கோயமுத்தூர் பிஷப் Rt.Rev.மாணிக்கம் துரை அவர்கள்மீது ஏராளமான வழக்குகள், பல நீதிமன்றங்களில் நடந்துக்கொண்டிருக்கிறது.

அதில் நீலகிரி மாவட்டம் கூடலூரில் உள்ள நடுவட்டம் என்ற இடத்திலுள்ள குருவானவர்Rev.கவிராஜ் என்பவர் தன்னை பிஷப்.துரை அவர்கள் கொலைமிரட்டல் விடுத்தாக புகார் தெரிவித்திருந்தார்.

சம்பவத்தின் காரணம்: கிறிஸ்டியன் வெல்ஃபேர் அசோசியேஷன் சார்பில் சபை மக்கள் பிஷப்Rt.Rev.மாணிக்கம் துரை அவர்கள் டையோசிஸ் அறக்கட்டளை பணத்தில் மோசடி செய்ததாக புகார் அளித்து, பிஷப் அவர்களை கண்டித்து கூடலூரில் உண்ணாவிரதம் இருந்தனர். இந்த உண்ணாவிரதத்தில்நடுவட்டம் CSI சபைகுருவானவர் Rev.கவிராஜ் அவர்களும் பங்கேற்றார். உண்ணாவிரத்துக்கு மறுநாள்பிஷப்.துரை அவர்கள் Rev.கவிராஜ் அவர்களை அழைத்து கண்டித்தார். அப்போது என்ன சம்பாஷனை நடந்தது என்பது தெரியாது அதன்பின் Rev.கவிராஜ் அவர்கள் பிஷப்.துரை தன்னை மிரட்டுகிறார் என்று போலீஸில் புகார் கொடுத்தார். அதைக்குறித்த வழக்கு கூடலூர் குற்றவியல் நடுவர் நீதிமன்றத்தில்நடக்கிறது. வழக்கு விசாரணைக்கு நேரில் ஆஜராகுமாறு பிஷப்.துரை அவர்களுக்கு மூன்றுமுறை கோர்ட் சம்மன் அனுப்பியும் பிஷப் ஆஜராகவில்லை. இதை தொடர்ந்து பிஷப்.துரையை கைது செய்ய பிடிவாரண்ட் உத்தரவு பிறப்பிக்கப்பட்டது.

கூடலூர் போலீஸ் அதிகாரி SI பசவராஜ் தலைமையில் போலீஸார் சனிக்கிழமை கோயமுத்தூர்பிஷப்.துரை அவர்களின் வீட்டுக்குசென்று கைது செய்து கூடலூர் நீதிமன்றத்துக்கு அழைத்து சென்றனர். ஆனால் அங்கு நீதிபதி அவர்கள் விடுமுறையில் சென்றுவிட்டார் என்று அறிந்து பிஷப் அவர்களை ஊட்டியில் உள்ள நீதிமன்றத்துக்கு அழைத்து வந்தனர். ஆனால் அங்கும் நீதிமன்றம் கோடைகால விடுமுறையால் மூடப்பட்டிருந்தது. ஆகவே ஒரு வழியாக விடுமுறையிலிருந்த நீதிபதி அவர்களின் வீட்டுக்கே பிஷப்பை அழைத்து சென்றனர். பிஷப் அவர்கள் நீதிபதியிடம் தன்னை ஜெயிலுக்கு அனுப்பவேண்டாம் எனக்கு நெஞ்சுவலி என்று அறிவித்தார். அதனால் ஊட்டியில் உள்ள அரசு மருத்துமனையில் போலீஸ் காவலுடன் பிஷப் அவர்கள் சேர்க்கப்பட்டிருக்கிறார்.

பிஷப்.துரை அவர்கள்மீது ஏற்கனவே CSI டையோசிஸ் பணம் மூன்று கோடிகளை கையாடல் செய்ததாகவும் பணத்தை முறைக்கேடாக பயன்படுத்தியதாகவும் உள்ள குற்றச்சாட்டை CBCIDஅதிகாரிகள் பிஷப் அவர்களை விசாரிக்க அவரை கைது செய்ய இருந்தனர். ஆனால் பிஷப் அவர்கள் தன்னை கைது செய்யக்கூடாது என்று கூறி முன்ஜாமீன் பெற்றார். அதன்பின் தினசரி காலை CBCIDஆபீஸில் கையெழுத்துபோட வந்துபோய்கொண்டிருந்தார்.

இந்த நிலையில் பிஷப்.Rt.Rev.மாணிக்கம் துரை அவர்களுக்கு பதில் கோயமுத்தூர் டையோசிஸ் பணிகளை நிறைவேற்ற திருச்சி-தஞ்சை CSI டையோசிஸ் பிஷப்.Rt.Rev.பால் வசந்தகுமார்அவர்களை தற்காலிக பிஷப்பாக செயல்பட CSI சினாட் நியமித்தது. இந்த நிலையில் பிஷப் அவர்களோடு பண ஊழல் செய்ததாக குற்றம் சாட்டப்பட்டவர்களான அமிர்தம், மனேசன் ஆகிய இருவரையும் CBCID போலீஸ் கைது செய்து சிறையில் அடைத்து விசாரித்து கொண்டிருக்கிறது. குற்றம் சாட்டப்பட்டவர்களில் சிலர் குற்றச்சாட்டை ஒப்புக்கொண்டு போலீஸ் அப்ரூவராகமாறிக்கொண்டிருக்கின்றனர் என்று அறியப்படுகிறது. அதில் CSI குருவானவர்களும் உண்டு. பிஷப்அவர்கள் எங்கள் மேல் அதிகாரியாவர், ஆகவே அவர் கூறியபடி நாங்கள் கீழ்படிந்தோம் என்று கூறிபிஷப்புக்கு எதிராக சாட்சி கூற போலீஸ் அப்ரூவராக அவர்கள் மாறிவிட்டனர். இதுபிஷப்.Rt.Rev.துரை அவர்களுக்கு பெரும் பின்னடைவாகும்.

இப்போது கோயமுத்தூர் டையோசிஸ்க்கு புது பிஷப் தெரிந்தெடுக்கப்படவேண்டும் என்று பலர்CSI சினாடுக்கு எழுதி அறிவித்துள்ளனர் என்று கூறுகிறார்கள். புதிய பிஷப் தெரிந்தெடுப்பதற்கான ஏற்பாடுகளும் நடைபெறுவதாக கேள்விப்படுகிறோம். பிஷப் மீதுள்ள வழக்கு நீண்டுபோகுமானால் CSIசினாட் கமிட்டியே ஒரு பிஷப்பை தாங்களே தெரிந்தெடுத்து கோயமுத்தூர் டையோசிஸ்க்காக நியமிக்கும் என்றும் கூறப்படுகிறது.

ஜாமக்காரன்: பிஷப் அவர்களைக்குறித்து நாம் இப்படி அறிவிப்பது வெறுப்பினாலோ, பகையினாலோ அல்ல. பிஷப் அவர்கள் கைது செய்யப்பட்டது நமக்கு சந்தோஷம் கொடுக்கும் செய்தியல்ல. CSIசபையின் தலைவன், நாடறியும் அவமானத்திற்குள்ளானதுதான் கர்த்தருக்கும், நமக்கும் மனவேதனையை கொடுக்கிறது.

