New Indian-Chennai News + more

-- Edited by devapriyaji on Thursday 9th of September 2010 05:36:40 PM

இலவசங்களை கைவிட வேண்டும்!’
திரும்பிபார்க்க வைக்கும் திருமாவளவன்

ஈழத் தமிழர் பிரச்னைகள் குறித்து மூச்சு-முட்டப் பேசும் தமிழகத் தலைவர்களில் விடுதலைச் சிறுத்தைகள் அமைப்பின் தலைவரான தொல்.திருமாவளவனுக்கு முக்கிய இடம் உண்டு. சமீப நாட்களாக அவர் தமிழக சட்டமன்றத் தேர்தல் குறித்தும் கூட்டணியில் தங்களுக்கு ஒதுக்கப்பட வேண்டிய சீட்கள் குறித்தும் நிறைய பேச ஆரம்பித்-திருக்கிறார்.

இலங்கை முள்ளிவாய்க்கால் இனப்படுகொலைகள் நடந்து ஓராண்டைக் கடந்து விட்டது. இந்நிலையில் அவரோடு ஒரு நேர்காணல்.

தமிழக எம்.பி.க்கள் குழு இலங்கைக்கு சென்றுவந்து ஏறக்குறைய ஓராண்டாகப் போகிறது. அங்குள்ள தமிழர்களின் வாழ்வில் பெரிய அளவில் மாற்றம் எதுவும் ஏற்பட்டதாகத் தெரியவில்லையே..?

நாடாளுமன்றக் குழுவின் பயணம் எதையும் சாதித்துவிடாது என்று எனக்கு நன்றாகவே தெரியும். சிங்கள அரசு, இந்தக் குழுவின் எண்ணங்களுக்குப் பணிந்து எதுவும் செய்துவிடப்போவதில்லை என்பது தெரிந்ததுதானே. ஆனால், சில விஷயங்-களில் சிங்கள அரசை கட்டுப்படுத்த முடியும்.

தமிழகத்தில் அனைத்து கட்சிகளும் கொண்ட ஒரு கண்-காணிப்பு குழுவை அமைக்க வேண்டும். அக்குழு இலங்கையில் மறுகட்டமைப்பு பணிகளை கண்-காணிக்க நடவடிக்கை எடுக்க வேண்டும். ஈழத் தமிழர்கள் வேதனையை நினைத்து நான் தினந்-தோறும் வருத்தப்பட்டுக் கொண்டிருக்-கிறேன்.

நீங்களோ கண்காணிப்பு குழு அமைக்க வேண்டும் என்கிறீர்கள். ஆனால், ‘இலங்கை தமிழர்-களுக்கு மத்திய அரசு உதவிதான் செய்ய முடியும்... போலீஸ்காரன் வேலை பார்க்க முடியாது’ என்கிறாரே டி.ஆர்.பாலு?

எதுவும் நடக்க மாட்டேன்கிறதே என்ற விரக்தியில் டி.ஆர்.பாலு அப்படி சொல்லி-யிருக்கலாம். அனைத்து கட்சி எம்.பி.க்களையும் இலங்கைக்கு அழைத்துச் செல்ல வேண்டும் என்று நான் கோரிக்கை வைப்பதே, ஏதாவது நடக்கும் என்கிற நம்பிக்கையில்தான். இந்தியா கொடுத்துள்ள நிதியுதவி தவிர, தமிழர்-களின் மறுவாழ்வைக் காரணம்காட்டி, அவர்களின் அவலநிலையை படங்களாகவும், அறிக்கை-யாகவும் தயாரித்து வெளிநாடுகளுக்கு அனுப்பி நிதிதிரட்டிக் கொண்டிருக்கிறான் சிங்களன். அந்த நிதியை சிங்கள நலனுக்கும், இலங்கை வளர்ச்சிக்கும் பயன்படுத்திக் கொண்டிருக்கிறான்.

இந்திய வெளியுறவுக் கொள்கையில் மாற்றம் ஏற்-படாத வரையில் ஈழத் தமிழர்கள் வாழ்வில் மாற்றம் ஏற்படாது என்று சொல்கிறீர்கள். ஆனால், மத்திய அரசுக்கு கலைஞர் தொடர்ந்து கடிதம் எழுதிக் கொண்டிருக்கிறார்...

முதல்வரின் வலிமைக்கு ஏற்றபடி தகுந்த வேலையை செய்து கொண்டிருக்கிறார். கடிதத்துக்குப் பிறகு சின்ன வேலை நடந்தாலும் அவருக்கு அது ஆறுதல்தான். இதனாலெல்லாம் முழுமையான மாற்றத்தை ஏற்படுத்திவிட முடியாது என்பது அவருக்கும் தெரியும்.

தி.மு.க. கூட்டணியில் நீங்கள் கேட்கும் இரட்டை இலக்கத்தில் ஸீட்கள் ஒதுக்கப்படா விட்டால்..?

குறைந்தது 7 இடங்களிலாவது வெற்றி பெற்றால்தான் சொந்த சின்னத்தில் நிற்க தேர்தல் கமிஷனில் அங்கீகாரம் கிடைக்கும். அந்தளவுக்கு வெற்றிபெற வேண்டும் என்றால், குறைந்தபட்சம் இருபத்தோறு தொகுதிகளிலாவது நாங்கள் போட்டியிட வேண்டும். அதற்கான முயற்சிதான், எங்கள் விருப்பமாக வெளிப்பட்டிருக்கிறது. இதில் தவறில்லை...

டாக்டர் ராமதாஸ் தி.மு.க. கூட்டணியில் இருக்க வேண்டும் என்று சொல்கிறீர்களே..?

வடமாவட்டங்களில் டாக்டர் ராமதாஸுக்கு பலம் உண்டு. அதனால், அவரும் தி.மு.க. கூட்டணியில் இருந்தால், அது தி.மு.க. கூட்டணிக்கு பலம் சேர்க்கும். கசப்புகளைப் போக்கி, அவரை மீண்டும் தி.மு.க. கூட்டணிக்கு அழைத்துவரும் பொறுப்பை என்னிடம் ஒப்படைத்தால், அதனை செய்து முடிப்பேன்.

தே.மு.தி.க.வை விட எங்களுக்கு செல்வாக்கு அதிகம் என்று சொல்லியிருக்கிறீர்கள். உங்களால் தனித்து போட்டி-யிடமுடியுமா?

ஏற்கனவே 200 இடங்களில் டெபாசிட் போன கட்சிதான் தே.மு.தி.க. 234 தொகுதிகளில் போட்டி-யிட்டால், ஒரு தொகுதிக்கு 10 ஆயிரம் 20 ஆயிரம் ஓட்டுகள் கிடைக்கும். எங்களுக்குத் தமிழகம் முழுவதும் வாக்கு வங்கி இருக்கிறது. அதை வைத்துத்தான் தே.மு.தி.க.வை விட எங்களுக்கு செல்வாக்கு அதிகம் என்று சொல்லியிருக்கிறேன். இதை நிரூபித்துக் காட்ட முடியும்!

சமீப காலமாக அ.தி.மு.க.வின். செல்வாக்கு பெருகி வருகிறதே..?

ஆர்ப்பாட்டம் என்பது ஒரு குறிப்பிட்ட பகுதி மக்களை கொண்டு நடத்தப்படுவது. அ.தி.மு.க. ஒன்றரை கோடி உறுப்பினர்கள் கொண்ட கட்சி. அப்படியென்றால், ஜெயலலிதாவின் திருச்சி ஆர்ப்பாட்டத்தில் கட்சியின் ஒன்றரை கோடி பேரும் கலந்து கொண்டிருக்க வேண்டாமா? வெறும் இரண்டு லட்சம் பேர் மட்டும்தானே வந்திருந்தார்கள்? இதனை வைத்து ஆதரவு பெருகி வருவதாக எடுத்துக் கொள்ள முடியாது.

‘இலவசமாக மீன் கொடுப்பதைவிட மீன் தூண்டில் கொடுங்கள்’ என்று சொல்லியிருக்கிறீர்கள். அப்படி-யானால், தமிழக அரசின் இலவச திட்டங்கள் தேவை-யில்லை என்கிறீர்களா?

கொள்கை ரீதியாக இலவசங்கள் கூடாது என்பதுதான் எங்களுடைய கருத்தும். விஜயகாந்தும் வறுமையை ஒழிப்பதாகச் சொல்லி புடவை, கம்யூட்டர், வேட்டி கொடுத்து வருகிறார். வறுமை ஒழிப்பு என்பது நாலு பேருக்கு உதவி செய்வது மட்டும் அல்ல. கொடுக்கிறவன் இருக்க கூடாது. வாங்குறவனும் இருக்கக் கூடாது. அது அரசுக்கும் பொருந்தும். அரசு இலவச திட்டங்களை கைவிட்டால் நல்லது-.

ஐ-.ஏ.எஸ். அதிகாரியான உமாசங்கருக்கு ஆதரவாக குரல் கொடுக்கவில்லை என்று தலித் அமைப்புகள் உங்கள் மீது குற்றம்சாட்டுகின்றனவே?

உமாசங்கர் மீது பிறப்பிக்கப்பட்ட சஸ்பெண்ட் உத்தரவை திரும்ப பெற வேண்டும் என்று முதன்முதலில் குரல் எழுப்பியவன் நான்தான். அதன்பிறகு அது அரசியலாகிவிட்டது. கம்யூனிஸ்ட், அ.தி.மு.க. போன்ற கட்சிகள், இந்தப் பிரச்னையை வைத்து அரசியல் செய்ய ஆரம்பித்து விட்டன. இருந்தாலும், முறைப்படி முதல்வர், துணை முதல்வரோடு இது குறித்துப் பேசியிருக்கிறேன்.

தலித் விரோத அரசாக தி.மு.க. அரசு செயல்படுகிறது என்று குற்றச்சாட்டு கிளப்புகிறார்களே..?

அப்படி சொல்ல முடியாது. உயர் பதவியை பிடிக்க கடுமையான போட்டி நிலவுகிறது. தலித் அதிகாரிகளால் போட்டிபோட முடியவில்லை. அவ்வளவுதானே தவிர, இதில் அரசின் தவறு என்று எதைச் சொல்ல முடியும்? வைகோ, நெடுமாறன் குறித்து குமரன் பத்மநாதன் சொல்லியிருக்கும் கருத்துக்கள் பற்றி..?

வைகோ, நெடுமாறன் விஷயத்தில் கே.பி. சொல்லியிருக்கும் கருத்தை நான் ஏற்க மாட்டேன். புலிகளை ஆதரிக்கும் தமிழகத் தலைவர்களுக்கு சிக்கலை உண்டாக்கும் நோக்கத்தோடு அவர் பேசியிருக்கிறார்...

