. நம் வேதத்தில் குறிப்பிடும் அண்ணகர்கள், விதையடிக்கப்பட்டவர்கள் என்று குறிப்பிடுகிறவர்கள் யாரும் பெண்தன்மை உள்ள அரவாணிகள் அல்ல. பெண்தன்மை உள்ள அரவாணிகளைப்பற்றியே வேதத்தில் ஒரு இடத்திலும் குறிப்பிடப்படவில்லை.

என் சொந்த கருத்து என்னவென்றால் அரவாணிகளுக்கு (திருநங்கைகள்) நிச்சயம் மறுவாழ்வு வேண்டும். ஆனால் அவர்களை யாரோடும் இணைத்து வாழவைக்க முடியாது. தனிப்பட்ட தொழில் படித்திருந்தால் அதற்கு தக்கதான வேலையை அவர்களுக்கு கொடுத்து உதவலாம். ஆனால் எங்கு இவர்களை வேலைக்கு தொழிலுக்கு சேர்த்துவிட்டாலும் அவர்கள் தனித்துதான் நிற்பார்கள். அவர்கள் மற்றவர்களோடு இணைந்து வாழ நினைத்தாலும் மக்கள் அவர்களைவிட்டு விலகிவிலகிதான் போவார்கள். இவர்கள் சொந்த குடும்பத்திலேயே அவர்கள் விலக்கி வைக்கப்பட்ட நிலை மிக பரிதாபம்தான்.

ஆகவே சேலத்தில் இன்னும் மற்ற இடங்களில் உள்ளபடி சுயதொழில் ஒன்றுதான் அவர்களை வாழவைக்கும் வழியாக அறியப்படுகிறது. ஹோமோ செக்ஸ் ஆண்புணர்ச்சிக்காரர்கள் கூட குடும்பத்தோடு பொதுமக்களோடு இணைந்து வாழமுடிகிறது. ஆனால் அரவாணிகளால் வாழ இயலவில்லை. காரணம் இவர்கள் உடுத்தும் பெண்களின் உடைதான் காரணமாயிருக்கும்.

விபச்சார பாவம் செய்பவர்கள் தங்கள் பாவத்தை அறிக்கையிட்டு மனந்திரும்புதலினால் அவர்கள்கூட சமூகத்தில் சேர்ந்து திருந்தி மறுவாழ்க்கை வாழமுடிகிறது. ஆனால் அரவாணிகள் தங்கள் உணர்ச்சிகளை ஜெபித்து கட்டுப்படுத்திக்கொண்டேன் என்று தீர்மானித்தாலும், அவர்களுடைய பாடி லேங்வேஜ் சமூகத்தில் இணைந்து மக்களில் ஒருவராய் வாழவைக்கவில்லை, வாழவும் முடியாது.

ஒரு ஆலயத்தில் இயேசுகிறிஸ்துவை ஏற்றுக்கொண்ட மனந்திரும்பின கிறிஸ்தவ அரவாணிகள் ஆராதனையில் மற்றவர்களைப்போல் கலந்துக்கொண்டார்கள். ஆனால் அவர்கள் பக்கத்தில் உட்கார்ந்தவர்கள் அனைவரும் எழுந்து வேறு இடத்தில் மாறி உட்கார்ந்துக்கொண்டார்கள். அவர்கள் அங்கு தனிமை ஆக்கப்பட்டார்கள். அதைகண்ட ஆயர் மிகவும் வேதனைப்பட்டு அரவாணிகளுக்கென்று காலை தனி ஆராதனை தொடங்கினார்.

இப்போது சுமார் 18 அரவாணிகள் ஆராதனையில் கலந்துக்கொள்கிறார்கள். நம் ஆண்டவர் யாரையும் வெறுக்கவில்லை. நிலைமை இப்படியிருக்கிறது. என்ன செய்ய? யாரும் இவர்களை ஒதுக்கவும் இல்லை. இரட்சிக்கப்பட்ட அரவாணிகள் சாட்சியுடனும், சமூகத்தில் கௌரவத்துடனும் வாழ அவர்களுக்காக ஜெபிப்பதை தவிர வேறு வழியில்லை. இயேசுகிறிஸ்து அவர்களையும் நேசிக்கிறார் என்பதை அறியவேண்டும். அவர்களுக்காகவும் இரத்தம் சிந்தினார்.

கர்த்தர் நேசிக்கும் அரவாணிகளை நாம் யாவரும் நேசிக்கும் வகையில் அவர்கள், பேச்சு நடவடிக்கைகள், அணுகுமுறைகள் யாவும் மிக நாகரீகமாக அமைய அவர்களுக்கு விசேஷ பயிற்சி கொடுக்கப்படவேண்டும். சமூகத்தில் ஒருவராக இவர்களும் இணைய இவர்களின் உடை உடுத்தும் முறை கண்டிப்பாக மாற்றப்படவேண்டும்.

அரவாணிகள் ஆண்களின் உடை உடுத்தினால் இவர்களுக்கு நிச்சயமாக புது வாழ்க்கை வாழ வழி உண்டு. இப்படிப்பட்ட அரவாணிகள் எத்தனை கோடிகளுக்கு சொந்தக்காரராக இருந்தாலும் இவர்கள் புடவை அல்லது சுடிதார் அணிந்துவந்தால் இவர்களுடன் இவர்கள் காரில் சேர்ந்து உட்கார யாருமே கூச்சப்படுவார்கள். ஆகவே அரவாணிகள் ஆண் உடை உடுத்தி தங்கள் அணுகுமுறையை, உடை முறையை மாற்றினால் நிச்சயம் சமூகத்தில் கலந்து வாழ வழி உண்டு.