பிஷப் அவர்களுக்கு தன்னை தற்பரிசோதனை செய்யவும், தன்னை சரிப்படுத்திக்கொள்ளவும், குறிப்பாக மனம் திரும்பவும் இது அவருக்கு தேவன் அனுமதித்த நல்ல சந்தர்ப்பம் ஆகும். இப்போது கூறும் இந்த ஆலோசனையை அவர் கவுரவப் பிரச்சனையாக கருதி அலட்சியப்படுத்தினால் பிஷப்அவர்களின் இருதயம் மீண்டும் முன்பைவிட கடினமாகிவிடும். வழக்கு இவருக்கு சாதகமாகி விடுதலை செய்யப்பட்டால் அவர் ஆத்துமா கர்த்தரைவிட்டு மிகதூரம் விலகிவிடும். அதன்பின் மீண்டும் பிஷப் தன் பதவியில் அமர்ந்தால் முன்பைவிட அவர் செயல்பாடுகள் மோசமாகி மீண்டும் பெரிய குற்றங்கள் புரியும் கடினமான நிலைக்கு தள்ளப்படுவார். பழிவாங்கும் சிந்தை மேலோங்கும் தவறுக்குமேல் தவறு செய்ய உந்தப்படுவார். அவர் ஆவிக்குரிய நிலை மிக மோசமாகிவிடும். துணிகர பாவம் செய்ய தெய்வபயம்அவர் இருதயத்திலிருந்து தானே நீங்கிப்போகும்.

ஆகவே பிஷப் அவர்கள் இப்போது செய்யவேண்டியது. கடைசிநேரத்தில் யார் எல்லாம் அப்ரூவராக மாறினார்கள் என்று அறிந்து, அவர்களின் செயலில் உண்மை உள்ளதா என்பதை பிஷப் அவர்கள் அறியவேண்டும். உண்மையான குற்றச்சாட்டுகளை கூச்சப்படாமல் சம்மதித்து பிஷப் அவர்கள் தன்னை சரிப்படுத்திக் கொள்ளவேண்டும். பணம் திருப்பி செலுத்த வேண்டியது உண்மைதான் என்றால் அதை திருப்பி செலுத்த தயங்கக்கூடாது. பிஷப் தன் பதவியை ஏற்றெடுக்கும்போது Chitfund கடனை அடைக்க முடியாத நிலையில் இருந்ததை நினைவு கூர்ந்து திருமண்டல பணப்பிரச்சனையை சரிப்படுத்திவிட்டால் அப்போதைய மனநிம்மதியையும், சமாதானத்தையும் பிஷப் அவர்கள் திரும்பப்பெறுவார். பாவத்தை மறைக்கிறவனுக்குதான் வாழ்வு இல்லை. ஆனால் அதை அறிக்கைசெய்து விட்டுவிட்டவனுக்கு தேவனுடைய கிருபைதானே அவன்மேல் வரும், அவன் குடும்பத்திலும் வந்துவிடும். நீதி 28:13.

தாவீது தன் தவறை உணர்ந்தபின் கர்த்தரின் கிருபை அவன்மேல் இறங்கி அவன் நிலையை கர்த்தர் எத்தனையாய் உயர்த்தினார். அவன் இழந்ததையெல்லாம் திரும்ப பெற்றுக்கொண்டான் என்று வேதம் கூறுகிறது. கர்த்தர் பிஷப்.துரை அவர்கள் பட்ட அவமானத்துக்கு ஈடாக வெற்றியையும், உயர்வையும், கௌரவத்தையும் தருவார். எந்த இடத்தில் அவமானப்படுத்தப்பட்டாரோ அதே இடத்தில் கனப்படுத்தப்படுவார். மேலும் பிஷப். துரை அவர்களை சுற்றியுள்ள துதிபாடிகளையெல்லாம் இனம்கண்டு அவர்களை அகற்றி சரியான ஆலோசனை கொடுக்கும், ஜெபிக்கும் உண்மையான நண்பர்களை கண்டுபிடித்து அவர்களை தன் பக்கத்தில் வைத்துக்கொள்ளவேண்டும்.

நானும் ஒரு ஊழியக்காரன் சேர்ந்தவன் என்ற நிலையில், நானும் பிஷப்.துரை அவர்களின் கீழ் இயங்கும் கோயமுத்தூர் திருமண்டலத்தில் நான் பிறந்து வளர்ந்து திருமண்டலத்துக்காக பாரப்படுபவன், உண்மையாக ஜெபிப்பவன் என்ற நிலையில் இந்த ஆலோசனைகளை உரிமையோடு எழுதுகிறேன்.பிஷப்.துரை அவர்களுக்கு என்னை ஆரம்ப முதலே பிடிக்காது என்பதை அறிவேன். ஆனாலும் என் சொந்த திருச்சபையின் தலைமை பொறுப்பிலுள்ளவர் என்ற நிலையில் அவர் விரும்பினாலும், விரும்பாவிட்டாலும் அவருக்காக பாரத்துடன் ஜெபிப்பவன், ஜெபித்துக்கொண்டிருப்பவன் என்பதை என் கர்த்தருக்கு முன்பாக பாரத்துடன் அறிக்கையிட்டு இதை எழுதுகிறேன்.

கோவை திருமண்டல ஜாமக்காரன் வாசகர்களும் பிஷப்.துரை அவர்களுக்காக ஜெபியுங்கள்.

CSI மிஷன் ஆஸ்பத்திரிக்கு மருத்துவ கருவிகள் இறக்குமதி செய்ததில் முறைகேடு கண்டுபிடிக்கப்பட்டு சுங்கதுறைபிஷப்.தேவசகாயம் அவர்களை 5 லட்சம் ரூபாய் அபாரதமாக செலுத்தும்படி அறிவித்துள்ளது.

சென்னை பிஷப்.தேவசகாயம் அவர்களின் கட்டுப்பாட்டின்கீழ் உள்ளதுதான் சென்னையில் உள்ள CSI கல்யாணி ஆஸ்பத்திரியும்,ஆந்திர மாநிலத்தில் உள்ள நகரி என்ற ஊரில் உள்ள CSIஆஸ்பத்திரியுமாகும். இன்னும் சில இடத்தில் உள்ள CSI ஆஸ்பத்திரிகள் மெட்ராஸ் டையோசிஸ்க்கு உட்பட்டதாகும்.

ஏழைகளின் நலனுக்காக என்று வெளிநாட்டிலிருந்து பல தொண்டு நிறுவனங்கள் பல்வேறு ஆஸ்பத்திரி உபகரணங்களை இப்படிப்பட்ட மிஷன் ஆஸ்பத்திரிக்கு அனுப்புவது வழக்கம். அதன்படி World Medical Relief (WMR) என்ற அமெரிக்க நிறுவனம் நகரி என்ற ஊரில் உள்ளCSI ஆஸ்பத்திரிக்கு பல மருத்துவ கருவிகளை சில ஆண்டுகளுக்குமுன் கப்பலில் அனுப்பி வைத்தனர். இவற்றில் விலை உயர்ந்த பொருள்களான X-Ray, டயாலிசிஸ், ECG போன்ற கருவிகள், ஆப்ரேஷன் சம்பந்தமான பொருள்கள், சக்கர நாற்காலிகள், கட்டில்கள் மற்றும் முக்கிய உயிர் காக்கும் மருந்துகள் உட்பட பல பொருள்கள் அனுப்பியதாக அறியப்படுகிறது.

இதை பெற்றுக்கொள்ள இந்த பொருள்களின் மதிப்பை சுங்கதுறையிடம் அறிவிக்கவேண்டும். அப்படி அறிவித்ததில் பொருளின் மதிப்பை குறைத்துகாட்டி குறைந்த வரி மட்டும் செலுத்தும் வகையில் மதிப்பீட்டை குறைத்து காட்டியதாக குற்றச்சாட்டு எழுந்தது.