என் உயிரினும் மேலான...   என் உயிரினும் மேலான தலைவனுக்கு வணக்கம்! எண்பத்தி ஏழு வயதில் நீங்கள் துடிதுடிப்புள்ள இளைஞராகவே செயல்-படுவதைக் தமிழ்நாடு மற்ற மாநிலங்களும் ஆச்சரியத்துதோடும் அதிசயத்தோடும் பார்க்கின்றன. உண்மைதான். உங்கள் ஆட்சியில் அதுவும் இந்த ஆட்சியில் சாதாரண மக்களுக்குப் போய்ச்சேரும் வகையில் பல திட்டங்கள் தீட்டப்பட்டு நிறைவேற்றப்பட்டும் வருகின்றன. ‘108’ திட்டமும், கலைஞர் காப்பீட்டுத் திட்டமும் குப்பனுக்கும் சுப்பனுக்கும் உதவும் வகையில் அமைந்து பெருவாரியான மக்களின் பாராட்டுதல்களைப் பெற்றிருக்கின்றன. மற்ற இலவசத் திட்டங்களில் சில குறைபாடுகளும் குற்றச்சாட்டுகளும் இருந்தாலும், அவற்றை மக்கள் சந்தோசத்துடன் அனுபவிக்கிறார்கள். இந்த வயதில் நீங்கள் இத்தனை பாடுபட்டு பணியாற்றிவருவதை மட்டும் வைத்துப் பார்த்தால் தி.மு.க. பொதுமக்களின் முழு அபிமானத்தைப் பெற்று, அடுத்த தேர்தலில் அமோக வெற்றிபெறும் சூழ்நிலை உருவாகியிருக்க வேண்டும். ஆனால், நடப்பது என்ன? எதிர்கட்சிகள் இன்னும் இருக்கின்றனவா என்று மக்கள் சந்தேகப்படும் வகையில் தளர்ந்திருந்த கட்சிகள் வீறுகொண்டு எழுந்து உங்களுக்கு சவால்விடும் அளவுக்கு தங்கள் பலத்தை காட்டும் நிலை எப்படி ஏற்பட்டது? மக்கள் கூட்டம் அ.தி.மு.க.வை நோக்கி அலை அலையாக ஆர்ப்பரிக்கும் சூழ்நிலை எப்படி திடீரென்று வந்தது? இது கூட்டப்பட்ட கூட்டம் என்ற வழக்கமான அரசியல் வசனத்தை விலக்கி வைத்துவிட்டு யதார்த்தத்தை யோசித்துப் பாருங்கள். மக்களுக்கு நம் கட்சி மீதும், குடும்பத்தின் மீதும் (இரண்டும் வேறு வேறு என்று ஒரு வாதத்திற்கு வைத்துக் கொண்டாலும்) வெறுப்பு ஏற்படும்படியான சூழ்நிலை வந்ததே மக்களின் மனமாற்றத்திற்குக் காரணம் என்பது புரியும். இத்தனைக்கும் தி.மு.க. மற்ற கட்சிகளை விட கட்டுக்கோப்பான கட்சி என்று ஒரு காலத்தில் பெயர் வாங்கிய கட்சி. தி.மு.க.வில் இருந்து அ.தி.மு.க., ம.தி.மு.க. என்று கட்சிகள் பிரிந்தபின்னும் கட்டுக்கோப்பைத் தக்க வைத்து, நீண்ட இடைவெளிக்குப் பின்னும் ஆட்சியில் தி.மு.க. அமரமுடிந்தது என்றால் அதற்கு உங்கள் அரசியல் சாணக்கியமும் சாதுர்யமும் முழுக் காரணம். அடிமட்டத் தொண்டனைத் தலைவனே நினைவில் வைத்துத் தொடர்பு கொள்ளும் கட்சி என்று மார்தட்டிய தி.மு.க.வில் மற்ற கட்சிகளைப் போலவே இன்று உள்குத்துப் போராட்டங்கள், அடி-தடிகள், அசிங்கங்கள். கட்சிக்கும் குடும்பத்திற்கும் உள்ள கோட்டை நீங்கள் அழித்துவிட்டதனால் அல்லது குடும்பத்தினர் அக்கோட்டை அழிக்க அனுமதித்ததினால்தான் இந்த நிலை. உங்களுக்கு அடுத்தபடியாக பேராசிரியரும் மற்ற சீனியர் அமைச்சர்களும் கட்சி செயல்பாட்டில் முழுமனதோடு ஈடுபட்ட வரை உங்களுக்குப் பிரச்னை எழவில்லை. உங்கள் குடும்பத்தினர் ஒவ்வொருவராக உள்ளே நுழைய, நுழைய தி.மு.க.வின் தூண்கள் என்று கருதப்பட்ட சீனியர்கள் மனம் ஒடுங்கி, சொல்லவும் முடியாமல் மெல்லவும் முடியாமல் பிழைப்பிற்காக குடும்பத்தின் ஏதோ ஒரு கிளையில் ஒட்டிக் கொண்டு அரசியல் செய்யும் நிலைக்குத் தள்ளப்பட்டார்கள். இன்று நடப்பதென்ன? தமிழ்நாட்டில் பரப்பரப்-பாகப் பேசப்படும் அத்தனை அராஜகங்களிலும் உங்கள் சுற்றத்தினர் பெயர்தான் அடிபடுகிறது. குடும்பக் கிளைகளுக்குள் நடக்கும் நிழல் யுத்தம் பல சமயங்களில் நிஜயுத்தங்களாகி நாலாபக்கமும் ரத்தத்தைத் தெளிக்கிறது. எந்த தொழிலானாலும் வியாபாரமாயினும் உங்கள் குடும்பத்தினரே ஆக்கிரமிப்பதுடன் நியாயமான ஆரோக்கியமான வியாபாரமும் தொழிலும் நடக்கவிடாமல் அராஜகம் செய்கிறார்கள் என்ற எண்ணம் பொதுமக்களின் மனதில் ஆழப் பதிந்திருக்கிறது. எவ்வளவு நாள் இந்த நிலையை நீங்கள் மறைத்து வைக்க முடியும்? பயத்தில் ஓடும் நாய்கள் கூட ஓடுவதற்கு வழியில்லை என்றால் திரும்பி நின்று குலைக்கும். முடிந்தால் எதிர்த்துப் பாயும். என்பது சாதாரண மனிதனுக்கே தெரியும்போது சாணக்கியரான உங்களுக்குத் தெரியவில்லையா? சென்னையில் மாதாமாதம் நட்சத்திர ஓட்டல்-களிலும் கேளிக்கை விடுதிகளிலும் ஏற்படும் தகராறுகளில் உங்கள் குடும்பத்தினர் பெயரே மீண்டும் மீண்டும் கிசுகிசுக்கப்படுகிறது. புரியாத கொலைகளும் வன்முறை அராஜகங்களும் நீதிமன்றங்களில் திறமையாகப் புதைக்கப்பட்டாலும் மக்கள் மனங்களில் இருந்து அழித்து விடமுடியாது. இத்தனை நடக்கும்போதும், எதுவுமே நடக்காதது போல் நீங்கள் பார்த்துக் கொண்டிருப்பதையும் மக்கள் பார்க்கத் தவறவில்லை. குடும்ப சச்ச-ர-வுகளைச் சரிப்படுத்த நீங்கள் எடுக்க முயலும் நட-வடிக்கைகள் அரசு ஊழியர்களையும் மக்களையும் எரிச்சல்படுத்தவே அமைந்து உங்களுக்-கெதிராகவே உள்ளவர்களுக்குத் தீனியாவதுதான் மிச்சம் & உமாசங்கர் சஸ்பெண்ட் விவகாரம் உட்பட. தமிழ்நாடே ஒரு குடும்பத்திடம் சிக்கிச் சின்னா-பின்னமாகியிருக்கிறது என்ற எண்ணம் மக்களிடம் உறுதியாக ஏற்படக் காரணம் யார்? தலைக்குமேல் வளர்ந்தவர்களைக் கண்டிக்கவோ தண்டிக்கவோ உங்களுக்கு மனம்வராமல் இருக்கலாம். ஆனால் அந்தப் பாசத்தை மக்களிடம் எதிர்பார்க்க முடியாது. என்னுடைய பிள்ளைகள் வியாபாரம் செய்யக் கூடாதா? என்று நீங்கள் கேள்வி கேட்பீர்கள். தாராளமாகச் செய்யலாம். தவறில்லை. ஆனால் வியாபாரம், தொழில் என்ற பெயரில் மற்றவர்களை நசுக்க அவர்கள் ஆட்சியையும் கட்சியையும் பயன்படுத்தும்போது அந்த குற்றங்களுக்குப் பொறுப்பு உங்களைச் சாரும். மக்களின் வெறுப்பும் உங்களைச் சேரும். பிரதான எதிர்கட்சியான அ.தி.மு.க.வை எடுத்துக் கொண்டால், அங்கே தலைமை தவறு செய்தது என்று மக்கள் நினைத்தால் அந்த வெறுப்பு மாறி வாக்குச்சாவடியில் விளைவுகளை உண்டாக்கும். அப்படித் தவறு செய்தவர்கள் என்று மக்கள் நினைத்திட அங்கே அதிகபட்சம் இரண்டே பேர். அவர்களைப் பிடித்தால் அவர்களுக்கு ஓட்டு. பிடிக்காவிட்டால் மாற்றுக் கட்சிக்கு ஓட்டு (கட்சி சார்பற்ற பொது வாக்காளனின் கண்ணோட்டத்தில்). ஆனால் தி.மு.க.வில் இன்றைக்கும் பன்முகங்கள். அத்தனையும் குடும்பத்தின் கிளைகள் & மூன்று தலைமுறைகள். இத்தனை முகங்களில் ஒரு முகத்தைப் பிடிக்கவில்லை என்றாலும் மாற்றுக் கட்சிக்கு ஓட்டுப்போடும் மனோபாவம் பொதுமக்களுக்கு ஏற்படும் என்பது உங்களுக்குப் புரியாமல் போனது ஏன்? மேற்கு வங்காளத்தை முப்பது ஆண்டுகளுக்கும் மேலாக ஆண்ட ஜோதிபாசு கடைசிவரை மக்களின் தொண்டனாகவே வாழ்ந்து அழியாப் புகழ் பெற்றதற்கு முழுக்காரணம் அவர் தன்னுடையை குடும்பத்தினர் யாரையும் பெரிதாக அரசியலில் கொண்டுவரவில்லை. அதோடு அவர்களை எல்லா தொழிலிலும் தலையிட்டு ஆக்கிரமிக்க விடவில்லை. இந்தியாவின் ஒப்பற்ற மாநிலத் தலைவர்கள் வரிசையில் ஜோதிபாசுக்கு அடுத்த நிலையில் உங்களைப் பெருமையாகச் சொல்ல முடியும். உங்கள் அரசியல் ராஜதந்திரத்தையும் திறமையையும் வைத்து. ஆனால் குடும்பத்தை முன்னிறுத்தி மாநிலத்தையே குடும்பத்திற்கு தாரைவார்த்த குற்றத்தால் அந்த மதிப்புப் பட்டியலில் இருந்து நீங்கள் விடுபடுகிறீர்கள். வயதிலும் பதவியிலும் உச்சத்தில் இருக்கும் நீங்கள் மக்களின் மனதில் இருந்து விழுந்துவிடக் கூடாது என்பதற்காகவே இதை எழுதுகிறேன் தலைவா! தேர்தலுக்கு இன்னும் இருப்பது சில மாதங்களே என்ற நிலையில் நிலைமையை நீங்கள் ஓட்டுச்சாவடியில் வைத்து உங்கள் பாணியில் சமாளிக்கலாம். ஆனால் சில நூறுகளுக்கு விலைபோகும் வாக்காளன் கூட சிந்திக்கத் தொடங்கிவிட்டால் நிலைமாறும் என்பதை இப்பொழுதாவது புரிந்து கொள்ளுங்கள். விட்டுவிட்ட கடிவாளத்தை இப்பொழுதாவது எடுங்கள். தறிகெட்டு ஓடும் குதிரைகளைக் கட்டுக்குள் கொண்டு வாருங்கள் தலைவா! -இப்படிக்கு நடக்கும் நிகழ்வுகளால் மனம்வெதும்பிய, அண்ணா காலத்து தி.மு.க. தொண்டன்.

