கவுன்சிலர்களின் கட்டப்பஞ்சா யத்துகள் சென்னைக்குள் கட்டுக்கடங் காமல் தலைவிரித்தாடுகின்றன. இந்த நிலை தொ டர்ந்தால், எதிர்வரும் சட்டமன்றத் தேர்தலில் தி.மு.க.வுக்கு பாதகமாக முடியும் என்கிற தகவல்கள் பரவிக் கிடக்கின்றது. இந்த நிலையில், சென்னை மாநகர மேயரும் தி.மு.க. இளைஞரணி யின் மாநில துணைப் பொதுச்செயலாளர்களில் ஒருவருமான மா.சுப்ரமணியனை சந்தித்தோம்...
தி.மு.க. கவுன்சிலர்கள் பலரின் கட்டப் பஞ்சாயத்துகளால் தி.மு.க. ஆட்சிக்கு கெட்ட பெயர் ஏற்பட்டுக்கொண்டிருக்கிறதே?
கவுன்சிலர்கள் சிலரின் போக்குகள் ஆரோக்கியமாக இல்லை என்பது உண்மைதான். ஆனால், இதுபற்றி நிறைய புகார்கள் வந்ததை யடுத்து கவுன்சிலர்கள் அனைவரையும் அழைத்து கடுமையாகக் கண்டித்தார் தலைவர் கலைஞர். இந்த கண்டிப்புக்குப் பிறகு கவுன்சிலர்கள் தங்களைத் திருத்திக்கொண்டார்கள். தவறு செய்வதில்லை. அதேசமயம், துணை முதல்வரும் (மு.க.ஸ்டாலின்) கவுன்சிலர்களை உன்னிப்பாகக் கவனித்து வருவதால் அவர்கள் தவறு செய்ய நினைப்பது கிடையாது. ஆக, கவுன்சிலர்கள் கட்டப்பஞ்சாயத்துகளில் ஈடுபடுவதில்லை என்பதுதான் இப்போதைய நிலை. அதனால், அவர்களால் ஆட்சிக்கு கெட்ட பெயர் என்பது தற்போது இல்லை
எந்த சமயத்தில் யார், எதற்குத் தாக்குவார்கள் என்றே தெரியாது. அப்படித் தாக்கினால் காவல்துறையிடமும் அரசிடமும் முறையிடவேண்டியதுதானே என்று அப்பாவிகள் கேட்கலாம். கொண்டவனே கொல்ல நினைத்தால் வந்தவள் கதியென்ன? பத்திரிகையாளர் தாக்கப்பட்ட முக்கால்வாசி சம்பவங்களில் குற்ற-வாளிகளே காவல்துறையாக இருந்து தொலைக்கிறது அல்லது காவல்துறை கைகட்டி சேவகம் செய்யும் தங்களுடைய ‘முதலாளிகள்’ செய்யும் அத்துமீறல்களை ஆனந்தமாக வேடிக்கை பார்த்துத் தங்கள் விசுவாச வாலை ஆட்டி மகிழ்கிறார்கள். சமீபத்தில் நடந்த சில பத்திரிகையாளர்கள் மீதான தாக்குதல் நிகழ்ச்சிகளைப் பாருங்கள்.