ஏற்கனவே நகரி CSI ஆஸ்பத்திரிக்கு வந்த பல பொருள்கள், உபகரணங்களை வெளி ஆஸ்பத்திரிக்கு கள்ளத்தனமாக விற்றதற்கான சில சாட்சிகளோடு சென்னை மேஜர்.விக்டர் அவர்கள்Laity Association of CSI என்ற கிறிஸ்தவ நலனுக்காக போராடும் சங்கத்தின் பொதுசெயலர் என்ற முறையில் மெட்ராஸ் டையோசிஸ்ஸிடமும், CSI சினாட் மாடரேட்டரிடமும் புகார் அளித்தும் நடவடிக்கை எதுவும் எடுக்கப்படவில்லை. இப்படிப்பட்ட நிலையில் CSI மிஷன் ஆஸ்பத்திரிக்கு உபகரணங்களை வாங்கும் விஷயத்தில் ஊழல் நடந்திருப்பதை வருவாய் புலனாய்வு துறையினர்அறிந்து விசாரணை நடத்தி குற்றம் நிரூபிக்கப்பட்டதால் சென்னை சுங்கதுறை கமிஷனர்.ராஜன்அவர்கள் நகரியில் உள்ள CSI மருத்துமனையின் நிர்வாகம் 1 கோடியே 34 லட்சத்தை அபராதமாக செலுத்தவேண்டும் என்றும் நகரி மிஷன் ஆஸ்பத்திரி பொறுப்பாளர் Dr.ராஜகுமாரி சுந்தர் அவர்களும், பிஷப்.தேவசகாயம் ஆகிய இருவருக்கும் தலா 5 லட்சம் ரூபாய் அபராதம் தனிப்பட்ட முறையில் செலுத்தவேண்டும் என்று தீர்ப்பளித்தது.

பிஷப்.தேவசகாயம் அவர்கள் பேரில் சுனாமி நிதி ஊழல் புகாரும் உண்டு என்று கேள்விப்படும் போது CSI சபைகளில் பண விஷயத்தில் இத்தனை பெரிய ஊழல் தொடர்கதையாக அமைந்துவிட்டது மிகுந்த வேதனையளிக்கிறது. சமீபத்தில்தான் CSI சினாட் முன்னாள் செயலாளர் Dr.திருமதி.பாலின்அவர்களையும், அவர் மகளையும் இன்னும் சிலரையும் கைது செய்து சிறையில் அடைத்தார்கள்.TVயில் பத்திரிக்கைகளில் அமெரிக்கா, பிரிட்டன் போன்ற நாடுகளின் பிரபல பத்திரிக்கைகளில் செய்தி வெளியிட்டபோது தென்னிந்திய திருச்சபை (CSI) விசுவாசிகளைப்பற்றி, சபை தலைவர்களைப்பற்றிஉலகம் என்ன நினைக்கும்? CSI அங்கத்தினர்கள் கண்ணீர்விட்டு ஜெபிப்போமா!

சமீபத்தில் புதிதாக தேர்ந்தெடுக்கப்பட்ட CSI மாடரேட்டரும்,கர்நாடகா(பெங்களுர்) பிஷப் Most Rev.S.வசந்தகுமார் அவர்களும் பண ஊழல் காரணமாக புகார் எழுந்துள்ளதால் பெங்களுர் நீதிமன்றம் பிஷப் அவர்களை விசாரிக்க போலீஸ்சுக்கு உத்தரவிட்டுள்ளது. போலீஸ் விசாரணையில் குற்றசாட்டில் உண்மையிருக்கிறது என்பதை அறிந்து கீழ்காணும் தண்டனை சட்டத்தில் பிஷப்மீது குற்றச்சாட்டு பதிவு செய்யப்பட்டுள்ளது.

1). IPC 406 (Criminal Breach of Trust), 
2). IPC 417, 420 Cheating
3). IPC 468 (Forgery for purpose of Cheating),
4). IPC 477 (Falsification of Accounts)

பெங்களுரில் மிகப் பிரசித்தி பெற்ற Hr. Secondary School - Bishop Cotton School ஆகும். இதில்பெண்களுக்கும், ஆண்களுக்கும் தனித்தனியான பிரம்மாண்ட கட்டிடத்தில் அகன்ற நிலத்தில் இந்த பள்ளிக்கூடம் அமைந்திருக்கிறது. இதில் பிள்ளைகளுக்கு படிக்க இடம் கிடைப்பது கடினம். இத்தனை சிறப்பு வாய்ந்த கல்வி நிலையத்துக்கு தனி Bபோர்டும், Trustம் உண்டு. இந்திய ராணுவத்தில் பணிபுரிந்த ஒருவர் இந்த கல்வி நிலையங்களை மிகச் சிறப்பாக நிர்வகித்து கர்நாடகா மாநிலத்திலேயே சிறந்த பள்ளியாக பெருமை கொள்ளும் வகையில் பள்ளிகளை உயர்த்தினார்.

2002ம் ஆண்டு முதலே பிஷப்பும், இப்போதைய CSI மாடரேட்டருமான Most Rev.வசந்தகுமார்அவர்கள் இந்த பள்ளிக்கூட விஷயங்களில் ஆளுமை செய்ய முயன்று பிரச்சனைகள் முற்றி பள்ளிக்கூட நிர்வாகியான முன்ளாள் ராணுவ அதிகாரி அவர்கள் தன் பொறுப்பை ராஜினாமா செய்துவிட்டார். அதன் காரணமாக பிஷப் அவர்கள் பொய்யான தஸ்தாவேஜிக்களை தயார் செய்தும், Boys - Girls High Schoolன் பணத்தை கொள்ளையடித்து பிஷப்பும், அவர் மனைவியும் இணைந்த ஒரு கணக்கை Residency Road Branch, Bangalore-ல் அமைந்துள்ள VIJAYA BANKல் அக்கவுண்ட் ஆரம்பித்து (A/C. No.6988) அதில் லட்சக்கணக்கான பணத்தை சேமித்து வைத்துள்ளது கண்டுபிடிக்கப்பட்டுள்ளது. CSIயின் பணம் பலவிதத்தில் 2002ம் ஆண்டு முதலே கொள்ளையடித்திருப்பது இப்போது கண்டுபிடிக்கப்பட்டுள்ளது.Bishop அக்கவுண்ட் நெம்பரான 118401010017030லும், பள்ளிக்கூடத்தின் பல லட்ச ரூபாய்களை இட்டுள்ளதாக கூறப்படுகிறது.

கர்நாடாகா CSI டையோசிஸ்க்கான (KCD) பேங்க் அக்கவுண்ட் நெம்பர்.5613303164 இது பெங்களுரில் State Bank of India, Saurashtra Mission Road Branch-ல் உள்ளது. இந்த கணக்கில் சேரவேண்டிய CSIயின் பணம் பிஷப்பின் சொந்த கணக்கில் சேர்ந்துள்ளதையும் கண்டுபிடித்துள்ளதாக அறியப்படுகிறது.

பல லட்சங்கள் பிஷப்பின் மகளின் பெயரில் உள்ள Credit Card-ல் சேர்த்த அதன் பில்கள் கண்டுபிடிக்கப்பட்டுள்ளன.

பெங்களுர் டையோசிஸ்ஸின் அனைத்து CSI பள்ளிகளின் தலைமை ஆசிரியர், தலைமை ஆசிரியைகளுக்கும் பள்ளியிலிருந்தும் பல லட்சங்களை தன் சொந்த பெயரில் உள்ள அக்கவுண்ட்க்கு மாற்றி ஏற்பாடு செய்யும்படி எழுதிய கடிதங்கள் போன்ற பல ஆதாரங்கள் போலீஸ் கையில் கிடைத்துள்ளன என்று கூறப்படுகிறது.