ஈ.வே.ரா.நாயக்கர் பிறந்த நாள் தேவையா?

தொண்டர்களுக்கு எப்படியோ... தி.மு.க. தலைவர் கருணாநிதிக்கு செப்டம்பர் மாதத்தில் வருகிற முப்பெரும் விழா எப்போதுமே களிப்பூட்டும் திருவிழா!

கட்சியைத் தொடங்கிய இதய தெய்வம் அண்ணா... அரசியல் குருநாதர் பெரியார் ஆகியோரின் பிறந்த நாட்களோடு... கொட்டும் மழையில் சென்னை ராயபுரம்


ராபின்சன் பூங்காவில் தி.மு.க. இயக்கத்தைத் துவக்கியதும் இந்த மாதத்தில்தான். கருணாநிதியின் நெஞ்சத்து நினைவுகள் அத்தனையும் இந்த மூன்று பெரும் நிகழ்வுகளில் சிலிர்ப்புகொண்டு எழுந்து நிற்க... இந்த முப்பெரும் விழாவில், வருடாவருடம் பேருவகையோடு தொண்டர்களை சந்திப்பார்! இந்த ஆண்டு அது நாகர்கோவிலில் நடப்பதாக அறிவிக்கப்பட்டது.

''சிலிர்ப்பு விழாவே தலைவரின் 'கடுப்பு' விழாவாக மாறிப்போனது. தன் மனக் கிலேசங்களை மறைத்துக் கொண்டுதான் அவர் மேடையில் வீற்றிருந்தார்...'' என்று முணுமுணுக்கிறார்கள் கட்சியின் சீனியர்கள் சிலர்.

அழைப்பிதழ் அச்சடித்ததுமே சஞ்சலங்கள் தொடங்கியதாம். நடக்கும் இடம் நாகர்கோவில் என்பதால் அமைச்சர் சுரேஷ்ராஜன் வரவேற் புரையாற்ற...தலைவர் கருணாநிதி, பொதுச் செயலாளர் அன்பழகன், பொருளாளர் ஸ்டாலின், முதன்மைச் செயலாளர் ஆற்காடு வீராசாமி, துணைப் பொதுச் செயலாளர்களான துரைமுருகன், பரிதிஇளம்வழுதி, சற்குணபாண்டியன் ஆகிய நிர்வாகிகளின் பெயர்கள் மட்டுமே அதில் இடம் பெற்றிருந்தன.

மத்திய அமைச்சரும், கழகத்தின் தென் மண்டலப் பொறுப்பாளரு மான மு.க.அழகிரியின் உயிர் நண்பர்களுக்கோ... தங்கள் அன்பு அண்ணனின் பெயரை அழைப் பிதழில் காணாததால்... அதிர்ச்சி. ''வருகிற சட்டமன்றத் தேர்தலில் தென் மாவட்டங்களின் அத்தனை தொகுதிகளிலும் தி.மு.க. மற்றும் அதன் கூட்டணிக் கட்சிகளைச் சிந்தாமல் சிதறாமல் ஜெயிக்கவைப்பதற்கு அண்ணன் மெனக்கெட்டு வியூகங்கள் வகுக்கும் வேளையில்... அழைப்பிதழில்கூட அவர் பெயர் இல்லாமல், தெற்கே இந்த விழா தேவையா?'' என்று இந்த உயிர் நண்பர்கள் கொந்தளிக்க... அதில் நியாயம் இருப்பதாக அழகிரியும் நினைத்தாராம்.


இதற்கு சமாதானம் பேசிய சிலர், 'கூட்டம் நடத்துவது தி.மு.க. தலைமைக் கழகம். எனவே, தலைமைக் கழகத்தின் நிர்வாகிகள் பெயரை மட்டும்தான் போட முடியும். தென் மண்டல அமைப்புச் செயலாளர் என்ற வகையில் அழகிரி பெயரைப் போட்டால்... மாநில அமைப்புச் செயலாளர்களாக டி.கே.எஸ். இளங்கோவன், கல்யாண சுந்தரம் ஆகிய இருவர் பெயரை 'ஓவர்லுக்' செய்வதாக ஆகாதா?' என்று விதிமுறை - நடைமுறை பேசிப் பார்த்தார்களாம். 'தேர்தல் காலத்தில், எதிர்க் கட்சிகளின் ஒட்டுமொத்த விமர்சனங்களையும் சட்டை பண்ணாமல், பெரிய அளவில் ரிஸ்க் எடுத்து, இதனை இன்னார் செய்தால் சரிவரும் என்று முடுக்கிவிட்டு வேலை பார்ப்பதற்கு மட்டும் அண்ணன் வேணும். கூட்டம் நடத்தும்போது, விழாக் கோலாகலத்துக்கு அவர் வேண்டாமா? அண்ணன் இந்த நிகழ்ச்சிக்கு வர மாட்டார்...' என்று சில குரல்கள் கிளம்பின.

விவகாரம் மு.க.ஸ்டாலின் காதுக்குப் போக... விழாவை நடத்தும் பிஸியில் இருந்த சுரேஷ்ராஜனை தொடர்புகொண்ட அவர், ''அண்ணனை விழாவுக்குக் கூப்பிடுங்க. முக்கியத்துவம் கொடுத்துப் பேசுங்க!' என்று உத்தரவு போட்டாராம். சுரேஷ்ராஜனும் மதுரையில் இருந்த அழகிரியிடம் பேச, ''எனக்கு அன்னிக்கு டெல்லியில் வேலை இருக்கு. என் துறை தொடர்பான கூட்டம். அதனால், என்னால் வர முடியாது!'' என்று நயமாகவே சொல்லிவிட்டு இணைப்பைத் துண்டித்ததாகச் சொல்லப்படுகிறது.

'விஷயம் சீரியஸ்' என்று மறுபடி சென்னைக்குத் தகவல் எட்ட... அடுத்த முயற்சி தொடங்கியதாம். தினப் பத்திரிகை விளம்பரங்களில் அழகிரி பெயரையும் இணைத்து ஈடு கட்டுவதன் மூலம், அவரை சாந்தப்படுத்தலாம் என்று கட்சி முக்கியஸ்தர்கள் சொல்ல... தலை அசைத்தாராம் கருணாநிதி.

அதைத் தொடர்ந்து முப்பெரும் விழா விளம்பரங்களில், தென் மண்டல அமைப்புச் செயலாளர் மு.க.அழகிரி, கனிமொழி எம்.பி., திருமதி குஷ்பு சுந்தர் ஆகிய மூன்று பெயர்கள் இணைக்கப்பட்டன. யார் சொல்லி மற்ற இரு பெயர்கள் புதிதாக இணைந்ததோ... அதுவே எரிமலைக்குள் எண்ணெய் ஊற்றிவிட்டது என்கிறார்கள். 'இது அண்ணனுக்கு முக்கியத்துவம் தருவதற்கு போட்ட விளம்பரம் மாதிரி தெரியலை. சந்தடி சாக்கில் குஷ்பு பெயரைச் சேர்க்கக் காத்திருந்த காரியமாக இருக்கிறது!'' என்று அழகிரியின் ஆதரவுப் படையினர் அதிர்ந்து பேசத் தொடங்கினார்களாம். ''அண்ணன் பெயரை இணைத்து புது அழைப்பிதழே அடித்தாலும்... எத்தனை விளம்பரங்கள் கொடுத்தாலும் அவர் அப்செட் ஆனது ஆனதுதான்!'' என்று மீடியா நண்பர்களிடம் மனவோட்டத்தைக் கசியவிட்டனர்.

குஷ்புவின் பெயர் இணைக்கப்பட்டது, கனிமொழி வட்டாரத் திலும் அதிர்வலை பரப்பியதாம்! அதே சமயம், அழகிரியை இந்த விழாவுக்கு எப்படியும் வரவழைத்து... அவருக்குத் தெற்கே உள்ள தனி முக்கியத்துவத்தை விழா மேடையில் வெளிச்சம் போட்டு... சில விஷயங்களை உணர்த்த நினைத்ததாம் கனிமொழி தரப்பு! இதுபற்றிச் சொல்பவர்கள், ''முப்பெரும் விழா ஜொலிப்பு செப்டம்பர் 20 தேதி என்றால்... அதற்கு முந்தைய தினம் சுரேஷ்ராஜனை தொடர்புகொண்டு கனிமொழி தரப்பில் பேசினார்கள். 'நீங்கள் மறுபடி அழகிரி அண்ணனைக் கூப்பிடுங்கள். அவர் மதுரையில்தான் இருக்கிறார். கட்டாயம் நாகர்கோவில் கூட்டத்துக்கு வருவார்' என்று கூறினார்கள். அவர், தனக்கும் அழகிரிக்கும் ஏற்கெனவே நடந்த தொலைபேசி உரையாடலைச் சொல்லி, 'வர மாட்டேன் என்று உறுதியாகச் சொல்லிவிட்டார். மறுபடி நானே எப்படி அழைக்க முடியும்?' என்று கேட்டாராம். 'நீங்கள் நேரில் போய் அழைத்தால் நிச்சயம் வருவார்!' என்று பதில் வந்ததாம்.

'நாகர்கோவிலில் இருந்து மதுரைக்குப் போய் வரவே எட்டு மணி நேரம் தேவை. அங்கே இரண்டு மணி நேரம் தேவை. 10 மணி நேரத்தை இன்றைக்கு என்னால் செலவழிக்க முடியாது. காலையில் தளபதி வந்து இறங்கிவிட்டார். அவரை அழைத்துப் போய் பொதுக் கூட்டம் நடக்கும் மேடையைக் காட்டியாக வேண்டும். அதோடு, இரண்டு அரசு விழாக்களும் இருக்கின்றன. அதையெல்லாம் விட்டுவிட்டு என்னால் போக முடியாது!' என்று சுரேஷ்ராஜன் விளக்கம் அளித்தார் என்கிறார்கள்.