வெளிநாடுகளில் வாழும் ஒரு சில அரவாணிகள் பெண்களின் உடை உடுத்துவதில்லை. அதனால் அவர்கள் சகஜமாக எல்லாருடனும் பழக பேச, உட்கார முடிகிறது. ஜெபிப்போம்.

குடும்பத்தைவிட்டு ஊழியம்:

கேள்வி: கேரளா பகுதி செங்கனாசேரியிலிருந்து தமிழ்நாட்டை சேர்ந்த ஒருவர் மனைவி - மக்களைவிட்டு பிரிந்து சுதந்திரமாக தமிழ்நாட்டில் தமிழ் கிறிஸ்தவர்கள் வீட்டை சந்தித்து ஜெபித்துபோகிறார்? மனஸ்தாபம் கொண்டு நான் குடும்பத்தை பிரிந்தாலும் இப்போது மரித்தாலும் பரலோகம் போவேன் என்கிறார்? அவர் கூறுவது சரியா?

பதில்: நீங்கள் கூறும் நபர் ஊழியம் செய்யக்கூடாது. மனைவியைவிட்டு பிரிந்து வாழ்கிறவர் ஊழியம் செய்யும் தகுதியை இழந்துவிட்டார். இப்படிப்பட்டவர்கள் கிறிஸ்தவ வீடுகளை சந்தித்து காணிக்கைக்காக ஜெபிப்பார்கள். அந்த ஜெபமும் கேட்கப்படாது.

அப்படிப்பட்ட ஊழியர்களை விசுவாசிகள் உற்சாகப்படுத்தக்கூடாது. எந்த ஊழியனானாலும் ஒரு சபையில் அவன் அங்கமாக இருக்கவேண்டும். அல்லது சொந்தமாக சபை நடத்துபவராக இருக்கவேண்டும் அல்லது ஒரு கிறிஸ்தவ ஸ்தாபனத்துடன் இணைந்து ஊழியம் செய்பவராக இருக்கவேண்டும். நீங்கள் குறிப்பிட்ட ஊழியர் மனைவி - பிள்ளைகளுடன் ஒப்புரவாகி இணைந்து குடும்பம் நடத்தும்வரை அவர் எந்த ஊழியமும் செய்யக்கூடாது. சீக்கிரமே அவர் தொழில் செய்து அல்லது ஒரு வேலையில் சேர்ந்து சுயமாக சம்பாதித்து குடும்பத்தை காப்பாற்றவேண்டும். இப்படி சுற்றித்திரிய கூடாது. வேதத்தில் கூறியபடி முதலில் தன் சொந்த குடும்பத்தை காப்பாற்றவேண்டும் என்பது ஒழுங்கு. அதோடு இயேசுவை அறியாத மக்களுக்கு (கிறிஸ்தவர்களுக்கு அல்ல) சுவிசேஷம் அறிவிக்கவேண்டும். இதுதான் ஒழுங்கு. ஜெபித்து காணிக்கை வாங்குவது கிறிஸ்தவ ஊழியம் அல்ல.

நித்திய ஜீவன்:கேள்வி: தேவன் (பிதா) குமாரனாக அவதாரம் எடுத்தார் என்பது தவறு என்கிறார்களே? எப்படி?

பதில்: குமாரனாக அவதாரம் எடுக்கவில்லை. அப்படி சிந்தித்தால் திரியோக கொள்கையில் தவறு உண்டாகும். இயேசுகிறிஸ்து நமக்கு போதிப்பதென்ன?.

யோ 17:3. ஒன்றான மெய் தேவனாகிய உம்மையும் நீர் அனுப்பினவராகிய இயேசுகிறிஸ்துவையும் அறிவதே நித்திய ஜீவன் என்றார்.

யார் நடத்துகிறார்கள்?

கேள்வி: கோயமுத்தூர் CSI திருமண்டலத்தை இப்போது யார் நடத்துகிறார்கள்? திருமண்டலத்தில் உள்ள சில சபைகளில் என்ன நடக்கிறது?.

சமீபத்தில் எல்லா தினசரி செய்திதாள், பத்திரிக்கைகளிலும் CSI ஆலய சம்பவங்கள் புகைப்படத்துடன் வெளியிடப்பட்டு நாடே சிரிக்கும் நிலை உண்டானதே? இதற்கு யார் காரணம்?.

பதில்: கோயமுத்தூர் CSI திருமண்டலம் தலையில்லாமல் ஆடிக்கொண்டிருக்கிறது. மேய்ப்பன் இல்லாத ஆடுகள்போல கடந்தகாலத்தைவிட மிக மோசமான நிலைக்கு போய் கொண்டிருக்கிறது. நியாதிபதிகள் புத்தகத்தின் கடைசி வரிகள் இப்படி கூறுகிறது.

அவனவன் தன்தன் பார்வைக்கு சரிபோனபடி செய்துவந்தார்கள். நியா 21:25.

கடந்த சில மாதங்களின் சம்பவங்களும், விவரமும் இப்போது வெளியிடவிரும்பவில்லை