ஜாமக்காரன்: CSI சபைகளுக்கு தொடர்ந்து வந்துகொண்டிருக்கும் அவமானத்தை அறிந்தீர்களா? பல வருடங்களாக CSI மாடரேட்டரிலிருந்து, திருமண்டல பிஷப்மார்களில் பெரும்பான்மையோர் பெயரில் இப்படிப்பட்ட பணக்கொள்ளை, திருமண்டல சொத்துகொள்ளை, சபை காணிக்கை கொள்ளை, பள்ளிக்கூட பிள்ளைகளின் பணத்திலும் கொள்ளை இப்படி இது நீண்டு கொண்டேபோனால் CSIயின் நிலை என்ன ஆகும்? இவர்கள் எல்லாம் பதவி ஏற்றப்போது CSI டையோசிஸ்கள்மேல் இருந்த கடந்தகால களங்கம் இந்த புதிய தலைவர்களால் நீக்கப்படாதா என்ற எதிர்ப்பார்ப்பில் அவர்களை வாழ்த்தினோம், வரவேற்றோம். இவர்களுக்காக ஜெபித்தோம். ஆனால் இப்போது தலைகுனிகிறோம். CSIவிஷயத்தில் இன்னும் எத்தனை காலத்துக்கு தேவன் மௌனமாக இருப்பார் என்று தெரியவில்லை

சகோ.DGS.தினகரன் அவர்கள் உயிரோடு இருக்கும்போது பெரும் பணக்காரர்களின், தொழிலதிபர்களின் காணிக்கைகளை குறிவைத்து தொடங்கப்பட்டதுதான் தங்கச்சாவி திட்டமும், கிருபாசனபெட்டி திட்டமுமாகும். அதை கர்த்தர் அறிவித்ததாக அவர் அறிவித்த போது உடனே நான் அதைக்குறித்த விவரம் எழுதி இது கர்த்தர் அறிவித்ததல்ல என்பதையும், அமெரிக்காவிலுள்ள ஊதும் ஊழியர் பெனிஹின் அவர்கள் வியாபார திட்டத்தை அப்படியே காப்பியடித்தார். இதே திட்டத்தை ஏற்கனவே அவர் TVயில், பத்திரிக்கையில் அந்த திட்டத்தை அறிவித்ததின் ஆதாரமாக அவர் வெளியிட்ட புகைப்படங்களை ஜாமக்காரனில் வெளியிட்டேன். பலர் அதன்பிறகுதான் உண்மையை விளங்கிக்கொண்டு சகோ.DGS அவர்களிடம் தங்கச்சாவி வாங்காமலும், அதன்மூலம் தங்களை தீட்டுப்படுத்திக்கொள்ளாமலும் ஜாக்கிரதைப் படுத்திக்கொண்டனர். இப்போது பென்ஹினினுக்கும் இந்த வியாபாரத்தில் அவ்வளவு வசூல் ஆகவில்லை. இந்த வியாபாரம் தோல்வி என்பதை அறிந்து இப்போது அதைக்குறித்து அவர் TVயில் விளம்பரப்படுத்துவதை நிறுத்திவிட்டார்.

  ஆனால் இப்போது DGS.தினகரனின் மகன் தம்பி.பால்தினகரன் அந்த வியாபாரத்தைதொடங்கிவிட்டார். 2011 மார்ச் மாத நல்ல நண்பன் - இயேசு அழைக்கிறார் ஆகிய இவர்களின் பத்திரிக்கைகளில் (பக்கம்5) இந்த விளம்பரத்தை வெளியிட்டுள்ளார். ரூ.1,000,000 (1 லட்சம்) ரூபாய்காணிக்கை கொடுப்பவர்களுக்கு ஆசீர்வாத தங்கச்சாவி திறவுகோல் வழங்கப்படும். இந்த காணிக்கை கொடுத்து தங்கச்சாவி வாங்கி அலுவலகத்தில், தொழிற்சாலையில் மாட்டிவைப்பவர்களுக்கு உண்டாகும் ஆசீர்வாதம் என்ன? குடும்பம் மற்றும் தொழில், ஸ்தாபனம் ஆகியவைகள் ஆசீர்வதிக்கப்பட தம்பி.பால்தினகரன் குடும்பத்தினர் விசேஷ பிரார்த்தனை ஏறெடுப்பார்களாம். 24 மணிநேர ஜெபகோபுரத்திலும் தங்கசாவி வாங்கினவர்களுக்காக ஜெபம் ஏறெடுக்கப்படுமாம். இதைவிட பாக்கியம், அதிர்ஷ்டம் வேறு எந்த காணிக்கைக்கும் கிடைக்காது. இளம்பங்காளர் திட்டத்தில் ஒரு குழந்தைக்கு ஜெபம் செய்ய 1000 ரூபாய் வாங்கின இவர்கள், இப்போது விலைவாசி ஏற்றத்தால் பொருளாதார வீழ்ச்சியால் காணிக்கை தொகையை 2000 ரூபாயாக உயர்த்தியுள்ளார்கள். அப்படி 2000 ரூபாய் கொடுத்தாலும், தங்கச்சாவியை 1 லட்சம் கொடுத்து வாங்கியவர்களுக்காக செய்யும் ஜெபத்துக்கு, 2000 ரூபாய்க்கு செய்யப்படும் ஜெபம் ஈடாகாது. அதனால் தங்கச்சாவியை பெறுபவர்களுக்குமட்டும் 24 மணிநேர ஜெபம் செய்யப்படும் என்று அறிவிக்கப்பட்டுள்ளது. இந்த வியாபாரம் எப்படி? கேட்க, படிக்க ஆச்சரியமாக இல்லை!

இந்த வியாபாரத்தை நாலுமாவடி சகோதரர் இன்னும் தொடங்காதது ஆச்சரியம். இப்படிப்பட்ட ஜெப வியாபாரிகளுக்காக ஜெபிப்போம். சகோ.மோகன் சி.லாசரஸ் அவர்களின் சதுர அடி ஜெபம் இப்போது பிரபலமாகிக்கொண்டு வருகிறது. அதற்கான சாட்சிகளும் அந்த வியாபாரத்தை விருத்தியாக்க மிகவும் உதவியாக இருக்கிறது. உதாரணத்துக்கு ஒரு சாட்சி: திறப்பின்வாசல் கட்டிட செலவுக்கு 1 சதுர அடிக்கான செலவு தொகையாக ரூபாய் 600/- கொடுப்பதாக பொருத்தனை செய்தேன். என்ன அதிசயம்!. அந்த மாதத்திலேயே கர்த்தர் எனக்கு 6000/- ரூபாய் கிடைக்க செய்தார் என்று அவர் பத்திரிக்கையில் ஒருவர் சாட்சி எழுதியுள்ளார். மற்றொரு சாட்சியில் 10,000 ரூபாய் அனுப்பினேன், என் வீடு வாங்க தேவையான 10 லட்சம் ரூபாயை எடுத்துக்கொண்டு என் வீடு தேடிவந்து கொடுத்தார்கள் என்று சாட்சி எழுதியுள்ளார்கள். ஜனங்களைக் கவர எப்படியெல்லாம் சாட்சிகள் உருவாகிறது பார்த்தீர்களா? இது மனந்திரும்பதலின் சாட்சியல்ல - இரட்சிப்பின் சாட்சியல்ல - இது செழிப்பு உபதேசத்தின் சாட்சி. இவர்கள் எல்லாரும் ஒரே அனுபவத்தில் வந்தவர்கள் ஒரே உபதேசத்தை கூறுகிறவர்கள். இவர்களுக்கு ஒரு கூட்டணி உண்டு - திருப்பத்தூர் கூட்டணி. இதிலுள்ள சகோ.ராபின்சன் என்பவரும் சதுர அடிஆசீர்வாதத்தைப்பற்றியும், அதற்கான சதுர அடி விளம்பரமும் தன் பத்திரிக்கையில் வெளியிட்டுள்ளார்.கர்த்தர் சொன்னார், கர்த்தர் காட்டினார், கர்த்தர் கட்டச்சொன்னார் என்ற அறிவிப்பை வெளியிடும் இவர்களைப் போன்ற ஊழியர்களிடம் மிக எச்சரிக்கையாக இருங்கள். இவர்களை நம்புகிறவர்கள் நம்பட்டும். ஆனால் ஜாமக்காரன் வாசகர்கள் இவர்களின் செயலில் பங்குகொண்டு உங்களையும் உங்கள் பிள்ளைகளையும் தீட்டுப்பட வைத்துவிடாதீர்கள்.