அடுத்த சிறிது நேரத்தில் தலைவரே சுரேஷ்ராஜனை தொடர்புகொண்டு பேசினார் என்றும், அவரிடமும் நடந்ததை சுரேஷ்ராஜன் விவரித்தார் என்றும் தகவல். தொண்டர்கள் கூடும் தனிப் பெரும் திருவிழாவை நடத்துவதற்குள் இப்படி ஓர் உணர்ச்சிப் போராட்டமா என்று வருந்தியபடி தலைவர் போனை வைத்ததாகச் சொல்வோரும் உண்டு.

மூத்த அமைச்சர் வீரபாண்டி ஆறுமுகத்துக்கு இந்தத் தகவல்கள் சென்றன. ''நான் வேண்டுமானால் தம்பி யிடம் பேசவா?'' என்று தலைமையிடம் அனுமதி கேட்டு வாங்கினாராம்.

''என்னுடைய வாழ்நாளில் இது முக்கியமான விழா. பெரியார் பெயரிலான விருதை நான் வாங்குகிறேன். அதற்கு நீங்கள் வராமல் இருக்கக் கூடாது. நிச்சயம் வந்தாக வேண்டும்!'' என்று வீரபாண்டியார் சொல்ல... ''உங்களை நான் மதிக்கிறேன் அண்ணே!'' என்று மட்டும் சொன்ன அழகிரி, ''நமக்காகப் பாடுபடுறவங்களோட உணர்வையும் மதிக்கணுமே!'' என்றபடி கசப்புகளைப் பட்டியல் போட்டதாகவும்... தகவல் தெற்கில் பரவியது.

'வருத்தங்கள் யாருக்கும் இருக்கலாம். அதற்கு உரிய விளக்கங்களை கட்சி கொடுக்கும். ஆனால், தொண் டனும் கட்சியும்தான் முக்கியம். தேதி குறித்த பிறகு, எதிலும் எங்கும் சுணக்கம் கூடாது!' என்று எரிமலை குரலில் கண்டிப்பாக சொன்னாராம் கருணாநிதி. அதே சமயம், சென்னையில் இருந்து பறந்து வந்த கட்டளையை ஏற்று அழகிரி மற்றும் கனிமொழிக்காக பிரத்தியேக விளம்பரங்களை சுரேஷ்ராஜன் வெளியிட்டு குஷிப்படுத்தியதும் நடந்தது

கோபாலபுரத்தை கலங்கடித்த குஷ்பு புயல்!

‘‘சில மாதங்களாக அடங்கிக்கிடந்த தி.மு.க.வின் உட்கட்சி பூசல்களும் குடும்ப மோதல்களும் அப்பட்டமாக வெளிப்படும்’’ என்பதுதான் எல்லாதரப்பு அரசியல்வாதிகளும் முணுமுணுக்கும் செய்தியாக இருக்கிறது.

திடுமென தி.மு.க.வில் புகைய ஆரம்பித்திருக்கும் புகைச்-சலுக்கு காரணம் நாகர்கோவிலில் நடந்த முப்பெரும் விழா. இந்த விழாவில் அழகிரியின் பெயர் அழைப்பிதழில் முதலில் அச்சேரவில்லை. அவர் ஆவேசப்பட்டதும், அதே விழாவில் குஷ்புவுக்கு அளிக்கப்பட்ட முக்கியத்துவமும் தி.மு.க.வில் மீண்டும் குடும்ப மோதலுக்கு இழுத்துச் சென்றுள்ளது.

ஒவ்வொரு வருடமும் செப்டம்பர் மாதம் தி.மு.க.விற்கு கொண்டாட்ட மாதம்தான். திராவிட பாரம்பரியத்தின் அச்சாணிகளான பெரியார், அண்ணா ஆகியோரின் பிறந்த தினங்களோடு, கட்சி தொடங்கிய நாள் என மூன்று விழாக்களையும் இணைத்து, முப்பெரும் விழா எடுத்து வருகிறது தி.மு.க.

இந்த முப்பெரும் விழாவில் எப்போதும் ஒரு மெசேஜ் இருக்கும். இந்த முறை கிடைத்த மெசேஜ்... கலைஞர் தனது வாரிசுகளின் மூக்குடைத்துவிட்டு, குஷ்புவுக்கு ராஜ மரியாதை செய்திருப்பதுதான். அந்த விஷயத்துக்கு இறுதியில் வருவோம். நாகர்கோவில் தேர்வான ரகசியம்!

இந்த வருடம் முப்பெரும் விழா பற்றிய பேச்சுக்கள் கிளம்பியதுமே முதல்வர் கருணாநிதியிடம், ‘‘கோவையில் செம்மொழி மாநாடு நடத்திவிட்டீர்கள். திருச்சியில் திகைப்பான கூட்டம் கூட்டி விட்டீர்கள். சமீப காலங்களில் வட மாவட்டங்களில்தான் கட்சியின் பெரிய விழா எதுவும் நடக்கவில்லை. அதனால் திருவண்ணாமலையில் முப்பெரும் விழாவை நடத்த வேண்டும்’’ என கோரிக்கை வைத்திருந்திருக்கிறார் அமைச்சர் எ.வ.வேலு. அந்த கருத்தை ஸ்டாலினும் ஆதரித்திருக்கிறார். முதல்வர் அதற்கு ஒப்புக் கொள்ளவில்லை. ‘‘தமிழகத்தின் தென் கோடியை நாம் மறந்து விட்டோம். இம்முறை நாகர்கோவில்தான். நான் அங்கு சென்றும் வெகு நாட்களாகிறது’’ என்று சொல்லி நாகர்கோவிலை விழா நகரமாக தேர்வு செய்தாராம். 

ஆவேசத்துக்கு அச்சாரம் அழைப்பிதழ்!

நாகர்கோவிலில் முப்பெரும் விழா என்று முடிவானதுமே, அதற்கான மொத்த ஏற்பாடுகளையும் செய்யும்படி சுற்றுலா மற்றும் பத்திரப்பதிவுத் துறை அமைச்சரான சுரேஷ்ராஜனிடம் ஒப்படைப்பது என்று முடிவு செய்தார் கலைஞர். இதற்குள் அழகிரியின் காதுகளுக்கு முப்பெரும் விழா செய்திகள் போனது. உடனே ஆவேசமான அழகிரி, ‘‘தென்மண்டலத்தில் விழா நடத்துவதைக்கூட ஒரு செய்தியாகத்தான் என்னிடம் சொல்கிறீர்கள். என்னிடம் கலந்தாலோசிக்க மாட்டீர்களா?’’ என அப்போதே முதல்வரிடம் ஆவேசப்பட்டாராம். 

இருந்தாலும், விழா நடக்கட்டும் என்று அமைதியாக இருந்தார் அழகிரி. இதற்கிடையில், விழாவுக்கான அழைப்பிதழ் தயாராகி வந்தது. அதில் தன் பெயர் இல்லை என்றதும், கொதிக்க ஆரம்பித்து விட்டார்.

தலைவர் கலைஞர், பொதுச் செயலாளர் அன்பழகன், பொருளாளர் ஸ்டாலின், முதன்மைச் செயலாளர் ஆற்காடு வீராசாமி, துணைப் பொதுச் செயலாளர்களான துரைமுருகன், பரிதி இளம்வழுதி, சற்குணபாண்டியன் ஆகியோரின் பெயர்களோடு லோக்கல் அமைச்சரான சுரேஷ்ராஜன் ஆகியோரது பெயர்கள் மட்டும்தான் அழைப்பிதழில் இடம்பெற்றிருந்தது. 

‘‘திட்டமிட்டு என்னை அவமானப் படுத்துகிறார்கள். விழாவை நல்லா நடத்திட்டுப் போகட்டும். ஆனால், சத்தியமாக நாகர்கோவில் பக்கம் தலைவைத்துக்கூட படுக்கமாட்டேன்’’ என்று தனது தாயிடமும், சகாக்களிடமும் தெரிவித்துவிட்டார். அழகிரியின் கோபம், ஆவேசமாக மாறிய விஷயம் கலைஞருக்கு எட்டியது. முப்பெரும் விழா தென் மண்டலத்தில் நடக்கிறது, அதில் அழகிரி பெயர் இல்லையென்றால் என்னென்ன விளைவுகள் ஏற்படும் என்பதை அறியாதவர் அல்ல கலைஞர். ஆனாலும், அழகிரியின் பெயரை கலைஞர் ஏன் தவிர்த்தார் என்பதுதான் மில்லியன் டாலர் கேள்வி.

அழகிரியின் கோபம் குறித்து, செப்.18&ம் தேதி காலை முதலே விவாதிக்கத் தொடங்கிவிட்டார் கலைஞர். ‘என்னய்யா... அவன் கோவிச்சிக்கிறான். அமைப்புச் செயலாளர் பெயர்களை இதுவரை முப்பெரும் விழாவில் போட்டதே கிடையாது. அப்படி போட்டால், அழகிரியோடு டி.கே.எஸ்.இளங்கோவன், பி.வி.கல்யாணசுந்தரம் பெயரையும் போட வேண்டுமே’ என்றெல்லாம் விவாதம் தொடங்கி, கடைசியில் ஒரு முடிவுக்கு வந்தார் கலைஞர். அவரது பெயரை போட்டுவிடுவது என்று முடிவு செய்து, அமைச்சர் துரைமுருகன் மூலம், அழகிரிக்கு தெரியப்படுத்தி-விட்டார் கலைஞர். அழகிரி பெயர் சேர்க்கப்பட்ட விளம்பரம் தயா-ராகி முரசொலி இதழ் அச்சாகிக் கொண்-டிருந்தது.

அழகிரியின் புயல் ஓய்ந்துவிடும் என்று கலைஞர் நினைத்துக் கொண்டே, சி.ஐ.டி. காலனி வீட்டுக்குச் சென்றார். அங்கே, அந்த விழா அழைப்பிதழில் கனிமொழி பெயரும் இடம் பெற வேண்டும் என்று ராசாத்தியம்மாள் போர்க்கொடி தூக்க, கலைஞருக்கு நெருக்கடி தொடங்கியது. ஒரு மணி நேரம் விவாதம் நடந்து முடிந்ததும், முரசொலிக்கு சென்ற விளம்பரத்தில் மாற்றம் செய்யும்படி உத்தரவிட்டார் கலைஞர்.

அழைப்பிதழில், அழகிரியின் பெயரோடு, கனிமொழி பெயரைச் சேர்த்ததுடன், குஷ்பு சுந்தர் பெயரையும் சேர்க்கச் சொன்னார் கலைஞர். அங்கேயும் ஒரு சுவாரஸ்ய திருப்பம் ஏற்பட்டது. சென்னைக்கு மட்டும் அடிக்க வேண்டிய முரசொலி மட்டுமே பாக்கி இருந்தது. அதனால் சென்னை பதிப்பு முரசொலி யில் மட்டுமே, கனிமொழி பெயரும், குஷ்பு சுந்தர் பெயரும் இருந்தது. முரசொலியின் இதர பதிப்புகளில் இந்த இருவரின் பெயர் இல்லை. மற்ற நாளிதழ்களில் திருத்தப்பட்ட அழைப்பிதழில் அழகிரி, கனிமொழி, குஷ்பு சுந்தர் பெயர்களும் இருந்தன. 19&ம் தேதி விளம்பரம் வந்த அன்றுதான், வாரிசுகள் அத்தனை பேரையும் கலைஞர் மூக்குடைத்தது அம்பலமாகி இருந்தது.

‘ ஆளாளுக்கு என் பேரை சேருங்கன்னு டார்ச்சர் செய்யறீங்களா... இருங்க என் வேலையை நான் காட்டுறேன்’ என்று கலைஞர் சொன்ன வார்த்தைக்கு அர்த்தம் மறுநாள் தான் தெரிந்தது.

குஷ்பு பெயர் வந்ததும் கடும் வெறுப்பில் மூழ்கியவர் கனிமொழி. கட்சிக்காக ஊர் ஊராக ஓடித்திரியும் தனது பெயரை சேர்க்க வேண்டி தாயார் கோரிக்கை வைத்தால், தனது இடத்திற்கு சமமாக குஷ்புவைக் கொண்டு வந்ததை கனிமொழியால் ஜீரணிக்க முடியவில்லை. இருந்தும் தனது அதிருப்தியை, கலைஞரிடம் காட்டாமலேயே, நாகர்கோவில் சென்று வந்தார்.

குஷ்புவின் பெயர் அச்சில் ஏறிவிட்டது என்ற செய்தி தன்னை எட்டியதும், ஸ்டாலின் தவிப்புக்குள்ளானார். அழகிரியின் பெயரை போடுவதற்கு எப்போதுமே, தன்னால் தான் பிரச்னை ஏற்படும். இந்த முறை குஷ்புவின் மூலமாக குடும்பத்திற்குள் பிரச்னை வெடிக்கப்போகிறதே... அண்ணனை எப்படிச் சமாதானப்படுத்துவது என்று அவர் தவித்துக் கொண்டிருந்தார். இவர்கள் இருவரைவிட உச்சக்கட்ட கடுப்புக்கு ஆளானவர் அழகிரிதான். பெயர் இல்லையே என்று மேலோட்டமாக கோபம் காட்டிய அழகிரி, திருத்தப்பட்ட அழைப்பிதழில் இருந்த பெயர்களைக் கண்டதும், கொதித்துவிட்டார். 

எடுபடாத தயாளு சமாதானம்!

பல தரப்பில் இருந்து சமாதானம் செய்தும் அழகிரி மசியவில்லை. பின்னர் துரைமுருகன் பேசியிருக்கிறார். ‘‘நான் எம்.ஜி.ஆர் படம் பார்த்துக்கிட்டிருக்கேன். என்னை டிஸ்டர்ப் செய்யாதீங்க’’ எனச் சொல்லி தொடர்பை கட் செய்துவிட்டாராம் அழகிரி. 

இந்நிலையில் அழகிரியை சமாதானப்-படுத்த தயாளு அம்மாளைக் கொண்டு வந்தார்கள். வழக்கமாய் பேசும் அதே உருகிய குரலுடன் அழகிரியின் லைனுக்கு போயிருக்கிறார் தயாளு. ‘‘எல்லாரும் ஒண்ணாயிருக்கறப்ப, நீ மட்டும் ஏம்பா முரண்டு பிடிக்கிறே. தேர்தல் வர்ற நேரத்துல, நீ இப்படி செய்யறது அப்பாவுக்கு பிடிக்கலைப்பா. எல்லாத்தையும் மறந்துட்டு என் வார்த்தைக்கு மதிப்பு கொடுத்து விழாவுக்கு போகணும்..’’ என உரிமை கலந்து உத்தரவு போட்டாராம்.

‘‘அழைப்பிதழில் என் பெயர் போடாததே பரவாயில்லை. விளம்பரத்துல என் பெயரை போடறேன்னு சொல்லிட்டு குஷ்பு பெயருக்கு மேல போட்டிருக்கீங்க. குஷ்புவுக்கு சமமா நான்? கட்சிக்குள்ள தலைவருக்கு அடுத்து ஸ்டாலின்னு முடிவு பண்ணிட்டீங்க. ஸ்டாலினுக்கு அடுத்து கூட நான் இல்லேன்னா, என்னை எந்த இடத்துலதான் வைச்சிருக்கீங்க?’’ என்று கேட்டுவிட்டு, போனை ஆஃப் செய்துவிட்டார் அழகிரி

அண்ணன் நாகர்கோவில் செல்லவில்லை என்றதும், அவரது ஆதரவாளர்கள் அங்கே குவியத்தொடங்கினர். ‘‘இந்தக் கட்சிக்காக எவ்வளவு உழைக்கிறேன். வர்ற சட்டமன்ற தேர்தலுக்காக இப்ப இருந்தே நாயா பாடுபடறேன். பெங்களூருல இருந்தும், டெல்லியில இருந்தும் ஆட்களை கூப்பிட்டு வந்து, இப்பவே சர்வே எடுத்துப் பார்க்கறேன். தென் மண்டலம் முழுவதும் இப்பவே பூத் கமிட்டி அமைக்கச் சொல்லியிருக்கேன். இப்படி நான் உழைக்கற உழைப்பு மாதிரி யார் உழைக்கறாங்க? அடுத்து வேற ஆட்சி வந்தால், என் நிலைமை என்னாகும்? எனக்கு என்ன பாதுகாப்பு இருக்கு? இன்னும் ஆறு மாசத்துல தேர்தல் வரட்டும். அப்ப நான் யாருன்னு காட்டறேன்’’ என ஆவேசத்தில் தன்னுடைய வருத்-தங்கள் அனைத்தையும் தன் வீட்டில் குவிந்-தவர்களிடையே கொட்டினாராம். இந்த விஷயங்கள் அப்படியே கலைஞரின் காதுக்கும் போயிருக்கிறது.

இதற்கிடையில், முப்பெரும் விழா நாளில் நான் மதுரையில் இல்லாமல் இருப்பது போல் வெளியே தெரியக்-கூடாது. மதுரையில் இருந்து கொண்டுதான் விழாவுக்கு வரவில்லை என எல்லோருக்கும் தெரிய வேண்டும் என்பதற்காகவே, தொகுதி மேம்பாட்டு நிதியில் மதுரையில் நடைபெறும் சில வேலைகளை தனது படை, பரிவாரங்கள் சூழ சென்று பார்வை-யிட்டாராம் அழகிரி.

‘‘விழாவைப் புறக்கணித்துவிட்டு அழகிரி, இப்போதைக்கு அமைதியாக இருந்தாலும், அடுத்தடுத்து அவர் ஆற்றப் போகும் காரியங்கள் கட்சிக்குள் பெரும் புயலை வீசச் செய்யும்...’’ என்று அழகிரி ஆதரவாளர்கள் மதுரையில் இருந்து விடுக்கும் செய்திகளால், தி.மு.க. தலைவர்கள் சிலர் அதிர்ந்து போயிருக்கிறார்கள்.

கோபாலபுரத்தில் வழக்கமாக உள்ளூர் புயல்தான் வீசும். நீர் அடித்து நீர் விலகாது என்ற வகையில் அந்த புயல்கள் புஸ்வாண-மாகிவிடும். வடஇந்தியாவிலிருந்து வங்கக்-கரைக்கு வந்திருக்கும் குஷ்பு புயலால், கோபாலபுரம் குடும்பத்தில் என்ன கலவரத்தை ஏற்படுத்தும் என்பதைதான் தி.மு.க.வின் தொண்டர்கள் திகிலாக பார்த்துக் கொண்டிருக்கிறார்கள்.

காரணம், முப்பெரும் விழாவில் கட்சியில் சேர்ந்து ஆறு மாதங்கள் கூட ஆகாத ஒரு நடிகைக்கு கொடுக்கப்பட்ட ராஜமரியாதை, தி.மு.க. முக்கியஸ்-தர்களை மட்டு-மின்றி, மூன்று வாரிசுகளுமே வெவ்-வேறு வகைகளில் சங்கடத்திற்கு ஆளாகியிருக்-கிறார்-கள் என்பதும் மறுக்க முடியாத செய்தியாகும். 

ஆக, முப்பெரும் விழாவில் இறுதியில், தி.மு.க. தொண்டனுக்கு கிடைத்திருப்பது ஒரே ஒரு செய்திதான்... தனது வாரிசுகளை கட்டுப்படுத்த முடியாமல் அல்லது அவர்களுக்கு பாடம் கற்பிப்பதாக நினைத்து குஷ்புவை தாங்கிப்பிடித்திருக்கிறார் கலைஞர். ஒவ்வொரு நேரத்தில் ஒவ்வொரு வாரிசை சமாளிக்க, அந்தந்த நேரத்தில் ஒரு அஸ்திரம் எடுப்பார். மூன்று வாரிசுகளுக்கும் ஒரே நேரத்தில் நெருக்கடி கொடுக்க, கலைஞர் எடுத்த அஸ்திரம்தான் குஷ்பு! இதன் விளைவுகள் எப்படி இருக்கும் என்பதை அழகிரியின் அடுத்த மூவ்தான் முதலில் எடுத்துக்காட்டும்!

தஞ்சை கோயில் சென்ட்டிமென்ட்!

''ராஜராஜ சோழனின் மகன் ராஜேந்திரன் 1012-ம் ஆண்டில்தான் பட்டம்

சூட்டிக்கொண்டான். தந்தையும் மகனுமாக சிறப்பாக ஆட்சி செய்தார்கள் என்பது வரலாறு. தந்தைக்குத் துணையாக நின்று வெற்றிகளைக் குவித்தான் ராஜேந்திரன்...'' - தஞ்சை பெரிய கோயிலின் 1000 ஆண்டு நிறைவு விழாக் கொண்டாட்டத்தில் இப்படி கருணாநிதி உதிர்த்த வார்த்தைகள் 'அரசியல் சாணக்கியத்தன'மாகப் பார்க்கப்படுகின்றன!

தி.மு.க. நடத்தும் முக்கிய விழாக்களில் கட்சிக்குள் இருக்கும் முக்கியப் புள்ளிகளே... கசப்பு, துரோகம், ஆவேசம், மோதல், புறக்கணிப்பு என்று வெடித்துக் கிளம்புவது அடிக்கடி நடக்கக்கூடிய நிகழ்வாகிவிட்டது. இரண்டு வாரங்களுக்கு முன்னதாக நாகர்கோவிலில் நடந்த தி.மு.க. முப்பெரும் விழா பொதுக் கூட்டத்துக்கு, தென் மண்டல அமைப்புச் செயலாளர் என்ற வகையில் மு.க.அழகிரிக்கு முக்கியத்துவம் அளிக்கவில்லை என்கிற கொதிப்பு கிளம்பி இருந்தது. அழகிரியும் அப்செட் ஆகி அந்த விழாவுக்கு ஆப்சென்ட் போட... 'அழகிரி - ஸ்டாலின் சகோதர யுத்தம்' என்று அரசியல் உஷ்ணத்தோடு யூகங்கள் ஆவி பறந்தன. இந்தக் கசப்புக் காயங்களுக்கு மருந்து போடும் முயற்சி நடந்த வேளையில் தஞ்சை பெரிய கோயில் விழா தொடங்கிவிட்டது.