Rt.Rev.M.DURAI

கோயமுத்தூர் CSI டையோசிஸ்ஸின் பணம், பல கோடிகளை தன் மனைவி.சூடாமணி, சகோதரர்களான மூர்த்தி - தனபால் ஆகியவர்களோடு சேர்ந்து கொள்ளையடித்தது நீதிபதியின் விசாரணையில் நிரூபணமாகியுள்ளது நீதிபதியவர்கள் தன் விசாரணை தீர்ப்பின் முடிவில் கீழ்காணுமாறு எழுதியுள்ளார்.

No Responsible person would ever sanction transactions of this type and this is why it has created such a huge scandal which has discredited the Diocese and the Church and in our view.

This one head of charge alone would be sufficient to totally disqualify Bishop-Dorai from continuing as the Head of the Diocese.

பிஷப்.துரை பிஷப்பாக தலைமை பொறுப்பெடுக்க பதவியில் தொடர சிறிதேனும் தகுதியில்லாதவர் என்று அறிவிக்கிறேன்.

மேலும் இந்த விசாரணைமூலம் கண்டுபிடிக்கப்பட்ட ஊழலின் மொத்த தொகை சுமார் 14 கோடிகள்என்று அறியப்படுகிறது. இப்படிப்பட்ட சூழ்நிலையில் CSI தலைமையான சினாட் சீக்கிரம் தீர்மானம் எடுக்கவேண்டும். இப்போது பிஷப் நீண்டகால விடுமுறையில் நீட்டிக்கிறார்.

மேலும் சேலம் CSI பாலிடெக்னிக்கில் நடந்த பல கோடி ஊழல் வழக்கில் ஆதாரமிருப்பதை உணர்ந்து இப்போது CBCID நடவடிக்கை எடுத்துள்ளது. குற்றவாளிகளை கைது செய்ய முயன்றபோதுகுற்றவாளிகளாக கருதப்பட்ட பிஷப்.துரையும் அவரோடு சேர்ந்து சேலம் CSIபாலிடெக்னிக் கல்லூரி முதல்வர்.சாம்சன் ரவீந்திரன், மேனேஜர்.பால்ராஜ் ஆகியவர்களும் கோர்ட்டில் சரணடைந்துஜெயிலில் அடைபடாமல் இருக்க, பெரும்தொகையை செலவழித்து முன்ஜாமீன்பெற்றுள்ளனர். சேலம்CSI பாலிடெக்னிக் வழக்கிலும் பிஷப்.துரை தப்பிக்க இயலாதபடி ஊழல்களின் ஆதாரம் மிகத் தெளிவாக இருப்பதாக அறியப்படுகிறது.

அதோடு பிஷப்.துரை அவர்கள் டையோசிஸிலிருந்து - சேலம் CSI பாலிடெக்னிக், ஆசிரியர் பயிற்சி பள்ளி, CSIயின் பல்வேறு ஸ்தாபனங்களிலிருந்தும் எடுத்ததாக கூறப்படும் பல கோடிகளை,பினாமி பெயரில் பல ஊர்களில் நிலங்களாக, கட்டிடங்களாக பலருடைய பெயரில் வாங்கப்பட்ட குறிப்பிட்ட நபர்களின் விவரங்கள், கொள்ளையடிக்கப்பட்ட பணத்தில் கட்டப்பட்டுவரும் ஒரு பாலிடெக்னிக், மெட்ரிக்குலேஷன் பள்ளிகள் ஆகியவைகளின் உரிமை யார் பெயரில் உள்ளது என்ற விவரம், நில பட்டா விவரங்கள், பினாமிகளின் சொத்து விவரங்கள் அவர்களின் முந்தைய வருமான விவரம் யாவும் சேகரிக்கப்பட்டுள்ளன என்று அறியப்படுகிறது.

அக்டோபர் 7ம் தேதி தினசரி செய்திதாளில் பிஷப்.துரை அவர்கள் CSI பாலிடெக்னிக் ஆசிரியை பயிற்சி பள்ளி ஆகிய பலவற்றில் நடந்த பணகொள்ளைக்கு உடந்தையாக இருந்தவர்கள் என்று அறியப்பட்டு இது சம்பந்தமாக கைது செய்யப்பட இருந்தவர்களும், கோர்ட்டில் சரணடைந்தவர்களுமானவர்களின் பெயர் விவரமாவது: பிஷப்.துரையின் மனைவி.சூடாமணி,சேலம் CSIபாலிடெக்னிக் கல்லூரியின் முதல்வர்.சாம்சன் ரவீந்திரன், நிர்வாக அதிகாரி.ஜெயகுமாரி ஆனிபால்டு,சேலம் CSI ஏரியா சேர்மனும் இப்போது ஜங்ஷன் ஹோலி ட்ரினிட்டி சர்ச் குருவானராக இருக்கும்Rev.ஸ்டான்லி குமார் டையோசிஸ்ஸின் முன்னாள் செயலரான அமிர்தம்,பொருளாளரான மனுவேல் பாக்கியராஜ், அலுவலக மேலாளர்.ஆபிரகாம் பால்ராஜ், உயர்கல்விக்கான கன்வீனர்.ரபி மனோகரன்மற்றும் கல்லூரி விரிவுரையாளர்கள் ஜெபராஜ், ஜோஸ்வா ஞானசேகர், அசோக்குமார்ஆகியோர்கள்தான் ஊழல்களுக்கு காரணம் என்று குற்றம் சாட்டப்பட்டது. தினசரி பத்திரிக்கையில் வெளிவந்த பெயர்களை அப்படியே இங்கு வெளியிடப்படுகிறது. (ஆதாரம்: தினத்தந்தி அக்டோபர் 7ம் தேதி).

இந்த சொத்துக்கள் வாங்க செலவுசெய்யப்பட்ட கோடிக்கணக்கான ரூபாய்கள் எங்கிருந்து யார்யார் பெயரில் பெறப்பட்டது, செலவு செய்யப்பட்டது என்ற பல விவரங்கள் சீக்கிரம் வெளிவருமேயானால் இந்த ஊழலுக்கு உடந்தையானவர்கள் எல்லாரும் ஜெயிலுக்கு போகவேண்டிவரும். ஆகவே இப்போது குற்றவாளிகளாக FIR பதிவுசெய்யப்பட்டவர்களில் பலர் CBI போலீஸ் அப்ரூவர் ஆகிவிடுகிறேன். உண்மையெல்லாம் ஆதாரத்துடன் கூறிவிடுகிறேன், எனக்கு குறைவான தண்டனை பெற்றுக்கொடுங்கள் என்று கூறி பிஷப்பின் பல இரகசியங்களையும், ஊழல் விவரங்களையும் அறிவித்ததாக கூறப்படுகிறது.

நாங்கள் அதிகாரத்துக்கு கீழ்ப்பட்டவர்கள் ஆகவே பிஷப் எங்கு கையெழுத்துபோட சொல்கிறாரோ, பணம் எப்படி பெறவேண்டும் என்று கட்டளையிடுகிறாரோ அப்படியே கீழ்படிந்தோம். இப்படி சிலர் கூறி ஜெயிலுக்கு போகாமல் தப்பிக்க அவரவர்கள் போலீஸ் அப்ரூவராக மாறிக் கொண்டிருப்பதாக கேள்விப்படுகிறோம்.