கோவை செம்மொழி மாநாட்டைப்போலவே, தஞ்சையிலும் துணை முதல்வர் ஸ்டாலினுக்கு முக்கியத் துவம் தரப்பட்டது. கோவை செம்மொழி மாநாட்டின் கண்காட்சியைத் திறந்துவைக்கும் பொறுப்பு மத்திய அமைச்சர் அழகிரிக்கு வழங்கப்பட்டது. ஆனால், திடீரென டெல்லியில் இருந்து அழைப்பு வந்ததால் கிளம்பிப் போனார். அதேபோல, தஞ்சையிலும் நடந்துவிடக் கூடாது என்று நினைத்தார்களோ என்னவோ, விழாவில், எந்த அமர்வுக்கும் அழகிரியின் பெயர் அழைப்பிதழில் அச்சடிக்கப்படவில்லை. விழாவை ஒட்டிய கண்காட்சியை ஸ்டாலின்தான் திறந்துவைத்தார். ஆய்வரங்கத்தை முதல்வர் தொடங்கி வைப்பார் என்றது அழைப்பிதழ். ஆனால், கருணாநிதி வரவில்லை. அந்த வாய்ப்பும் ஸ்டாலினுக்கே!

பெரிய கோயிலில் 1,000 பேர் நடனம் ஆடிய நாட்டியாஞ்சலி நிகழ்ச்சியை கருணாநிதி தனி மேடையில் இருந்து ரசித்தபோதும் அவருக்குப் பக்கத்தில் ஸ்டாலினே இருந்தார். அப்போது வெளியிட்ட புத்தகத்தைக்கூட ஸ்டாலினே பெற்றுக்கொண்டார். 'தலைவர் இருக்கும் இடத்தில் தளபதி இருப்பார்' என்று கமென்ட் அடித்தார் அமைச்சர் ஒருவர். இதெல்லாம் நடந்து, தன் ஆதரவாளர் களை வருத்தத்தில் ஆழ்த்தும் என்று புரிந்தேதான் தஞ்சை விழாவையும் புறக்கணித்துவிட்டார் மு.க.அழகிரி என்று காரணம் சொல்லப்படுகிறது. ஐந்து நாட்கள் நடந்த தஞ்சை பெரிய கோயில் விழாவின் நிறைவு விழா வில் கருணாநிதி பேசினார். அவரோடு மத்திய அமைச்சர்கள் ஜி.கே.வாசன், நாராயணசாமி, பழனிமாணிக்கம், ஆ.ராசா ஆகியோரும் மேடை யில் இருந்தனர். ''வரலாற்றில் மைல் கல்லாக இருக்கும் தஞ்சை பெரிய கோயில் விழாவில் பங்கெடுக்க அண்ணனுக்கு முக்கியத்துவமே கொடுக்கவில்லை. தமிழகத்தைச் சேர்ந்த நான்கு மத்திய அமைச்சர்களை மேடை ஏற்றியவர்கள் மத்திய அமைச்சரான அண்ணனை எப்படியாவது அழைத்து வந்து கௌரவப்படுத்த மறந்தது ஏன்? திட்டமிட்டே அவரை மறக்கடிக்க வேண்டும் என்று செய்யப்பட்ட விஷயங்கள்தான் தஞ்சையில் அரங்கேறி இருக்கின்றன. விழாவுக்கு வெறுமனே பார்வையாளராக வந்துபோக, அவர் ஒன்றும் சாதாரண நபர் அல்ல. தேர்தல் வேலைக்கு மட்டும் பயன்படுத்தும் கறிவேப்பிலையாக அவரை இனியும் பயன்படுத்த முடியாது!'' என்கிறார்கள் அழகிரிக்கு நெருக்கமானவர்கள்.

இப்படி ஓர் இறுக்கமான சூழ்நிலையில் நடந்த கூட்டத்தில், ஸ்டாலினுக்குத் தரப்பட்ட முக்கியத் துவமும், கருணாநிதி தனது பேச்சில் கொடுத்த மரியாதையும், 'ஸ்டாலினுக்கு பட்டாபிஷேகத்தை விரைவில் நடத்துவற்கான முன்னறிவிப்பாகவே தென்பட்டது' என்கிறார்கள் உள் விஷயங்கள் அறிந்தவர்கள்!

''சோழ சாம்ராஜ்யத்தில் ராஜராஜனின் நிர்வாகத் திறமை எல்லா மன்னர்களுக்கும் ஓர் உதாரணமாக விளங்கியது. அவனது சாம்ராஜ்யத்தின் எல்லாப் பகுதிகளிலும் காவல் படைகள். சிங்கம்போல் சுற்றி வருவதற்கு மகன் ராஜேந்திரன் காரணமாக இருந்தான். நம்பிக்கையான அரசியல் அறிவு கொண்டவனாக விளங்கினான்!'' என்று கருணாநிதி பேசினார். அவர் பேச்சுக்கு உடன்பிறப்புகள் வேறு அர்த்தம் கற்பிக்கிறார்கள். ராஜராஜ சோழனாக கருணாநிதியையும், ராஜேந்திர சோழனாக ஸ்டாலினையும்தான் அவர்கள் பார்க்கிறார்கள்.

''எப்படி ராஜராஜ சோழனின் ராஜ்யத்தை ராஜேந்திர சோழன் காவல் காத்தானோ, அதேபோல, கட்சி என்கிற படையை நடத்திப்போகும் தளபதியாக துணை முதல்வர் விளங்குகிறார். அதைத்தான் தலைவர் கோடிட்டுக் காட்டி இருக்கிறார்!'' என்கிறார்கள்.

''ராஜராஜன் செல்லாத பகுதிகள் இல்லை, வெல்லாத மன்னர்கள் இல்லை. அப்படிப்பட்டவன் அமைதியின் உருவமாகவும், எல்லோருக்கும் நல்லவனாகவும், எல்லோரையும் சமமாகக் கருதுபவனாகவும் விளங்கி னான்!'' என்று கருணாநிதி சொன்ன வார்த்தைகளும் ஸ்டாலின் குறித்து அழகிரியின் ஆதரவாளர்களுக்குத் தெரிவிக்க விரும்பியவையே என்கிறார்கள்.

ஆனால், சீனியர் தலைவர் ஒருவரோ, ''அழகிரியையும் ஸ்டாலினையும் தலைவர் சமமாகவே கருதுகிறார். யாரையும் அவர் குறைத்து மதிப்பிடவில்லை. ராஜராஜ சோழனின் கம்பீரத்தோடு தான் இருப்பதை மட்டுமே யாருக்கோ அவர் சுட்டிக்காட்டி இருக்கிறார்!'' என்று சொன்னார்.

தஞ்சை விழாவில் கருணாநிதி ஆற்றிய நிறைவு உரையின் இறுதிப் பகுதிதான் அர்த்தபுஷ்டியோடு இருந்தது. ''ராஜராஜ சோழனின் மகன் ராஜேந்திரன் 1012--ல் பட்டம் சூட்டினான். தந்தையும், மகனு மாக சிறப்பாக ஆட்சி செய்தது வரலாற்றுச் சிறப்புமிக்கது. தந்தைக்குத் துணையாக நின்று வெற்றிகளைக் குவித்தான். அந்த ராஜேந்திரனையும், அவரது தந்தை ராஜராஜ சோழனையும் பெற்ற இந்த தஞ்சை தரணியில் அவர்களுக்கு விழா எடுப்பது நம்மை நாமே பெருமைப் படுத்திக்கொள்ளும் விழா!'' என்று தனது உரையை முடித்தார் முதல்வர்.

''தந்தைக்குத் துணையாக வெற்றிகளைக் குவித்தான்' என்ற வார்த்தையிலேயே 'துணை' என்கிற வார்த்தை தளபதியைத்தான் குறிக்கும். சென்னையில் பெரம்பூர் மேம்பாலம் திறப்பு விழாவில்கூட தலைவர் பேசும்போது 'எனக்கு எல்லா வகையிலும் துணையாக இருப்பார் என்பதால்தான் அவரை துணை முதல்வர் ஆக்கி இருக்கிறோம்' என்றார். ராஜராஜ சோழனுக்குப் பிறகு அவரது மகன் அரியணையில் ஏறியதுபோது தளபதியும் அரியணையில் அமர்வார் என்பதை யாருக்கோ புரிய வைத்து இருக்கிறார் தலைவர்!'' என்கிறார்கள்.

கருணாநிதி மட்டுமல்ல... அழகிரியின் ஆதரவாளராகக் காட்டிக்கொண்ட அமைச்சர் துரைமுருகன் இப்போது ஸ்டாலின் விசுவாசியாக மாறிவிட்டார். சீனியரான அவரே விழாவில், ''ராஜேந்திர சோழன் உருவில் ஸ்டா லினைப் பார்க்கிறேன்!'' என்று முன்கூட்டி பொழிப்புரை கொடுத்தார்.

''ராஜராஜ சோழனின் அண்ணன் ஆதித்த கரிகாலன், மன்னரைவிட அதிகாரம் பெற்றவர்களால் கொல்லப்பட்டான். அவனுக்குப் பிறகு ராஜராஜ சோழன்தான் ஆட்சியில் அமர வேண்டும். ஆனால், அவனுடைய சித்தப்பா உத்தம சோழன் ஆட்சி செய்ய ஆசைப்பட்டார். ராஜராஜ சோழனும் பதவியை விட்டுக்கொடுத்துவிட்டு அந்த ஆட்சி முறையைப் பற்றியும் ஆட்சியின் நுணுக்கங்களையும் பார்த்து தேர்ச்சி பெற்றான். 15 ஆண்டுகள் கழித்துதான் ராஜராஜ சோழன் ஆட்சியில் அமர்ந்தான். அதனால், இப்போது யார் பதவிக்கு வர ஆசைப்பட்டாலும் அதற்காக தகுதிகளை வளர்த்துக்கொள்ள வேண்டும்!'' என்று ஆய்வரங்கத்தில் பேராசிரியர் அன்பழகன் வைத்த கருத்துகளும் யாரையோ மையப்படுத்தித்தான் வைக்கப் பட்டதோ?

அதன் பிறகு கனிமொழி பேசும்போது, ''தகுதி உடையவர்கள் எந்த சாதியாக இருந்தாலும், அவர் கள் நிச்சயம் பதவிக்கு வரலாம். யோக்யதாம்சம் பொருந்தியவர்கள்தான் பதவிக்கு வர முடியும் என்று ராஜராஜ சோழனின் கல்வெட்டுகள் சொல்கின்றன!'' என்று குறிப்பிட்டதும் கவனிக்கப்பட்டது! அழகிரி யின் உரசல்களுக்குத் தொடர்ந்து சமாதான முயற்சிகள் நடந்து கொண்டே இருந்தனவாம். தஞ்சை விழாவுக்கு வரச் சொல்லி கருணாநிதியே அழகிரியிடம் கேட்டுக்கொண்டாராம். ஆனால், பிடிகொடுக்காமல் இருந்தார் அழகிரி. தஞ்சையில் சங்கம் ஹோட்டலில் தங்கி இருந்தபோது, சீனியர்கள் சிலரிடம் சற்றே கோபமும் கலந்து சில விஷயங்களை கருணாநிதி பகிர்ந்துகொண்டதாகப் பேச்சு இருக்கிறது. ''இன்னும் எத்தனை காலத்துக்குதான் அழகிரியை நான் சமாதானப்படுத்திக்கொண்டு இருக்க முடியும்? அரசியலில் அழகிரியின் வளர்ச்சிக்காக செய்ய வேண்டிய விஷயங்களில் நான் எதைச் செய்யவில்லை? கட்சிக்கு என்று கட்டுப்பாடு இருக்கிறதே... அதைக் காப்பாற்ற வேண்டாமா?'' என்றாராம் முதல்வர்.

மூத்தவர் மீதான இந்த கோபம் இளையவருக்கு லாபமாகும் நாள் வெகுதொலைவில் இல்லை என்கிறார்கள் தஞ்சை விழாவை நன்கு கவனித்தவர்கள். அதேசமயம், ''தெற்கே பலமிக்க அழகிரியைக் கோபப்படுத்தும் நேரமா இது? திட்டமிட்டு அழகிரிக்கு எதிராக காய் நகர்த்தும் சிலர் ஜெயிக்கும்படி முதல்வர் இருந்துவிடக் கூடாது! இல்லையேல், ஆட்சிக்கு வந்த இந்த நாலரை வருடங்களில் திட்டம்போட்டு தி.மு.க. குவித்த வெற்றிகளுக்கு க்ளைமாக்ஸில் அர்த்தமில்லாமல் போய்விடும்!'' என்பதும் இவர்கள் கருத்து!

தடையை மீறி ராமநாதபுரம் விசிட்:
தொண்டனுக்கு தோள் கொடுத்த அழகிரி!

தி.மு.க. தலைமை மீது கொண்ட கோபத்தால் நாகர்கோவில் முப்பெரும் விழா புறக்கணிப்பு, தஞ்சை ராசராசசோழன் விழா புறக்கணிப்பு என தொடர்ந்து தி.மு.க. தலைமைக்கு அதிர்ச்சி கொடுத்துக் கொண்டிருக்கும் மத்திய அமைச்சர் அழகிரி... தொண்டர்களுக்கோ இன்ப அதிர்ச்சி கொடுத்து வருகிறார்.

ராமநாதபுரம் எம்.ஏ.சேக் ஆரம்ப காலம் தொட்டு மு.க.அழகிரியின் தீவிர விசுவாசி. அழகிரியின் ஆதரவாளராக அடையாளம் காட்டப்பட்டதாலேயே அமைச்சரும், மாவட்டச் செயலாளருமான ‘சூப்பாத்தா’வின் (லோக்கல் உடன்பிறப்புகள் சுப.தங்கவேலனுக்கு வைத்த செல்லப் பெயர் இது) அக்கினி பார்வைக்கு ஆளானார் எம்.ஏ.சேக். அதனாலேயே, இன்று வரைக்கும் தி.மு.க.வில் பதவி ஏதும் இல்லாமல், கரை வேஷ்டி கட்டிய தி.மு.க. தொண்டனாக மட்டும் வலம் வந்து கொண்டிருக்கிறார். ஆனால் எந்தச் சூழ்நிலையிலும் ‘அழகிரி ஆதரவாளர்’ என்ற முத்திரையை மட்டும் எம்.ஏ. சேக் இழக்க விரும்பியது கிடையாது.

இந்த நிலையில்... தனது மகள் கதீஜாவின் திருமணத்துக்கு தேதி கேட்டு அழகிரியை சந்தித்தார் எம்.ஏ.சேக். செப். 26 அன்று ராமநாதபுரத்திற்கு வந்து எம்.ஏ.சேக்கின் மகள் திருமணத்தை நடத்தி வைப்பதாக வாக்குறுதி கொடுத்தார் அழகிரி. ஆனால் சேக்குக்கு ஒரு கண்டிஷனையும் சேர்த்தே போட்டார் அழகிரி.

மாவட்டச் செயலாளரும், அமைச்சருமான சுப.தங்கவேலன் முதல் ராமநாதபுரம் மாவட்டத்திலுள்ள அனைத்து ஒன்றிய தி.மு.க. செயலாளர்களுக்கும் திருமண அழைப்பிதழை நேரில் போய் கொடுத்து அழைக்க வேண்டும் என்பதுதான் அழகிரி போட்ட கட்டளை. அழகிரியின் வாக்கை வேதவாக்காக எடுத்துக் கொண்ட எம்.ஏ.சேக்கும், சுப.தங்கவேலன், ரித்தீஷ் எம்.பி. மற்றும் அனைத்து ஒன்றிய செயலாளர்களையும், ‘அழகிரி அண்ணன் தலைமையில் நடக்கும் திருமணத்துக்கு அவசியம் வரணும்’ என்று நேரில் போய் சந்தித்துச் சொல்லி பத்திரிகை வைத்து அழைத்தார்.

ஆனால் சுப.தங்கவேலனோ, மாவட்டத்திலுள்ள அனைத்து நிர்வாகிகளையும் தொடர்பு கொண்டு, ‘மாவட்டக் கழகத்தின் ஒப்புதலைப் பெறாமல் சேக் வீட்டு திருமணத்துக்கு வருகிறார் மு.க.அழகிரி. எனவே அழகிரியே திருமணத்துக்கு வந்தாலும் அந்த திருமண மண்டப பக்கம் யாரும் தலையைக் காட்ட வேண்டாம் என ‘ரெட் சிக்னல்’ போட்டு விட்டாராம்.

தஞ்சை பெரியகோயில் விழாவைக் காரணம் காட்டி அமைச்சர் சுப.தங்கவேலனும், அவரது பேரனும் எம்.பி.யுமான ரித்தீஷும் நைஸாக கழன்று கொண்டனர்.

இந்த பரபரப்பான நிலையில்... செப். 26-ம் தேதி அழகிரி திருமணத்துக்கு வருவாரா வரமாட்டாரா என்று உடன்பிறப்புகள் பெட் கட்டி கொண்டிருக்க... நிக்காஹ் நேரமான காலை 11 மணிக்கு மண்டபத்தில் பிரசன்னமானார் அழகிரி. சுப.தங்கவேலனின் கட்டளைப்படி அனைத்து மாவட்ட கழக நிர்வாகிகளும் திருமணத்திற்கு ‘ஆப்சென்ட்’ ஆகிவிட... இறுக்கமான முகத்துடன் மண்டபத்துக்குள் நுழைந்தவுடனேயே தன் பக்கத்தில் அமர்ந்திருந்த சீனியரான காதர்பாட்சா என்ற வெள்ளைச்சாமி தேவரிடம், ‘‘சூப்பாத்தா தஞ் சாவூரை காரணம் காட்டி தப்பிச்சுக்கிட்டாரா?’ என கமென்ட் அடிக்க... பக்கத்தில் இருந்த முருகவேல் எம்.எல்.ஏ., முன்னாள் அமைச்சர் சத்தியமூர்த்தி, முன்னாள் எம்.பி.க்கள் பவானி, எம்.ஏ.காதர் ஆகியோர் அழகிரியின் வெளிப்படையான பேச்சைக் கேட்டு சிரித்துவிட்டனர்.

மதுரையில் இருந்து அழகிரியோடு வந்த உடன்பிறப்புகள் சிலரிடம் பேசினோம்.

‘‘அழகிரி அண்ணனைப் பார்க்க வேண்டாம் என்று மாவட்ட தி.மு.க. நிர்வாகிகளுக்கு ‘சூப்பாத்தா’ கட்டளை போட்டாலும்... அண்ணன் கோபித்து கொள்வார் என்பதற்கு பயந்து, பரமக்குடி யூனியன் அலுவலகம் முன்பாக தனது மகன்களான சுப.த. சம்பத், சுப.த. திவாகர் இரண்டு பேரையும் வரவேற்கச் சொல்லி நிறுத்தியிருந்தார். சூப்பாத்தாவின் மகன்களுடைய வரவேற்பு பற்றி தகவல் தெரிந்ததும் அண்ணன், தனது ரூட்டையே மாற்றி சிவகங்கை, நயினார்கோவில், ஆர்.எஸ்.மங்கலம் என பரமக்குடிக்குள் நுழையாமலேயே ராமநாதபுரத்துக்கு வந்துவிட்டார்.

அண்ணனைப் பொறுத்தவரை, தன்னை நம்பி இருப்பவர்களை எந்த சூழ்நிலையிலும் கைவிட மாட்டார் என்பதற்கு, இப்படிப்பட்ட இறுக்கமான தருணத்திலும் இங்கே வந்திருப்பதே சாட்சி’’ என்றார்கள்.

நாம் எம்.ஏ.சேக்கிடம் பேசினோம். ‘‘அழகிரி அண்ணன் மீண்டும் ஒருமுறை தொண்டர்களின் தோழன் என்பதை நிரூபித்துவிட்டார். எந்தப் பதவியிலும் இல்லாத எனக்கு இதைவிட கௌரவம் என்ன வேணும்?’’ என்று உணர்ச்சிவசப்பட்டவர், ‘‘தி.மு.க.வுக்குள் ஆயிரம் சலசலப்புகள் மையம் கொண்டாலும், நாங்களெல்லாம் என்னைக்கும் அண்ணன் பக்கம்தான்’’ என்றார் ஆணித்தரமாக,

‘அண்ணன்... அண்ணன்’ என்று அழகிரியை தொண்டர்கள் தூக்கிக் கொண்டாடுவதற்கான ரகசியம் இப்போதாவது தலைமைக்கு புரிந்திருக்குமே!