அதனால்தான் என் தேவனே, என் தேவனே ஏன் என்னை கைவிட்டீர், எல்லாரும் எனக்கு எதிராகிபோனார்களே என்ற பிரசங்கத்தை இப்போது சில இடங்களில் ஊழல்வாதிகள் பிரசங்கிக்க ஆரம்பித்துவிட்டார்கள்.

பணத்தை பையில் நிரப்பி கோயமுத்தூருக்கு காரில் ஏற்றி அனுப்பியவர்கள் அதில் ஒரு பகுதியை தனக்காக எடுத்து ஒளித்துவைக்காமல் இருப்பார்களா? அதனால்தான் சேலம் அருகேயே பிளாட் வாங்க இந்த கூட்டத்தில் உள்ள சிலரால் முடிந்தது. இவர்கள் எல்லாம் தொடர்ந்து ஊழியம் செய்வதுதான் ஆச்சரியம்.

CSI டையோசிஸ் பணம் கொள்ளையடித்ததுமல்லாமல், சேலம் CSI பாலிடெக்னிக்கல்லூரியிலும், ஆசிரியை பயிற்சிபள்ளியிலும் ஏராளமான கோடிகள் கையாடல் செய்த விவரம் வெளிவந்துள்ளது. சேலம் CSI பாலிடெக்னிக் கல்லூரி ஸ்தாபனங்களை பார்வையிட டெல்லியிலிருந்துNBA - (National Board of Accreditation) - நேஷனல் போர்ட் ஆப் அக்கிரிடியேஷனலிருந்து குழுவினராக 24 பேர் சேலம் வந்தார்கள். இவர்கள் 3 நாட்கள் லாட்ஜில் தங்கி பார்வையிட்டனர். இதற்கு 3 நாட்களின் இவர்களுக்கான செலவாக கணக்கில் காட்டப்பட்டுள்ளது 45 லட்சம் ரூபாய் ஆகும். இதுபோல் ஏற்றுக் கொள்ளமுடியாத செலவுகளாக 4½ கோடிகள் டையோசிஸ் பணத்தில் கையாடல் செய்துள்ளார்கள் என்று அறியப்படுகிறது.

சில மாதங்களாகவே கோயமுத்தூர் டையோசிஸ் நிர்வாகம் ஸ்தாம்பித்து போனது. பிஷப்.துரை அவர்கள் அலுவலகத்துக்குள் நுழையக்கூடாது என்று CBCID போலீஸ் கட்டளையிட்டுள்ளதாக கூறப்படுகிறது. பிஷப்.துரை அவர்கள் நியமித்த டையோசிஸ் நிர்வாக கமிட்டி கலைக்கப்பட்டுதற்காலிக நிர்வாக கமிட்டி கோயமுத்தூர் டையோசிஸ்ஸை ஆண்டுக்கொண்டுயிருக்கிறது.

Administrative Officer -    Dr.P.S.Enos,I.A.S.,
Secretary                         -    Mr.Rajendran,BSc,MA,MEd.,
Finance Administrator      -    Mr.G.Charles Chelladurai,BSc,BD.,
Administrative Committee Members:
Dr.Daniel Ezhilarasu, Mr.Jefferson, Advocate: Ravindran Charles, Adv.Sabu Thomas

மேற்கண்ட தற்கால நிர்வாக கமிட்டி நபர்கள் மூலமாக குருமார்களின் பிரச்சனை, குருமார்களின் சம்பளம், டையோசிஸ்ஸில் உள்ள பிரச்சனைகள் யாவும் கையாளப்படுகிறது.

முன்பு பிஷப்.துரை ஒருவரே பண ஊழல் செய்தார் என்று குற்றம் சாட்டப்பட்டது. ஆனால் பிஷப்பதவியில் இல்லாத இப்போதோ கோயமுத்தூர் டையோசிஸ்ஸில் அந்தந்த ஸ்தாபனத்தில் உள்ளவர்கள் அவரவர்கள் இஷ்டம்போல கொள்ளையடிக்கிறார்கள் என்று கேள்விப்படுகிறோம். அவர்களை கேட்பாறில்லை. ஊழல் இன்னும் தொடரும்போல தோன்றுகிறது.

அந்தந்த CSI ஸ்தாபனத்திலும், கல்வி நிலையங்கள் போன்ற டையோசிஸ்ஸின் பணம் புரளும் இடங்களிலும் உள்ள சில பெரிய தலைகள் நானே ராஜா என்ற நிலையில் பணக்கொள்ளையில் ஈடுபடுவதாக செய்திகள் வருவது இன்னும் வேதனையளிக்கிறது. ஒருவருக்கும் தேவபயம்இல்லாமல்போனதே! என்பது ரொம்ப மனதுக்கு வேதனையளிக்கிறது.

கோயமுத்தூர் டையோசிஸ் இப்படியே பிஷப் இல்லாமல் நீண்டுகொண்டுபோனால் புதிய ஆலய கட்டுமானபணி, கல்வி ஸ்தாபனங்களின் வளர்ச்சி இவைகள் யாவும் மிகவும் பாதிக்கப்படும். பிரசித்திப்பெற்ற ஈரோடு CSI ஆஸ்பத்திரி மூடப்படும். இப்போது ஒரே ஒரு டாக்டர் மட்டுமே இருக்கிறார். அவரும் CSI Sponcer செய்ததால் வேலை செய்கிறார். அதுவும் சில மாதத்துக்குமட்டுமே. அந்த ஒப்பந்தம் முடிந்தவுடன் அவர் போய்விட்டால் ஆஸ்பத்திரியை முழுவதுமாக மூடிவிடவேண்டும்.டேனிஷ்பேட்டை பெத்தேல் ஆஸ்பத்திரிக்காவது கொஞ்சம் உயிர் ஊசலாடிக்கொண்டிருக்கிறது. ஆனால் ஈரோடு ஆஸ்பத்திரி இன்னும் சில மாதங்களில் அதன் முழுமூச்சும் அடங்கிவிடும் போல் தோன்றுகிறது. இப்போது பலர் ஆனைக்கட்டியில் உள்ள எங்கள் டிரைபல்மிஷன் ஆஸ்பத்திரியில் பணிபுரியும் டாக்டர் ஒருவரை அணுகி ஈரோடு CSI ஆஸ்பத்திரியின் முழு உயிரும்போகாமல் இருக்க வாரத்தில் இரண்டு நாட்களாவது வந்துசெல்ல வேண்டிக்கொண்டிருக்கிறார்கள். கிறிஸ்தவ ஆஸ்பத்திரிகளின் நிலை மிக மோசமாக போய்கொண்டிருக்கிறது. ஜெபிப்போம். இதைக்குறித்து தற்காலிக அத்யட்சாதீன கமிட்டி புதிய தீர்மானம் எடுக்க சட்டத்தில் இடமில்லை. இந்நிலை நீண்டுபோனால் கல்வி நிலையம், கல்லூரி வளர்ச்சி, ஆஸ்பத்திரி யாவும் முடங்கிப்போகும்.