Sibling rivalry worries DMK ahead of elections TIMES NEWS NETWORK New Delhi/Chennai: Amidst speculation of a growing rift between Union minister for chemicals and fertilizers M K Alagiri and his younger brother and Tamil Nadu deputy chief minister M K Stalin,the two along with Union ministers A Raja and Dayanidhi Maran took the same evening flight from New Delhi to Chennai. Having gone to New Delhi on Thursday morning in separate flights,the siblings seemed to be putting up a show of unity before the PM in their family. This,however,is unlikely to nip the speculation about a widening rift in the DMKs first family between Karunanidhi and elder son Alagiri,and between Alagiri and Stalin.The feud is an ongoing phenomenon but with assembly elections round the corner,it is causing concern like never before for the party leadership. What worries the DMK top brass is whether Alagiri would revolt on the eve of Assembly polls due in May 2011 as he had done in 2001,thereby playing spoilsport in about 70 assembly segments in the southern districts if his choice of candidates is not approved by the party top brass,which also includes Stalin. A senior journalist said,During 2001 assembly elections,he had not yet tasted success in electoral politics.  Having tasted that in the Tirumangalam and Tiruchendur assembly byelections and the last parliament elections,it is quite unlikely that he will put a spanner in the DMK works now.He also knows that his high stakes will be at risk if he chooses to start an open rebellion during the assembly polls.Also,the leadership will not totally reject the list of candidates recommended by him. While the prominent faces among Alagiri loyalists would be accommodated,Karunanidhi is likely to give some seats to Stalin supporters as well,thereby seeking to strike a balance.To prove once again that he is the boss of the south,Alagiri may bury the hatchet and work for everybodys success. WAR ON WALLS: Posters hailing AIADMK chief Jayalalithaa as a world leader and Union minister and DMK leader M K Alagiri for his contribution to peoples welfare are common in Madurai

‘‘நேரு குடும்பத்தை போல கலைஞர் குடும்பம் ஆளக்கூடாதா?’’
கேட்கிறார் வெற்றிக்கொண்டான் 

கருத்துக்களோடு கொஞ்சம் இரட்டை அர்த்தம் வரும் வார்த்தைகளையும் கலந்து பேசி, எதிரே அமர்ந்திருப்பவர்களை சிரிக்க வைத்து சிந்திக்க வைப்பார் தி.மு.க.வின் ஸ்டார் பேச்சாளர் வெற்றிக்கொண்டான். உடல்நலம் குன்றியிருந்த அவர், சமீப காலமாக கூட்டங்களை தவிர்த்து வந்தார்.

அக். 25-ம் தேதி சென்னை, மதுரவாயலில் ‘கலைஞர் அரசின் சாதனை விளக்கப் பொதுக்கூட்டம்’ என்ற பெயரில், தி.மு.க.வினர் ஏற்பாடு செய்திருந்த கூட்டத்துக்கு வந்திருந்தார் நெடு நாளைக்குப் பிறகு வெற்றிக்கொண்டான்.

இரவு எட்டரை மணிக்கு மைக் பிடித்த 75 வயது வெற்றிக்-கொண்டான், கிட்டத்தட்ட ஒரு மணிநேரம் சிரிக்க வைக்கும் பேச்சுக்களால் கூட்டத்தை தன் கட்டுப்பாட்டுக்குள் வைத்திருந்தார். சரவெடியாக வெடித்த அவருடைய பேச்சில் நிறைய ஆக்கிரமித்திருந்தவர் ஜெயலலிதா. 

இனி அவருடைய வார்த்தை விளையாட்டு...

‘‘உலகமே அழிஞ்சாலும் அழியுமே தவிர, தி.மு.க.வின் கடைசித் தொண்டன் இருக்கிறவரை ஜெயலலிதாவை முதல்வர் நாற்காலியில் உட்காரவிட மாட்டோம். அதுக்காக எதுவும் செய்வோம். சோனியா காந்தியப் பத்தி பேசுறியே, அந்தம்மா என்ன செஞ்சிருக்கு? தன்னைத் தேடி வந்த பிரதமர் பதவியே வேணாம்னு சொல்லி, கட்சியின் மூத்த தலைவர் மன்மோகன் சிங்குகிட்ட பதவியை ஒப்படைச்சிருக்கு. ஆனா, நீ அத மாதிரி விட்டுக் கொடுப்பியா?

அதுனால நாங்க என்ன சொல்றோம்னா, நீ எங்க பொறந்தியோ அங்கயே போய்டு. உடனே, நீ திருப்பிக் கேப்ப... ‘உங்க தலைவர் அதே மாதிரி முதல்வர் பதவிய விட்டுக் கொடுப்பாரா?’ன்னு. ஏன் விட்டுக் கொடுக்க மாட்டாரு. அவர் ஆள்வாரு. அவருக்கு பின்னால தம்பி ஸ்டாலினுக்கு விட்டுக் கொடுப்பாரு. ஸ்டாலினுக்கு பின்னாடி அவுங்க பிள்ளைங்க ஆட்சிக்கு வருவாங்க. 

அதுக்காக ‘குடும்ப ஆட்சி’ன்னு வேணும்னாலும் நீ சொல்லிட்டுப் போ. அதுப்பத்தியெல்லாம் நாங்க கவலைப்படப் போறதில்லை. சாதனை மேல சாதனைகளை செஞ்சிட்டு, நாங்க அடுத்த வூட்டுக்காரன்கிட்டயா ஆட்சிய கொடுத்துட்டுப் போவோம்? எங்க பிள்ளைகள்கிட்டதான் ஆட்சியைக் கொடுத்துட்டுப் போவோம். 

இந்தியாவை நேரு குடும்பம்தான் ஆளுது. அதப்-போல தமிழகத்தை எங்க கலைஞர் குடும்பம் ஆளக்-கூடாதா?

தன் வீட்டயே மருத்துவ-மனைக்காக எடுத்துக்கன்னு சொல்லி எந்தத் தலைவன் கொடுப்பான்? மகாத்மா காந்தி குடியிருந்த சபர்மதி ஆஸ்ரமத்தை மக்களுக்கு கொடுத்தாங்களா? பண்டித நேரு குடியிருந்த வீட்டை கொடுத்தாங்களா? கலைஞர் தான்யா கொடுத்திருக்காரு.

பார்லிமென்ட் எலக்ஷன்ல நம்ம கூட்டணில இருந்த கம்யூனிஸ்ட்காரன், ராமதாஸ் எல்லாரும் அங்க போனானுவ. 7& க்கு 7&ம் இல்லாமல் போனாரு ராமதாஸ். உள்ளதும் போச்சுடாங்கற நிலைமை கம்யூனிஸ்ட்காரனுக்கு. அந்தம்மாவோட சேர்ந்து கோபால்சாமி கட்சிக்கே அங்கீகாரம் போச்சு. இனி, பம்பரத்தை எங்க விடுவார்னு பார்ப்போம்!’’ என்று கேலியும் கிண்டலுமாய் கூட்டத்தை கிளுகிளுக்க வைத்தார் வெற்றிகொண்டான்.

‘‘வள்ளுவர் வழியில் இயங்குகிறது!’’
தணிக்கைத் துறைக்கு கலைஞர் பாராட்டு

தலைப்பைப் படித்து குழம்பாதீர்கள். முழுதாய் படியுங்கள்!

டெல்லியில் உள்ள மத்திய கணக்குத் துறை அதிகாரியின் ஸ்பெக்ட்ரம் அறிக்கை புயலைக் கிளப்பி ஆ.ராசாவின் மத்திய அமைச்சர் பதவியையே பறித்துவிட்ட நிலையில்... இப்படியெல்லாம் நடக்கும் என்று தெரியாமல், நவம்பர் 16&ம் தேதி சென்னை நந்தனத்தில் உள்ள மத்திய தணிக்கை கட்டுப்பாடு அமைப்பின் 150&வது ஆண்டு விழாவில் கலந்துகொள்ள தேதி கொடுத்திருந்தார் முதல்வர் கலைஞர். 

ஆனால் அரசியல் சூழலால் இடைப்-பட்ட நாட்களில்... ‘கணக்குத் தணிக்கை அதிகாரி யார் மீது வேண்டுமானாலும் குறை சொல்லலாம். ஆனால், அதுவே இறுதி தீர்ப்பு அல்ல’ என்று அத்துறையின் மீது காட்டம் காட்டியிருந்தார் கலைஞர். தி.மு.க.விற்கு தேசிய அளவில் சங்கடம் ஏற்படுவதற்குக் காரணமான இத்துறையின் விழாவில் கலைஞர் பங்கேற்பாரா என்று அந்த அலுவலகத்தில் பட்டிமன்றமே நடந்தது.

விழாவுக்குச் செல்ல அவர் மனம் ஒப்பவில்லை. எனினும், ஒப்புதல் கொடுத்தபிறகு ஒரு மாநில முதல்வராக இருந்து நிகழ்ச்சிக்கு செல்ல-வில்லையென்றால்... எதிர்க்கட்சிகளின் விமர்சனத்துக்கு ஆளாக வேண்டியிருக்குமே என்பதால், தான் மாமல்லபுரத்துக்கு புறப்பட்டுவிட்டு... தனக்கு பதில் துணை முதல்வர் ஸ்டாலினை அனுப்பி வைத்தார் கலைஞர். மாநில அரசு சார்பாக கண்டிப்பாக ஒருவராவது கலந்து கொள்ள வேண்டும் என்ற அரசு அதிகாரிகளின் நிர்ப்பந்தமும் ஒரு காரணம் என்கிறார்கள்.

விழாவில் கலந்துகொண்ட துணை முதல்வர் ஸ்டாலினும் தன் பேச்சில் கலைஞர் அனுப்பிய அறிக்கையையே படித்தார். ராசா ராஜினாமாவுக்கு முன்பு தயாரிக்கப்பட்ட அந்த அறிக்கையை மாற்ற மறந்ததின் விளைவு, மத்திய அரசு மட்டுமல்ல தன் அரசையே சுயமாக குற்றம்சாட்டிக் கொள்ளும் அறிக்கையாக மாறியிருந்ததுதான் வேடிக்கை.

அந்தப் பேச்சு இதோ...

‘‘நாடொறும் நாடி முறைசெய்யா மன்னவன் 

நாடொறும் நாடு கெடும். 

(ஆட்சியினால் விளையும் நன்மை தீமைகளை நாள்தோறும் ஆராய்ந்து அவற்றுக்குத் தக்கவாறு நடந்து கொள்ளாத அரசு அமைந்த நாடு சீர்குலைந்து போய்விடும்) 

என்ற அய்யன் திருவள்ளுவர் வாக்கிற்கு இணங்க, எந்த ஆட்சியாளரும் தவறுகளைக் கண்டறிந்து அவற்றை கலைந்தால்தான் அந்த ஆட்சி சிறப்பான ஆட்சியாக இருக்கும். 

இந்தியாவைப் போன்ற ஜனநாயக முறை ஆட்சியில் தவறுகள் நடக்காமல் கண்காணிக்க ஒரு அமைப்பு தேவை. அய்யன் திருவள்ளுவரின் கூற்றுக்கு ஏற்ப கணக்குத் தணிக்கை அமைப்பின் கொள்கை அமைந்திருப்பது குறித்து மகிழ்ச்சி அடைந்திருக்கிறேன். தவறுகளை விழிப்புடன் இருந்து சுட்டிக்காட்டுவது கணக்குத் தணிக்கை துறையினரால் சிறப்பாக மேற்கொள்ளப்பட்டு வருகிறது. எனினும், தணிக்கை குழுவின் விமர்சனங்கள் நியாயமாகவும், நடுநிலையுடனும் எப்போதும் இருக்க வேண்டும்’’ என்று கலைஞரின் உரையை முடித்தார் துணை முதல்வர்.

ராசா பதவி பறிப்பதற்கு முன்னர் முதல்வர் இந்த உரையை தயார் செய்திருந்தாலும், இப்போதும் அது சரிதானே?