Most Rt.Rev.S.VASANTHAKUMAR

பிஷப்.துரை விஷயத்தில் நீதிபதியின் தீர்ப்பின்படி CSIமாடரேட்டர்Most Rt.Rev.S.வசந்தகுமார் மனது வைத்தால் பிஷப்.துரைஅவர்களை பதவி நீக்கம் செய்து உத்தரவிடலாம். ஆனால் மாடரேட்டர் அவர்கள் அப்படி செய்ய தயக்கம் காட்டிவருவதாக கூறுகிறார்கள். காரணம் அவருடைய பெங்களுர் டையோசிஸ்ஸில் சுமார் 18 வழக்குகளில்அவர் அகப்பட்டுள்ளார். அதில் பெங்களூரில் பிரபலமான இரண்டு பள்ளிகளின் பல கோடி பணம் தன் பெயரிலும், தன் மனைவி.நிர்மலா பெயரிலும் Joint Account பேங்க்கில் ஓப்பன் செய்து அந்த பள்ளிகளின் பணவரவு முழுவதும் டையோசிஸ் அக்கவுண்ட்க்குபோகாமல் தங்கள் தனி அக்கவுண்ட்க்கு போய் சேருமாறு பிஷப் செய்துவிட்டார். இந்த வழக்கில் ஆதாரத்துடன் கையும் களவுமாக மாடரேட்டர் அகப்பட்டுக்கொண்டார். அந்த ஊழலில் மாடரேட்டருக்கு பல கோடிகள் சேர்ந்துவிட்டது. அந்த குறிப்பிட்ட பேங்க் அக்கவுண்ட் நெம்பருக்கு பள்ளி பணம் சேரும்படி கல்லூரிக்கும், பள்ளிகளிலும் பிஷப் கட்டளையிட்ட ஆதாரங்கள் யாவும் வெளியரங்கமாகிவிட்டது. கையும், களவுமாக பிடிக்கப்பட்டு 2010 செப்டம்பர் மாதம் 4ம் தேதி பிஷப்புக்கும், அவர் மனைவிக்கும் கைது வாரண்ட் அனுப்பப்பட்டது. இதில் மாடரேட்டரும், பெங்களுர் திருமண்டல பிஷப்புமான Rt.Rev.வசந்தகுமார் அவரின் மனைவி.நிர்மலாவுக்கும் கைது வாரண்ட் பிறப்பிக்கப்பட்டுள்ளது. பிஷப் அவர்களின் மனைவி.நிர்மலா அவர்கள் நல்ல பக்தியுள்ளவர், திருமண்டலத்தில் உள்ள தாய்மார் சங்கத்தில் உள்ள பல பெண்களுக்கு ஆறுதலின் தாயாக ஜெபிக்கும் ஆவிக்குரியவராகவும் இருந்தார்.

ஆனால் அனனியா-சப்பிராள்போல பாவமான காரியத்தில் கணவருக்கு கீழ்படியும் வண்ணமாக பல பாவத்துக்கும், பணக்கொள்ளைக்கும் மனைவியும் உடந்தையானார். மாடரேட்டர்மேல் மொத்தம் 18 கேஸ்கள் உண்டு என்று கூறுகிறார்கள். அதில் பல கேஸ்களில் அவருக்கு கைது வாரண்ட் உண்டு. முன்ஜாமீனில் இருக்கும் இப்படிப்பட்டவர் கோவை பிஷப்.துரை அவர்களின் பிரச்சனையை எப்படி தீர்ப்பார்? நீர் யோக்கியமா? என்ற பிஷப்.துரை அவர்கள் கேள்விக்கு மாடரேட்டர் பதில் அளிக்கமுடியாமல் அவர் மீது எந்த நடவடிக்கை எடுக்கவும் தயங்குகிறார்.

CSI சினாட் கமிட்டி தீர்மானமாக முடிவெடுத்தால் பிஷப்.துரை திரும்ப பதவிக்கு வரமுடியாது-சீக்கிரமே கோவை திருமண்டலத்துக்கு நல்ல பிஷப் பொறுப்பெடுக்கமுடியும். இது எப்போது நடக்கும்? தெரியாது!

இப்போது ஜாமீனுக்கும், கோர்ட் செலவுக்கும் கோயமுத்தூர் டையோசிஸ்ஸிலிருந்து பிஷப்.துரை அவர்கள் பணம் எடுக்கமுடியாத நிலை ஏற்பட்டுவிட்டது. பிஷப்புடன் ஊழலில் உதவியவர்களின் ஜாமீன் செலவு - கோர்ட் செலவுக்கு யார் செலவு செய்வது? இப்போதுதான் இந்த கூட்டத்தில் சிலருக்கு புத்தி தெளிந்துள்ளது. ஸ்தாபனங்களில் அல்லது டையோசிஸ்களில் உள்ள மேலதிகாரிகள் தவறான காரியங்கள் செய்ய ஒருவரை கட்டாயப்படுத்தும்போது நல்லவர்கள்கூட பல ஆபத்துகளில் அகப்பட்டுக் கொள்கின்றனர். இப்படிப்பட்ட சூழ்நிலையில் அகப்படும்நிலை ஒருவருக்கு வந்தால் அப்படிப்பட்ட பதவி வேண்டாம் என்று ஜெபத்துடன் ஒதுங்கி நிற்க தீர்மானிக்கவேண்டும். அது அவர்கள் ஆத்துமாவுக்கு நல்லது. நல்ல மனசாட்சிக்கு ஏற்றது.

ஏரியா சேர்மேன் பதவி வகிக்கும் ஒரு குருவானவரே பெரிய பணக்கொள்ளைக்கு முழு உடந்தையாகிவிட்டு எனக்கு தெரியாது! அதிகாரி கட்டளையிட்டதால் தவறு செய்துவிட்டேன் என்றால் நீதிபதி நம்பவேண்டுமே? பிஷப், ரௌடிகளை அழைத்து சென்று காரியங்களை நடத்திவிட்டுவா என்று குருவானவருக்கு கட்டளையிட்டால் குண்டர்களுடன் (ரௌடிகளுடன்) உடனே செல்கிறார்.ஆராதனையின் நடுவில் என்னை எதிர்க்கிறவர்கள் தைரியமாக வாருங்கள், நான் அங்கியை கழற்றிவிட்டு வருகிறேன். அதன்பின் நீயா? நானா? என்று பார்த்துவிடுவோம்! என்று நட்டநடு ஆராதனையில் ஒரு ரௌடியைப்போல் சவால்விட்டால் சபைமக்கள் தன்னை எப்படி எடைபோடுவார்கள் என்று யோசிக்ககூடாதா? பிரசங்கம், பாட்டு கவர்ச்சியாக இருந்து என்ன பயன். மிஷனரி ஊழியம், ஜெபக்குழுக்கள் இவை யாவையும் கவனிக்கும்போது இவரின் இரட்டை வேடம், இரட்டை நடிப்பு நன்றாக விளங்குகிறதே! அங்கிக்குள் ஒரு மனிதன், அங்கி கழட்டினால் வேறொரு மனிதன்? இந்த இரட்டைவேடம் ஊழியத்துக்கு நல்லதா? நிலைமை இப்படியிருக்க இரவு நேரத்தில் இவரின் பலவீனம் சபைமக்கள் அனைவராலும் பேசப்படும் ஒன்றாகும். என்ன பரிதாபம்! கர்த்தர் உள்ளத்தை அறிகிறவர் என்பது இப்படிப்பட்டவர்களுக்கு தெரியாதா? போலீஸ் அப்ரூவராக மாறியது தன்னை காத்துக் கொள்ளத்தானே ஒழிய! மனம் மாறிய செயல் அல்ல. இதுதான் மாய்மாலம். நேருக்கு நேராக பேசலாம் -பொட்டையனைப்போல ஒளியாதே என்று சபையில் வாலிபப் பெண்பிள்ளைகள் முகம் சுழிக்க பேசுவதால் இவர் உண்மையுள்ள ஊழியரல்ல என்று தெளிவாக விளங்குகிறது. இப்படிப்பட்ட இரட்டை வேடத்திலிருந்து இவர் தன்னை திருத்திக்கொண்டால் அவருக்கு இருக்கும் அற்புதமான ஊழிய தாலந்துக்கும் ஏற்ற ஆசீர்வாதத்தை கர்த்தர் அருளுவார். கர்த்தர் அவரையும்,அவரின் கடந்தகால குடும்ப வாழ்க்கையையும் மன்னித்து, அவரை அற்புதமான கன்வென்ஷன் பிரசங்கியாககூட கர்த்தர் அவரை உபயோகிக்க காத்திருக்கிறார்.

ஏற்கனவே நம் CSIயின் நிலை மோசமாகிக்கொண்டுவருவதை நாம் அறிவோம். முன்பெல்லாம் ஏதாவது ஒரு டையோசிஸ்ஸில் இப்படிப்பட்ட பிரச்சனைகள் அங்கொன்றும் இங்கென்றுமாக நடப்பதை கேள்விப்பட்டோம்.

ஆனால் Rt.Rev.வில்லியம் மோசஸ் மாடரேட்டராக பதவி ஏற்ற சில வருடங்களில் தொடங்கிய பிரச்சனைகளும், பண ஊழல்களும்பிஷப்பை விலைக்கு வாங்கும் கேவல வியாபாரமும்CSIடையோசிஸ்ஸில் தொடர்ந்து வளர ஆரம்பித்துவிட்டது. ஒன்று, இரண்டு டையோசிஸ் தவிர அனைத்து டையோசிஸ்களிலும்ஊழல்கள் பெருக ஆரம்பித்து Most.Rt.Rev.சுகந்தர் காலத்தில் பணஊழல் உச்சக்கட்டத்தை அடைந்து பல டையோசிஸ்களில்பிஷப்மார்கள்விலை பேசப்பட்டார்கள். இந்த வெட்ககேடு இப்போதும் வளர்ந்துக்கொண்டே வருகிறது. இவைகளைக்கண்டும் அறிந்தும் ஜெபிக்காமலோ வாசகர்களுக்கு அறிவிக்காமலோ, வேதனைப்படாமலோ இருப்பது எப்படி? தினசரி பத்திரிக்கைகளிளெல்லாம் வாரம் தவறாமல் பிஷப்மார்களைப்பற்றியும், மாடரேட்டர்களைப்பற்றியும் செய்திகள் செய்திதாள்களிலும்,TV நிகழ்ச்சிகளிலும் புறமதத்தினர் வாசித்து, கண்டு கேலி செய்யவதை நாம் நேரில் கண்ட பின்னும்கிறிஸ்தவ மீடியாக்கள், பத்திரிக்கைள் மூலமாக சபை மக்களுக்கு இவைகளை வெளியரங்கமாக அறிவித்து ஜெபிக்க கேட்டுக்கொள்வதில் தவறு என்ன? நான் எழுதுவதைக்குறித்து கோபப்படுவதில் அர்த்தம் இல்லை!

ஒருவேளை என்னை CSIயிலிருந்து முழுவதுமாக நீக்கினாலும் என் ஆண்டவர் என்னை உயிரோடு வைக்கும்வரை, என்னை எழுத அனுமதிக்கும்வரை, என் கையில் கொடுக்கப்பட்ட எச்சரிக்கும் பணியும், அறிவிக்கும் பணியும் நிச்சயம் தொடரும்.

குருமார் அதிகாரங்களுக்கு கீழ்அடங்கி இருக்க வேண்டியவர் (ரோ 13:1-5, தீத்து 1ம் அதிகாரம்) ஒருவேளை எந்த டையோசிஸ்லாவது பிஷப்மார் அவர்கள் ஊழலில் சம்பந்தப்படாதவரானாலும் அவர் திருமண்டலத்தில் பண ஊழல் நடக்காது இருந்தாலும், தன்னைப்போன்ற பிஷப் பதவியில் உள்ள மற்ற பிஷப்மார்கள் என் ஜாமக்காரன் பத்திரிக்கையில் தாக்கப்படும்போது நிச்சயம் அவர்கள் மனது பாதிக்கும். அதன் காரணமாககூட சில பிஷப்மார் என்னைப் போன்றவரை ஒதுக்க நினைப்பார்கள்.அப்படிப்பட்ட எண்ணங்களைக்கொண்ட பிஷப்பின்கீழ் குருவானவராக நீங்கள் வேலை செய்தால் அவர் எண்ணத்தைப் புரிந்துக்கொண்டு என்னை போன்றவர்களை சபை கன்வென்ஷகளில்உபயோகிக்காமல் இருப்பது உங்கள் பதவிக்கு நல்லது. உங்கள் நன்மைக்காகவும் என்னால் நீங்கள் யாரும் பாதிக்கப்படகூடாது என்பதற்காகவும் இதை எழுதுகிறேன். என்மேல் பரிதாபம் கொள்ளவேண்டாம்.

சபை ஒழுங்குப்பற்றியும் அதிகாரங்களுக்கு கீழ் அடங்கி இருப்பதைக்குறித்தும் பிரசங்கிக்கும் நானே அந்த சட்டத்தை மீறக்கூடாது.(ரோம 13:1-5, தீத்து முதல் அதிகாரம்).

நான் எழுதுவதும் அறிவிப்பதும் யாரையும் அவமானப்படுத்த அல்ல.

யார் மேலும் எனக்கு பகையோ தனிப்பட்டமுறையில் வெறுப்போ கிடையாது.

எந்த பிஷப்மார்களும், எந்த மாடரேட்டர் பதவியில் உள்ளவர்களாலும் என் ஊழியத்துக்கு பாதிப்பு இல்லை. ஒருவேளை அவர்கள் என்னை CSIயிலிருந்து நீக்கினாலும் என் ஊழியம் நிச்சயம் பாதிக்கப்படாது. எனக்கும் வயது 70ஐ தொட்டுவிட்டது. என்னுடைய ஆயுளும் சுருங்கிக்கொண்டு வருகிறது. 1964ம் வருடம் ஊழியத்தை தொடங்கின நான் இப்போதும் அன்றைய பெலன் சற்றும் குறையாமல் கிறிஸ்துவுக்குள் வாலிபனாக எல்லா நாளும் கர்த்தருக்கென்று ஓடிக்கொண்டேயிருக்கிறேன்.எல்லாவற்றுக்கும் ஒரு முடிவு உண்டு என்று வேதம் கூறுகிறது. அந்த முடிவு எனக்கும் வரும். எனக்கு கொடுக்கப்பட்ட வழியில் நான் நடந்துகொண்டல்ல ஓடிக்கொண்டேயிருப்பேன்.

என்னை புரிந்துக்கொண்ட விசுவாசிகள் CSI, லூத்தரன், மார்தோமா சபை குருமார்கள்,பிஷப்மார்கள், பெந்தோகோஸ்தே சபைபாஸ்டர்கள், பிரதரன்சபை இப்படி ஏராளமானவர்கள் எனக்காக ஜெபிக்கிறார்கள். நான் அவர்களுக்காக ஜெபிக்கிறேன். எனக்காக தவறாமல் ஜெபிக்கும்பிஷப்மார் உண்டு, பெந்தேகோஸ்தே பாஸ்டர்கள் உண்டு, குருமார்கள் உண்டு. இவர்கள் எல்லாருடைய ஜெபங்களும் என் தனிப்பட்ட ஜெபமும் எனக்கும், என் ஊழியத்துக்கும், குடும்பத்துக்கும் அரணாகவும் பின்துணையாகவும் இருக்கிறது. இதற்கும் மேலாக என் இயேசு எப்போதும் என்னோடும், எனக்குள்ளும் இருப்பதை ஒவ்வொரு நொடியும் உணருகிறேன். அதுபோதும் எனக்கு. கர்த்தருக்கு ஸ்தோத்திரம்.